Ebrəə 6:8 - LAWA A BOO SONBORE 2011

⁸ Sɛnɛ, bɛ̀ á nyan laanka koronkoron boe, là ba a ganaa wa. Lawa á re barka boe a nɛ, ǹ tá re tɛ diɛ a ganaa.

LAWA A BOO SONBORE

⁸ Sɛnɛ, bɛ̀ á nyan laanka koronkoron boe, là ba a ganaa wa. Lawa á re barka boe a nɛ, ǹ tá re tɛ diɛ a ganaa.

Ebrəə 6:8 ပူးပေါင်းရင်းမြစ်များ

Siin Giala 4:11

A kũ sisia ganaa, n diɛ̃ kɛ lɛ ń dɛ, tán mɛn nə n lɛ bũ a ná a mà mi, masɛ n lɛn pipiã bíi n li bɛa tán lɛ la.

Siin Giala 5:29

A ná a tɔ kɔ mà Nowee (bɛ giala mà "Foobasiɛ̃"). A giala, a na á goã pii mà Dɛnaa lɛn pipiã bíi tán mɛn li, mà bɛa dí bɛ́ nɔmaa babaraa mɛn diɛ ǹsɛn mìi ni, mà kɛ n die foo basiɛ̃ koe ǹsɛn la bɛ gɔ́ɔ̃ nɛ.

Samayeli2 23:7

Min mɛn bɛ́ n gɔn diɛ a ganaa, yǎa a fɔlɔ siɛ a gɔn, hinlaa sɛmiɛ̃ bàlà, a na a tumaa tã a din bǎã-n lenlen.

Zɔbu 31:40

*belee nyan bɔ a-n wa, yǎa nyan, *ɔrzi nyan bɔ a-n wa, yǎa tala. Zɔbu a boo giala nyɔmiɛ̃n man ka bɛn nɛ.

Loen 107:34

Á boe la a tán sonbore bɔyaa a baa fu ka yìsi bɔ ǹ bǎã nɛ, bǎã lɛ a minin baraabaa taman yii.

Izayii 27:4

Ma foo a yoo-n li doo wa. Sɛnɛ, bɛ̀ má nyan dan yɛ a nɛ, ka koronkoron ne, ma nə ǹ kuri ma tɛ da ǹ ganaa.

Zeremii 17:6

Ǹ dɛnaa na á kɔnbɔ ka da kùsì ni tán gere la. A re yii-nyɛɛ yii wa. A n die goɛ̃ diə gole a kɔlɔn kɛn bii n ni, tán yìsidɛnaa kɛ la, min ná a boe la a giã-n wa.

Zeremii 44:22

Sɛnɛ, Dɛnaa Lawa boo la á kaa giã ǹ gɔn babaraan laanka kaa sii bɔbɔnɛɛn kɛn si a din ganaa wa. Bɛ lɛ nɛ kaa gána lɛ kɛbɔlɔ baa, bǎã bɔbɔnɛɛ lɛa, min goon din ná a ba a-n wa. A n sii a kɔnboe lɛa lɛn baraa bíi a paǹ li ka min tumaa yii bɛa ganaa lɔn pelo.

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Matiə 3:10

Lawa a kiri-kurii lɛ a biikoo dɔ á nya, a n die n biɛ ka sɛ̀miɛ̃ dɔ da giala-n bɛ́ lɔn. Da mɛn din tumaa bɛ́ a nɛ sonbore koe wa, maǹ die bɛ kuri ǹ zũ tɛ-n.

Matiə 7:19

Da mɛn din tumaa bɛ́ a ba nɛ sonbore koe wa, bɛ lɛ nə n kukuri a n kaa tɛ-n.

Marki 11:14

Yezu tɔ́n pɛ gɔ́rɔ da lɛ nɛ: «Lawa baran toa n nɛ wɔ min lɛ-n doo ka duduu wa!» A kialandɛnan lɛn ná a boo lɛ ma.

Marki 11:21

Sii mɛn bɛ́ á n zɛnaa, Piɛrɛ yiri gisĩ a nɛ, á tɔ́n pɛ Yezu ni: «Mìinaa, n lɛn pipiã bíi da mɛn lɛ li, ga a ganaa, a tumaa laa ka kaka!»

Zaã a sɛ́wɔ 15:6

Bɛ̀ min mɛn ba doa-n kɔn ka masɛ-n wa, bɛa dɛnaa nə n zuĩ kanaa ka da gùrù bɛ́ lɔn, a laa. Bɛ kio, maǹ bɛa da gùrù geren lɛn goɛ ǹ nə ǹ kaa tɛ-n ǹ kũ.

Timəə dí-pɛn 29:28

Sii mɛn bɛ́ durii ni, bɛ n wɔa Lawa, Dɛnaa Lawa wɔ lɛa. Sɛnɛ, màn mɛn nə n nyaa wɔ dinin laanka wɔa nɛnyaanan manɛ, bɛa sii n wɔ mìi ni yǎa duduu: bɛ n ka dí-pɛ kɛ nɛ, wɔ doamaa nɛ, wɔ kɔ a boon tumaa lɛ.

Ebrəə 10:27

Sɛnɛ, yii da kiri-kurii laanka tɛ la dinsɔɔ̃ na a tan, bɛ n nyɛ́ɛ sii gole lɛa. Bɛa tɛ lɛ n die Lawa bɔlɔ tii wolen kuĩ ka lenlen.

Ebrəə 12:17

Ka á doɛ̃, bɛ kio, a bɛ́ mà a n giɛ li ǹ mɛn waáraa, mà ǹ di Izaaki Lawa bǐɛ̃ bíi asɛ li, ǹ di nə́ n piã nɛ. A boo la doo duduu, á bɛa sii kɛ lɛ bɔyaa wa, a laanɛ a ná a nyankɔ ka yii mu ni.

Sii-nyaan 20:15

Min mɛnɛn tumaa tɔ bɛ́ a yɛ yiikoonaabaa ǹ sɛ́wɔ lɛ-n wa, ǹ nə́ bɛn tumaa zũ tɛ panapana lɛ nɛ.