Ebrəə 9:26 - LAWA A BOO SONBORE 2011

²⁶ Bɛ̀ Krita na á baa miɛ̃, bɛ̀ a kũ kanaa giala-koe ganaa, bɛ̀ a doamaa nɛ a fuu yɛ gunyin damata. Sonbore, Krita na á zɛnaa gunyin goon toto, giala-nyɔmiɛ biikoo kɛ li, á daa, á sii baraa nya ka a din kɔ wúlu màn lɛa barka nɛ.

LAWA A BOO SONBORE

²⁶ Bɛ̀ Krita na á baa miɛ̃, bɛ̀ a kũ kanaa giala-koe ganaa, bɛ̀ a doamaa nɛ a fuu yɛ gunyin damata. Sonbore, Krita na á zɛnaa gunyin goon toto, giala-nyɔmiɛ biikoo kɛ li, á daa, á sii baraa nya ka a din kɔ wúlu màn lɛa barka nɛ.

Ebrəə 9:26 ပူးပေါင်းရင်းမြစ်များ

Samayeli2 12:13

Bɛ kio, Davida pɛ Natan nɛ: «Má sii babaraa la Dɛnaa Lawa la.» Natan tɔ́n pɛ Davida nɛ: «A bɛ́ miɛ̃, Dɛnaa Lawa nə́ n sii baraa lɛ toa n nɛ. N ba re giɛ̃ wa.»

Samayeli2 24:10

Davida bɛ́ á zaman lɛ nimi miɛ̃, bɛ kio, a foo ná a din zɛ̀rɛ baa. Á tɔ́n pɛ Dɛnaa Lawa nɛ: «Ma sii mɛn zɛnaa, sii baraa gole gole ne. Kanna kəni, Dɛnaa Lawa, masɛ nə n nyankoe, bǐɛ̃ kɔ n kiɛ̃ maa sii baraa kɛ la, a giala, gàãnaabaa ǹ sii din taãn nə ka kɛ nɛ má zɛnaa.»

Zɔbu 7:21

N ba boe la n maa sii baraa toa ma-n wa? N ba boe la n kiɛ̃ maa sã la wa? A giala, kànaa ka boɛɛn nɛ, ma á re wɛɛ tán tii li. N tá re giɛ ma li, sɛnɛ ma a re goɛ̃ ma tan wa.»

Loen 103:12

Lɛ̀giala laanka lɛ̀nyɛɛn wɔlɔ bɛ́ lui-n kɔn ganaa lɔn, a n wɔa sã ǹ siin lɛn wɔlɔ lui wɔ ganaa miɛ̃.

Izayii 2:2

Lɛawaa kɔn tá re doe Dɛnaa Lawa a kion lɛ bɛ́ kele mɛn la, a mìi la á re liɛ kelen tumaa wɔ nɛ, á re goɛ̃ tentelen tumaa lalan. Tɔrɔn tumaa á re yiɛ ǹ wo walan girigiri.

Danayeli sɛ́wɔ 10:14

Sii mɛn bɛ́ re n tɔrɔn lɛn yii nyɛɛnɛ, masɛ n má daa bɛ pɛ n nɛ. A giala sii-yɛ kɔsɔ á re yii bɛa biikoo lɛ wɔ lɛa.»

Danayeli sɛ́wɔ 9:24

Lɛ̀ sɔbaa wɔlɔ pɔsɔbaa nə́ n koa, n zaman laanka n kiwi sonbore kɛ wɔ lɛa. Màn mɛn bɛ́ toɛ, Lawa bɔlɔ tii ǹ siin kɛn nə nya, sii baraa zɛnaa lɛ nə n da, Lawa minin sãn toa ǹ nɛ. Peperebaa mɛn bɛ́ a nyɛɛ wa, bɛ á re die, sii-yɛ laanka Lawa a boo gii mɛn nə n da, bɛn lɛ á re piɛ̃, Lawa a kion sonbore kɛ á re wusii a na a wɔ baa.

