Ebrəə 11:7 - LAWA A BOO SONBORE 2011

⁷ Golee Lawa li na á toa, Nowee Lawa a gɔn waaman kɛ si parsii lɛa. Yii bɛ́ a tɔn sii mɛn yɛ wa, Lawa na á n gɔn waa-n ka bɛ nɛ. Á goo zɛnaa a ná a kion minin kirisibaa nɛ. Dɔlɔ nə́ n bɔ kanaa ganaa, sɛnɛ, Lawa ga Nowee ganaa min pepere lɛa, a goleemali a lɛa.

LAWA A BOO SONBORE

⁷ Golee Lawa li na á toa, Nowee Lawa a gɔn waaman kɛ si parsii lɛa. Yii bɛ́ a tɔn sii mɛn yɛ wa, Lawa na á n gɔn waa-n ka bɛ nɛ. Á goo zɛnaa a ná a kion minin kirisibaa nɛ. Dɔlɔ nə́ n bɔ kanaa ganaa, sɛnɛ, Lawa ga Nowee ganaa min pepere lɛa, a goleemali a lɛa.

Ebrəə 11:7 ပူးပေါင်းရင်းမြစ်များ

Siin Giala 19:14

Lɔti soo á woo boo da ǹ daãn nɛ, min mɛnɛn bɛ́ mà maǹ die a nɛlɔn we lɔ lɛa. Á pɛ ǹ nɛ: «Haya, ka yoo! Ka soo ka n bɔ bǎã lɛ nɛ, a giala, Dɛnaa n die kiwi lɛ yui.» Sɛnɛ, ǹ daãn lɛn yii li, maǹ pii mà a n sàn koe.

Siin Giala 6:13

Lawa tɔ́n pɛ Nowee-n kɛnɛn: «Masɛ a lɛa, minbuiinin tumaa a nyin nya biikoo dɔ kəni! Ǹ dinin lɛn man nə́ toa kanaa pã ka kakaarɛbaa ǹ siin ni. Bɛ lɛ nɛ, man die a laanka a gɔ́ɔ̃gɔ́ɔ̃ ǹ mànan yii bɔ̀n biɛ kun.

Siin Giala 6:22

Nowee na á bɛ lɛ zɛnaa. A ná a tumaa zɛnaa ka Lawa bɛ́ á pɛ-n lɔn.

Siin Giala 6:9

Nowee boo á ke: Nowee na á goã min pepere lɛa. A goã kanaa kun ka min mɛnɛn nɛ, a dinsɔɔ̃ a sii lɛ na á goã piɛ̃-n bɛn bii, Lawa wɔ paǹ li. Á goã koe Lawa a zii lɛ.

Siin Giala 7:23

Dɛnaa na á zɛnaa miɛ̃, á màn yiikoonaa tumaa papaã á bɔ tán la: minbuiinin ni, màn yiikoonaan nɛ, a dadaran nɛ ka a bɔnboɛɛnɛn nɛ, ka bàanan dinin ni. Lawa nə́ ǹ tumaa papaã, á ǹ bɔ tán la. Nowee dinsɔɔ̃ na á la, kun ka a minin ni, ka màn mɛn tumaa bɛ́ goo lɛ-n kunun ǹ ni.

Siin Giala 7:5

Dɛnaa dí mɛn tumaa pɛ Nowee ne, Nowee ná a tumaa nya ka a pɛ-n lɔn.

Siin Giala 8:16

«Soo n nə n bɔ goo lɛ nɛ, n din laanka n lɔ nɛ, ka n nɛnyaanan laanka n manaan nɛ.

Kiin2 4:5

Lɔ lɛ kiɛ̃ á n bɔ Yiliizee li, á woo n dɔ kion, á kiɛnlɛ kũ á tã a din laanka a nɛnyaanan lɛ. Nɛnyaanan lɛn man nə́ goã dɔnɔn lɛn diɛ la, a dɔ n nyɔɔ lɛ kiɛ ǹ nɛ miɛ̃.

