Ebrəə 5:13 - LAWA A BOO SONBORE 2011

¹³ Min mɛn laadoo bɛ́ tɔn nyɔ ganaa, bɛa dɛnaa n ka nɛnyaan boɛɛn bɛ́ lɔn, a boe la, a sii pepere laanka a baraa bɔkɔnlɛ dɔ̃ wa.

LAWA A BOO SONBORE

¹³ Min mɛn laadoo bɛ́ tɔn nyɔ ganaa, bɛa dɛnaa n ka nɛnyaan boɛɛn bɛ́ lɔn, a boe la, a sii pepere laanka a baraa bɔkɔnlɛ dɔ̃ wa.

Ebrəə 5:13 ပူးပေါင်းရင်းမြစ်များ

Loen 119:123

Má n yii da n kirisibaa kɛ la, má nɔmaa. N din lɛ-kɔ mɛn wɔ ka peperebaa nɛ, man má goã n yii diɛ bɛ la.

Izayii 28:9

Bɛa màn-milin lɛn man nɔ̀n diɛ: Izayii n zoɛ̃ li a daraa kɔ die la? A na a boo giala pii die ne? Nɛnyaanan mɛnɛn bɛ́ ǹ nə́ ǹ lɛ na nyɔ ganaa sisia? Nɛnyaan tiɛɛ̃nɛn mɛnɛn bɛ́ ǹ nə́ ǹ lɛ bɔ nyɔ ganaa sisia?

Matiə 11:25

A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.

Marki 10:15

Man pii ka nɛ ka boo taãn nɛ: Bɛ̀ min mɛn lɛ kɔ Lawa a kiibaa ǹ boo kɛ ganaa ka nɛnyaan bɛ́ lɔn wa, bɛa dɛnaa a re we wa.»

Rɔmu minin 2:20

mà nsɛ n sii doɛ̃baãnaan-daraali lɛa, ka nɛnyaanan mìinaa nɛ. Ma n bɛ pii, a giala, minbuiin nɛ doamaa bɛ́ nɛ, a Lawa laanka a sonbore kɛ dɔ̃ lɔn, ma nə n bɛ yii yɛ dí-pɛn lɛn nɛ.

Korɛnti1 13:11

Ma bɛ́ má goã nɛnyaan lɛa, man má goã boo diɛ ka nɛnyaan wɔ bɛ́ lɔn, má goã n taasɛ ka nɛnyaan wɔ bɛ́ lɔn, má goã n yiri koe ka nɛnyaan wɔ bɛ́ lɔn. Sɛnɛ, ma bɛ́ má min gole baa, má nɛnyaanbaa ǹ sii tumaa lɛ doa walan.

Korɛnti1 14:20

Ma dɔɔ̃nɔn lɛn, sii-doɛ̃ wɔ paǹ li, ka baran n dinin baa nɛnyaanan lɛa wa. Ka goã nɛnyaanan lɛa sii bɔnɛɛ wɔ paǹ li, sɛnɛ, sii-doɛ̃ wɔ paǹ li, ka toa ka goã min golen lɛa.

Korɛnti1 3:1

Ma dɔɔ̃nɔn lɛn, ma boo la má boo da ka nɛ ka Yiri Fu bɛ́ min mɛnɛn nɛ wa. Sɛnɛ, a n ka man má boo da ka gɔ̀nɔn foo sii zɛnaa wolen ne, ǹ nə́ ka nɛnyaan bɔnboɛɛnɛn bɛ́ lɔn *Krita a sii gɔ́ɔ̃ nɛ.

Korɛnti2 3:9

Sonbore, dí mɛn bɛ́ toɛ kiri minbuiinin kũ Lawa yɔrɔ-a, gugurubaa yɛ bɛ nɛ. Dí mɛn bɛ́ minbuiinin biɛ min peperen lɛa Lawa yɔrɔ-a, gugurubaa ba re yii bɛa dí lɛ nɛ a la bɛ-n wa? Hiĩ, á yii a nɛ a la nɛ!

Efɛɛzi minin 4:14

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa.

Timote2 3:16

Lawa a boo-kiɛ̃ tumaa n boe Lawa din li. Bɛa boo lɛ a là n ka kɛ nɛ: a n min darɛɛ a sonbore a woo ǹ bǎã dɔ̃, a n piã ka soɛ nɛ, a n din doroo, a na a zɛnaa ǹ sii tele.

Piɛrɛ1 2:2

Ka n baa ka nɛnyaan tiɛɛ̃nɛn bɛ́ lɔn, ǹ bɛ́ giɛ nyɔ li lɔn, ka dɔn nə ga Lawa a boo sonbore kɛ li miɛ̃, màn mɛn bɛ́ toɛ, ka gole kɔ bɛa boo lɛ barka nɛ, ka wo dɔ kirisibaa ganaa.

Zaã2 1:11

A giala, bɛ̀ min mɛn fòo da nɛ, ǹ dɛnaa na á n din kaa kun ka a zɛnaa ǹ sii bɔnɛɛn kɛn nɛ.