Misee 4:1

Lɛawaan kɔnɔn tá re doe, Dɛnaa Lawa a kion lɛ bɛ́ kele mɛn la, bɛ á die goɛ̃ ǹ miã kelen mìi la, lon tentenen tumaa mìi la, tɔrɔn tá re yiɛ girigiri bɛ̀ ǹ wo la.

Matiə 13:39

Zɔ́ɔ mɛn bɛ́ á buu babaraa lɛ pɛsɛ̃ wuru lɛ nɛ, Sɛtaan din nə ka bɛ nɛ. A kurii waáraa ke, kanaa a nya waáraa n ka bɛ nɛ. Dí-nyalin mɛnɛn bɛ́ kuri, bɛn man lon a dia dí-a wolen lɛa.

Matiə 13:40

Ǹ bɛ́ buu babaraa lɛ goɛ bɛ̀ ǹ kaa tɛ-n lɔn, a n die n biɛ miɛ̃ kanaa a nya waáraa.

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Zaã a sɛ́wɔ 1:29

Bɛ lɛ a lɛawaa, Zaã Yezu yɛ die a li, á tɔ́n pɛ: – Ka ga, Lawa sère nɛ mɛn kɔ á ke. A din lɛ n kanaa minin sii baraa sawɛɛ á boe ǹ ganaa.

Zaã a sɛ́wɔ 17:24

Maa Díi, n min mɛnɛn kɔ masɛ la, ma din bɛ́ re goɛ̃ bǎã mɛn nɛ, man giɛ li, ǹ dɔn nə goã walan kun ka masɛ nɛ. N din gugurubaa mɛn kɔ masɛ la, ǹ bɛ yɛ, a giala, ń masɛ narɛ, haalɛ bɛ̀ kanaa tɔn nə n zɛnaa wa.

Korɛnti1 10:11

Bɛa siin kɛn man nə́ n zɛnaa ǹ nɛ sii a kɔnboen lɛa. Maǹ nə́ tɔ́n nə ǹ kiɛ̃ sɛ́wɔ nɛ, mà ǹ wɔ dɔn biikoo giala-nyɔmɔɔ minin kɛn doroo ǹ siin baa.

Galaasi minin 4:1

Maa taasiɛ n ka kɛ-n kəni: Nɛ mɛn bɛ́ ǹ di a kíɛ̃-saali lɛa, a n goon ka bɛ n bɛ̀rɛ lɛa a nɛtenbaa tumaa gɔ́ɔ̃ nɛ, a laanɛ a din nə màn tumaa a dɛnaa lɛa.

Efɛɛzi minin 1:10

Bɛ̀ a biikoo dɔ ǹ mɛn waáraa, màn mɛnɛn tumaa bɛ́ lon, ǹ mɛnɛn tumaa bɛ́ tán, a n die ǹ soekɔn, a goledɛnaa goon toto koa ǹ mìi la, bɛ n ka Krita nɛ.

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Ebrəə 1:2

Sɛnɛ sisia, giala-nyɔmiɛ biikoo kɛ li, Lawa na á boo da wɔ nɛ, ka a din a Nɛgiĩ kɛ barka nɛ. Lawa na á kanaa da ka bɛa Nɛgiĩ kɛ lɛ pàã nɛ, a na á ná a din dɔ bɔ á koa, mà a màn din tumaa a dɛnaa baa.

Ebrəə 10:10

Yezu Krita na á Lawa foo sii kɛ lɛ zɛnaa, a ná a din gɔ̀nɔn kɛ kɔ, mà a n baa wúlu màn kɛ lɛa, ǹ mɛn bɛ́ á n zɛnaa gunyin goon toto, bɛ lɛ nɛ, á wɔ yoreen koe.

Ebrəə 10:12

Sɛnɛ, Krita sɛ na á n din kɔ, wúlu màn goon toto lɛa sii baraan lɛa, bɛ kio á giã Lawa gusin lon yǎa duduu,

Ebrəə 10:26

Wɔa sonbore doɛ̃ taãn-taãn kio, bɛ̀ wɔ á tɔn nə n tiɛ̃ sii baraa zɛnɛɛ, sii baraa toa ǹ wúlu kɔ́n banban doo wa.

