Ebrəə 12:28 - LAWA A BOO SONBORE 2011

²⁸ Wɔ dinin man wɔ gána yɛ, a kiɛ̃ duduu wa. Ka daa wɔ barka da Lawa nɛ. Ka daa wɔ dí nya nɛ ka yɔrɔ kɛ nɛ, kɔɔ̃n a ganaa, bɛ n ka a guguru kɔ nɛ, ka a nyɛ́ɛ baaman nɛ.

LAWA A BOO SONBORE

²⁸ Wɔ dinin man wɔ gána yɛ, a kiɛ̃ duduu wa. Ka daa wɔ barka da Lawa nɛ. Ka daa wɔ dí nya nɛ ka yɔrɔ kɛ nɛ, kɔɔ̃n a ganaa, bɛ n ka a guguru kɔ nɛ, ka a nyɛ́ɛ baaman nɛ.

Ebrəə 12:28 ပူးပေါင်းရင်းမြစ်များ

Loen 19:14

Ka bɛ dɔ nɛ, ma kanbaa din gole-kɔlen kɛn ganaa, n nyan toa ǹ boo ma la wa. Bɛ lɛ n die toɛ maa sii lɛ pã, bɛ lɛ n die ma kanbiɛ sii baraa gole ganaa.

Loen 2:11

Ka dí nya Dɛnaa Lawa nɛ, bɛ̀ ka n nyɛ́ɛ biɛ nɛ. Ka a pàãdɛnaabaa dɔ̃ ka n nyɛnyɛɛ.

Loen 89:7

Dɛnaa Lawa, die n ka n bɛ́ lɔn, lon gɔ́ɔ̃ nɛ? Die n kɔnboe ka Dɛnaa Lawa nɛ lawan bii?

Suusun 28:24

Min mɛn bɛ́ ǹ di laanka ǹ dan koɛ̃, a n pii mà: «Sii baraa bie wa,» a soɛ denzuu n wa.

Izayii 56:7

ma á re die ǹ ne maa kele sonbore kɛ la, ma ǹ kã ka foo kɔɔ̃n nɛ ma nyankɔ ǹ kion kɛ nɛ. Ǹ bɛ́ re *wúlu màn tiɛ̃n mɛnɛn koe ma la ka wúlu mànan kɛn nɛ *wúlu bɔ ǹ bǎã nɛ, ma á re ǹ sii. Sonbore, maǹ die maa kion lɛ bíi, «Tɔrɔn tumaa a Lawa nyankɔ ǹ kion.»

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Danayeli sɛ́wɔ 2:44

Bɛa kiin kɛn lɛn wasa nɛ, lon a Lawa á re kiibaa lɛ kɔn koɛ, bɛ ná a re ziziɛ̃ duduu wa. Bɛa kiibaa lɛ dɔ á re n sii a n kɔ tɔrɔ kɔsɔ la wa. Bɛ lɛ n die kiibaa gialakun kɛ tumaa yɔyɔrɛ, a ǹ ziziɛ̃ lenlen, sɛnɛ, a din nə die goɛ̃ yàa duduu.

Danayeli sɛ́wɔ 7:14

Goledɛnaabaa nə́ n kɔ la, gugurubaa nɛ, ka kiibaa nɛ. Tɔrɔ tumaa a minin ni, gána tumaa wɔn nɛ, ka bɔlɔ woo bɔlɔ a pɛlen ne, bɛn man nə́ goã dí nyɛɛ nɛ. A goledɛnaabaa ke, bɛ na a tan yǎa duduu, a re nyɛɛ wa, a kiibaa kɛ a re ziziɛ̃ duduu wa.

Danayeli sɛ́wɔ 7:27

Bɛa biikoo li, kiibaa mɛn tumaa á ke bǎã woo bǎã nɛ kanaa kɛ gɔ́ɔ̃ nɛ, bɛn tá re n koe lon a Lawa gole a minin lɛn la. Ǹsɛn kiibaa lɛ na a tan yǎa duduu, goledɛnan tumaa á re dí nyɛɛ ǹ nɛ, ǹ nə ǹ bɔlɔ si.»

Lawa a wúlu-bɔlen 10:3

Muizu tɔ́n pɛ Aarɔn nɛ: kɛ lɛ a lɛa nɛ, Dɛnaa Lawa tɔ́n boo da á pɛ kɛnɛn: Min mɛnɛn bɛ́ n mɔrɛ ma ganaa, man li, bɛn nə maa Lawabaa kɛ dɔ̃, man li máa ǹ ma guguru kɔ zaman kɛ tumaa yɔrɔ-a. Aarɔn nə n lɛ da boo-n wa.

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Luku 1:33

A n die giɛ̃ Izirayeli tɔrɔ minin mìi la yǎa duduu, a kiibaa a re nyɛɛ wa.»

Rɔmu minin 11:20

Sonbore ne. Maǹ nə́ ǹ kuru a giala, ǹ golee Lawa li wa. Nsɛ dɔ n doa nɛ, golee Lawa li barka nɛ. N baran toa din gole kɔ wɔ n foo-n wa. Sɛnɛ, nyɛ́ɛ baa Lawa nɛ.

