Efɛɛzi minin 1:5 - LAWA A BOO SONBORE 2011

⁵ a na á saa lɛlɛ, á wɔ baa a din a nɛnyaanan lɛa ka Yezu Krita barka nɛ. A na á zɛnaa miɛ̃, a giala mà bɛ á kɔɔ̃n a ganaa.

LAWA A BOO SONBORE

⁵ a na á saa lɛlɛ, á wɔ baa a din a nɛnyaanan lɛa ka Yezu Krita barka nɛ. A na á zɛnaa miɛ̃, a giala mà bɛ á kɔɔ̃n a ganaa.

Efɛɛzi minin 1:5 ပူးပေါင်းရင်းမြစ်များ

Zeremii 3:19

Man má goã pii: Man zoɛ̃ li ma n baa maa nɛnyaanan kɛn goon lɛa. Man zoɛ̃ li ma gána sonbore kɔ n la, a n liɛ nɛ kanaa a bǎã sonbore tumaa nɛ. Man má goã pii máa n tá re ma bíi: "Maa díi", n nə n ba n dɔ̀ɔ̃ we ma-n doo wa.

Zeremii 3:4

Kanna kəni, ma nə n lɛ dii masɛ ganaa n nə́ pii: «Maa díi, maa tenmaa waáraa a giaára!»

Matiə 1:25

Sɛnɛ á giã kun ni wa, yǎa Mariya daa a na a nɛgiĩ lɛ yɛ. Zozɛfu ná a tɔ kɔ mà Yezu.

Matiə 11:26

Hiĩ, maa Díi ganaa, a zɛnaa miɛ̃ kɛ na á kɔɔ̃n kɔ n din ganaa.

Luku 10:21

A din bǎã-n gɔrɔ Lawa a Yiri Fu Yezu da nyɛnyɛɛ ganaa parsiini. Á pɛ: «Díi, lon laanka tán a dɛnaa, ma á barka diɛ nɛ. A giala, n din ni ń bɛa siin kɛn duru sii-dɔ̃lin laanka yiridɛnan la, n nə́ ǹ nyaa min bɔnboɛɛnən manɛ. Díi Lawa, bɛa zɛnaa miɛ̃ kɛ na á kɔɔ̃n kɔ n din ganaa.

Luku 11:32

Kiri-kurii pinaa, Ninivu kiwi minin tá re yui, kun ka pelo minin kɛn nɛ, ǹ ka zɛ̀rɛ baa. A giala, Ninivu minin lɛn bɛ́ ǹ nə́ Zonaasi a lɛ-dia lɛ ma, ǹ nə́ wusoo ǹ sii baraan kio, ǹ nə́ ǹ tɔ wɔ ǹ gɔn bɔyaa. Á ke! Min tá kànaa á n gole Zonaasi ni.»

Luku 12:32

Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Zaã a sɛ́wɔ 1:12

A laan ka bɛ yii ni, min mɛnɛn nə lɛ kɔ a ganaa, ǹ nə́ golee li, a din na á toa bɛn nə́ Lawa a nɛbaa yɛ.

Zaã a sɛ́wɔ 11:52

Ǹ dininsɔɔ̃nɔn lɛa bie wa, sɛnɛ, a doamaa nɛ a gã, màn mɛn bɛ́ toɛ, Lawa a nɛnyaanan mɛnɛn bɛ́ sasawaa nɛ, á bɛn dɔn kaa kun, á ǹ tumaa baa goon.)

Zaã a sɛ́wɔ 20:17

Yezu tɔ́n pɛ nɛ: «N baran n gɔn paraa masɛ ganaa wa! A giala, ma bie zii la woe maa Díi li bɔrɔ wa. Sɛnɛ, wo pɛ ma dɔɔ̃nɔn manɛ mà ma á re dii ma wo maa Díi li kəni, ǹ mɛn lɛ bɛ́ ka dɔn Díi lɛa, ma á re woe Lawa li kəni, ǹ mɛn lɛ bɛ́ ka dɔn Lawa lɛa.»

Nya ǹ dín 13:48

Ǹ bɛ́ ǹ nə́ bɛa boo kɛ ma, tɔrɔ kɔsɔn minin kɛn foo kɔɔ̃n kɔ parsiini, ǹ nə́ barka da Lawa nɛ a boo kɛ a lɛa. Minin mɛnɛn tumaa bɛ́ Lawa nə́ ǹ da nyin nyabaã kɛ wɔn lɛa, bɛn nə́ golee Lawa li.