Ebrəə 10:4

A giala, dii gɔ̀lɔ̀n laanka butumu mà a boe la, a sii baraan nya duduu wa.

Ebrəə 4:3

Wɔsɛn mɛnɛn bɛ́ wɔ́ golee Lawa li, wɔsɛn man we susui lɛ nɛ. Lawa din na á boo kɛ pɛ taãn-taãnɛ susui lɛ wɔ gɔn la: «Bɛ lɛ na á toa, maa foo-yoo gɔ́ɔ̃ nɛ, má n liɛ máa ǹ ba re we maa susu ǹ gána kɛ-n wa.» Lawa a dí na a nya kanaa diɛ waáraa wa? Á nya.

Ebrəə 7:27

Yezu lɛ laadoo ba a ganaa, a wúlu bɔ baraabaraa, ka wúlu-bɔlen kiã gialakunun kɛn bɛ́ ǹ nə́ goã zɛnɛɛ lɔn, bibinaa nɛ a din a sii baraan lɛa, bɛ kio zaman dɔ wɔn lɛa wa. Yezu na á wúlu bɔ gunyin goon dinsɔɔ̃, bɛ̀ a bɛ́ á n din kɔ gɛ̀ la wɔa lɛa, kɔsɔ ba n zɛnɛɛ doo wa.

Ebrəə 9:12

Krita bɛ́ á kiɛ̃ mɔnaa kion lɛ nɛ, a na á wɔ Bǎã Sonbore Sonbore kɛ lɛ nɛ gunyin goon toto, a ba kɔsɔ zɛnɛɛ doo wa. A bie á wɔ ka butumun laanka diin nɛn mà nɛ, á kɔ wa, a na á n din mà kɔ. Bɛa yɔrɔ kɛ lɛ la, a na á wɔ si wɔa sii baraan la yǎa duduu.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Piɛrɛ1 1:20

Lawa na á ná a din lɛ bɔ, á koa bɛa lɛa, bɛ̀ kanaa bɛ́ a tɔn nə n da wa. A na á nyaa kanna a biikoo kɛ li biikoo giala-nyɔmiɛ lɛa, ka dinin bǐɛ̃ taman yii.

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Piɛrɛ1 4:7

Màn din tumaa a giala-nyɔmiɛ biikoo diri. Ka ka dinin yiri kũ, ka n yii dɔraa, màn mɛn bɛ́ toɛ, ka boo la ka Lawa nyankɔ.

Zaã1 3:5

Sɛnɛ, ka á doɛ̃, mà Krita na á daa minbuiinin sii baraan bɔ ǹ ganaa, sii baraa kɔ́n ná a ba a din li wa.

Zaã1 3:8

N mɛn bɛ́ n tɔn sii baraa zɛnaa lɛ da wa, ma n *Sɛtaan wɔ lɛa. A giala, a saa giala-kɔ waáraa ganaa, Sɛtaan na á sii baraa zɛnaa. Lawa a Nɛgiĩ na á daa bɛ lɛ a lɛa, mà a Sɛtaan a nya ǹ dín ziziɛ̃.

Sii-nyaan 13:8

Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.

Sii-nyaan 17:8

N yii bɛ́ Tɔɔ mɛn ganaa, a yii goã koo, sɛnɛ, a yii a koo doo wa. Á re soe nɔmaa ǹ nyankɔrɔ zuzulu lɛ nɛ a wo a ziziɛ̃ ǹ bǎã nɛ. Tán minin mɛnɛn bɛ́ ǹ tɔ goã kiɛ̃-n yiikoonaabaa ǹ sɛ́wɔ kɛ nɛ kanaa giala kɔ waáraa wa, bɛ̀ bɛn nə́ yɛ, á re ǹ tɔwɛɛ. Taãn nɛ, a na á goã a yii n koo lɛlɛ, a yii ná a koo doo wa, sɛnɛ, a n die wusii a daa doo.