Efɛɛzi minin 1:6

A n mà wɔ asɛ a bǐɛ̃ golee kɛ lɛ laakalaa. A bǐɛ̃ mɛn baa wɔ la ka bǐɛ̃baa ǹ foo ne, a ná a Nɛgiĩ narɛɛ wole kɔ wɔ la.

Efɛɛzi minin 5:10

Sii mɛn bɛ́ kiɛ Dɛnaa foo la, ka n doa ka bɛ dɔ̃.

Filipi minin 4:18

Ka màn mɛn tumaa dia ma la, má yɛ, á la ma lɛ-n dinin. Epafroditi bɛ́ á daa kaa dɔmalɛn lɛn kɔ ma la, màn kɔ́n wɛɛ ba ma-a doo wa. Kaa bǐɛ̃baa ǹ mànan lɛn man ka wúlu bɔ ǹ màn gìĩ kɔɔ̃n bɛ́ lɔn, ka Lawa bɛ́ lɛ koe wúlu mɛn ganaa, a ń kɔɔ̃n a ganaa.

Ebrəə 10:19

Bɛ lɛ taman yii, dɔɔ̃nɔn lɛn, foo-doa tá wɔ lon, wɔ wɔ Bǎã Sonbore Sonbore kɛ nɛ ka Yezu mà kɛ barka nɛ, mà ke á kaa wúlu màn lɛa.

Ebrəə 13:15

Ka daa, Yezu din barka nɛ, wɔ Lawa guguru kɔ, bɛ goã wɔa wúlu mànan lɛa, bɛ giala, mà wɔ a tɔ bɔ ka wɔ lɛ nɛ.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

Ebrəə 3:6

Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.

Ebrəə 4:16

Bɛ lɛ taman yii, ka daa wɔ n tá nyɛɛnɛ ka foo-doa nɛ, wɔ n mɔrɔ Lawa a kii dankan lɛ ganaa, màn mɛn bɛ́ toɛ, Bǐɛ̃dɛnaa lɛ makara bɔ wɔ ganaa, a bǐɛ̃ zɛnaa wɔ nɛ, bǐɛ̃ mɛn bɛ́ re n doe wɔ lɛ wɔ laadoo biikoo li.

Ebrəə 5:7

Yezu lɛ bɛ́ kanaa ǹ mɛn waáraa, Lawa mɛn bɛ́ boe la, a na a kirisibaa gɛ̀ ganaa, a na á bɛ lɛ nyankɔ ka lɛn gole ne, ka yii mu ni. Lawa ná a lɛ si a doroo Lawa-n lɛ a lɛa.

Piɛrɛ1 1:17

Ka n Lawa bíi Díi bɛ̀ ka tá a nyankoe, sɛnɛ, ka n yiri koa a nɛ, mà a n kiri kuri min gogoonmaa la, á kɔnpii ka a nya ǹ dí ni, a bɔkɔnlɛ we wa. Bɛ lɛ taman yii, biikoo gialakun mɛn bɛ́ tɔn ka gɔn, ka n zɛnɛɛ kanaa, ka tɔ wɔ ka nyɛ́ɛbaa a yii-n ni.

Piɛrɛ1 2:20

Sonbore, bɛ̀ min sii la, a ná a fuu yii, ta á bɛa fuu lɛ si a ganaa, là goon ba a-n wa. Sɛnɛ, bǐɛ̃ zɛnaa kio, bɛ̀ n tá fuu yii, n nə́ sii n ganaa, bɛ lɛ n bǐɛ̃ lɛa Lawa yii li.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Sii-nyaan 1:6

Á wɔ bɔyaa á wɔ baa kiin lɛa, kun ka a din ni a kiibaa ǹ bǎã nɛ. Á wɔ baa Lawa a wúlu-bɔlen dɔn lɛa, mà wɔ dí nya ǹ Di Lawa nɛ. Gugurubaa laanka pàãyiidɛnaabaa goã Yezu Krita wɔ lɛa baraabaraa yǎa duduu! A n miɛ̃!

Sii-nyaan 15:4

Dɛnaa, die na a re nyɛ́ɛ biɛ n nɛ wa? Die na a re n guguru koe wa? A giala mà n dinsɔɔ̃ n sonbore. Tɔrɔ din tumaa á re die n yɔrɔ-a, ǹ tumaa á re n guguru koe. A giala mà n peperebaa nə́ n din nyaa foaã sisia.»

Sii-nyaan 5:10

Kanna, ka bɛ nɛ, n nə́ ǹ tumaa bɔyaa duduu n nə́ ǹ baa wɔa Lawa a dí-nyalin lɛa, n nə́ ǹ baa a wúlu-bɔlen lɛa, n nə́ ǹ baa kii dadaran lɛa, ka boo taãnɛ, n nə ǹ baa kanaa tumaa a dɛnan lɛa.»