Rɔmu minin 8:23

Sɛnɛ, kanaa mànan dininsɔɔ̃nɔn bie wa. Wɔsɛn mɛnɛn dɔn dinin bɛ́, Lawa ná a Yiri kɔ wɔ la, a bǐɛ̃baa ǹ màn bibinaa lɛa, wɔ dɔn man gini wɔ gɔ́ɔ̃ nɛ. Wɔ ǹ gini wɔ nə́ n yii diɛ, wáa Lawa wɔ bɔ nɔmaa kɛ nɛ ka lenlen, a wɔ baa a din a nɛnyaanan lɛa.

Korɛnti1 1:1

Masɛ Pooli, Lawa lɛ kɔ á ma bíi, mà ma Yezu *Krita a dia dí-a wole baa. Ma laanka ma dɔɔ̃n Sɔstɛnɛ n fòo diɛ ka nɛ.

Korɛnti1 1:21

Sonbore, kanaa minin nə boo la, ka ǹ dinin sii-doɛ̃ kɛ barka nɛ, ǹ nə́ Lawa a sii-doɛ̃ kɛ giala ma wa. Wɔ bɛ́ dí mɛn pii ka nɛ Yezu a gɛ̀ wɔ gɔn la, a n gàãnaabaa lɛa kanaa minin yii li, a da yaa Lawa golee la, mà min mɛnɛn bɛ́ golee bɛa gàãnaabaa ǹ dí kɛ lɛ li, mà á re bɛn kirisibiɛ.

Korɛnti2 6:18

Ma á re kaa díi biɛ, ka dɔn tá re maa nɛgiĩn biɛ ka maa nɛlɔn nɛ. Dɛnaa Pàãyiidɛnaa na á pɛ miɛ̃.»

Galaasi minin 3:26

A giala, goleemali barka nɛ, ka tumaa n Lawa a nɛnyaanan lɛa Yezu Krita wɔ gɔ́ɔ̃ nɛ.

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Efɛɛzi minin 1:9

Lawa dinmaa na á saa lɛlɛ á bɛa sii lɛ yɔrɔ bɔ á koa, á n die zɛnɛɛ ka Krita nɛ. A din foo sii ni, á goã durii-n lɛlɛ. Sɛnɛ kanna, á nyaa wɔ nɛ.

Filipi minin 2:13

A giala, Lawa á tɔn dí nyɛɛ ka nɛ, ka boo la ka pàã yɛ, ka lɛ kɔ ka sii zɛnaa, a kɔnpɛ ka a din a dí yɔrɔ bɔ kɛ nɛ.

Kolɔɔsi minin 1:19

A na á kɔɔ̃n kɔ Lawa din ganaa, á Lawabaa ǹ sii tumaa lɛ-piɛ̃ wɔ a Nɛgiĩ lɛ nɛ,

Tesaloniki2 1:11

Bɛ lɛ na á toa, wɔ á Lawa nyankoe kaa lɛa baraabaraa, màn mɛn bɛ́ toɛ, wɔa Lawa lɛ mɛn dia ka la, a ka yɛ ǹ dɛnan lɛa. Ka bɛ́ li mà ka sii sonbore mɛn tumaa zɛnaa, wɔ na a nyankoe wáa a din na a zɛnaa ǹ pàã kɔ ka la, a toa kaa goleemali na a nya ǹ dí nya ka a din pàã nɛ.

Ebrəə 2:4

Lawa din na á goã dí nyɛɛ, á n pàã we ǹ siére lɛ nɛ, ka sii-nyaa ǹ siin dadaran laanka kaãbaa ǹ sii tɔrɔ tumaa nɛ. A na á goã Yiri Fu a bǐɛ̃ mànan dɔn koe minin la, á n kɔnpii a din dùũ ni.

Zaã1 3:1

Díi Lawa lɛ bɛ́ wɔ narɛ á la yii-n lɔn, ka ga bɛ ganaa! Maǹ wɔ bíi Lawa a nɛnyaanan. Taãn nɛ, wɔ n Lawa a nɛnyaanan dɔn lɛa sonbore. Bɛ lɛ n ke, kanaa kɛ a wɔ doɛ̃ wa, a giala, mà a Lawa dɔ̃ wa.

Sii-nyaan 21:7

Min mɛnɛn bɛ́ re gɔ̀lɔ̀baa yii, ma din nə die bǐɛ̃ kɛ biɛ ǹ nɛ, ma á re ǹ Lawa biɛ, ǹ dɔn tá re n biɛ maa nɛnyaanan lɛa.