Zɔbu 35:8

N baraabaa kɛ lɛ n basaã koe n din miãn dininsɔɔ̃nɔn manɛ, n peperebaa kɛ lɛ a là n doe n din miã minbuiinin ganaa.

Suusun 22:3

Bɛ̀ koe á die, yiridɛnaa nə n mìi duri. Yiriwɛɛnaa sɛ na a zii tɔ we yǎa sii yii.

Suusun 27:12

Bɛ̀ koe á die, sii-dɔ̃li nə mìi duri. Sɛnɛ, baãnaa sɛ n tɔn zii siɛ yǎa sii yii.

Ezekieli 14:14

Ta Nowee ǹ miã n bɛa gána lɛ nɛ, Danieli ni ka Zɔbu ni, bɛn min sɔɔ kɛ lɛ, ǹ peperebaa lɛ n die ǹ dininsɔɔ̃nɔn kirisibiɛ. Ma din Dɛnaa Lawa a da ǹ boo ne.

Ezekieli 14:20

Haalɛ ta Nowee ǹ miãn man gána lɛ bii, ka Danieli laanka Zɔbu ni, bɛ̀ masɛ din Lawa yiikoonaa kɛ golee li, ǹ ba boe la ǹ nə ǹ nɛgiĩn laanka ǹ nɛlɔn dinin kirisibaa wa. Ǹ dininsɔɔ̃nɔn man die kirisibiɛ ǹ peperebaa taman yii. Ma din Dɛnaa Lawa a da ǹ boo ne.

Ezekieli 33:5

A giala, á bɛn wuu lɛ ma, sɛnɛ, a na a gɔn-waa lɛ si wa. Ǹ dɛnaa din sii ni. Bɛ̀ a na á gɔn waa lɛ si, bɛ̀ a n die kanbiɛ.

Matiə 2:12

Bɛ kio, Lawa nə́ n gɔn waa ǹ nɛ ka narɛɛ nɛ, mà ǹ baran wusoo ǹ wo Erɔdi li doo wa. Ǹ nə́ nɔmaa ǹ nə́ zii kɔsɔ saa ǹ nə́ woo ǹ gána nɛ.

Matiə 24:15

"Sii bɔnɛɛ mɛn bɛ́ basaã kɔ ǹ sii lɛa", Lawa a boo gii-dali Danayeli ná a boo da, ka á re bɛ yii. A n die n zɛnɛɛ Lawa laanka a wúlu-bɔlen kɔn yɛ ǹ bǎã nɛ Lawa a kion. (Kasɛn mɛnɛn bɛ́ sɛ́wɔ kɛ pii, ka n doa ka a giala ma!)

Matiə 24:25

Masɛ á ke má pɛ ka nɛ bɛ̀ a biikoo baa doe.

Matiə 24:38

A giala, mu gole lɛ laan bɛ̀ a da kanaa lɛ bii, minin man nə́ goã màn bibii, ǹ nə́ màn mimii, ǹ nə́ lɔn gɔgoɛ, ǹ nə́ ǹ nɛnyaanan koe giĩn la, yǎa Nowee a wɔ goo-n lɛ a pinaa.

Matiə 3:7

Zaã bɛ́ á yɛ ǹ mɛn waáraa, mà *Fariziɛ̃ gigiã laanka *Sadusɛɛ̃ gigiã á die asɛ li, mà asɛ batɛmu da ǹ ganaa, a na á pɛ ǹ nɛ: «Ka kɔrɔka tɔrɔn kɛn! Die na á pɛ ka nɛ, mà Lawa a foo busu ǹ kiri gole mɛn bɛ́ die, mà ka á boe la ka baa si ka la bɛ la?

Luku 17:26

Màn mɛn nə n zɛnaa Nowee a biikoo li, bɛ lɛ n die n zɛnɛɛ doo Min a Nɛgiĩ a daa biikoo li.

Rɔmu minin 1:17

A giala Boo Tii Kɔɔ̃n nə nyɛɛ Lawa bɛ́ min biɛ min pepere lɛa a din yɔrɔ-a lɔn goleemali dinsɔɔ̃ barka nɛ, ka a bɛ́ kiɛ̃-n Lawa a boo sɛ́wɔ-n lɔn: «Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.»

Rɔmu minin 10:6

Sɛnɛ, golee Lawa li bɛ́ toɛ, Lawa lɛ kɔ min-a lɔn min pepere lɛa, a na á n pɛ bɛ dɔ wɔ gɔn la kɛnɛn: «N baran pɛ n din gɔ́ɔ̃ nɛ, mà die n die dii lon kəni?» Màn mɛn bɛ́ toɛ, Krita lɛ bɔ lon á gisĩ tán.

Rɔmu minin 3:22

Lawa n min biɛ pepere a din yɔrɔ-a, n golee Yezu Krita li barka nɛ. Bɛa goleemali lɛ bɛ́ min mɛn tumaa lon, a n zɛnɛɛ bɛn manɛ, a bɔkɔnlɛ we wa:

Rɔmu minin 4:11

Abrahamu na á kurii lɛ wɔ sii a kɔnboe lɛa. Bɛ n nyɛɛ mà a bɛ́ a tɔn nə n kuru dinin bɔrɔ wa, mà Lawa na á lɛ kɔ a ganaa min pepere lɛa, a goleemali a lɛa. Bɛa yɔrɔ kɛ lɛ la, kurii baãnaan mɛnɛn tumaa bɛ́ golee Lawa li, mà a lɛ kɔ ǹsɛn ganaa min peperen lɛa, Abrahamu na á bɛn tumaa a díi baa.

Rɔmu minin 4:13

Sonbore, Lawa na á n lɛ kɔ Abrahamu la, mà asɛ n die kanaa din tumaa koe a nɛnyaanan la ǹ wɔ lɛa. Lawa na á n lɛ kɔ Abrahamu la kɛnɛn, Abrahamu a kɔ Lawa a dí-pɛn lɛ a lɛa bie wa. Sɛnɛ, Lawa din bɛ́ á ga a ganaa min pepere lɛa, a golee Lawa li mɛn a lɛa ke, bɛ taman yii ni.

Rɔmu minin 9:30

Wɔ ǹ die pii mà wàa kəni? Á ke, min kɔsɔn mɛnɛn bɛ́ ǹ ba Zuifun lɛa wa, ǹ nə́ ǹ goã giɛ li dɔn, mà Lawa lɛ kɔ ǹsɛn-a min peperen lɛa wa, Lawa na á lɛ kɔ bɛn ganaa min peperen lɛa, golee a din li barka nɛ.

Galaasi minin 5:5

Wɔsɛn foo n doa nɛ wáa Lawa á re wɔ biɛ min peperen lɛa. Wɔ nə n yii diɛ bɛ lɛ la Yiri Fu barka nɛ, asɛ mɛn bɛ́ dí nyɛɛ wɔa goleemali gɔ́ɔ nɛ.

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.

Ebrəə 11:1

Wɔ foo bɛ́ doa-n mànan mɛnɛn ganaa ke, wɔa waa bɛn la lɛ n golee Lawa li lɛa. Yii bɛ́ a ba mànan mɛnɛn ganaa wa, golee Lawa li n bɛn nyɛɛ wɔ nɛ.

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Ebrəə 5:7

Yezu lɛ bɛ́ kanaa ǹ mɛn waáraa, Lawa mɛn bɛ́ boe la, a na a kirisibaa gɛ̀ ganaa, a na á bɛ lɛ nyankɔ ka lɛn gole ne, ka yii mu ni. Lawa ná a lɛ si a doroo Lawa-n lɛ a lɛa.

Ebrəə 8:5

Bɛn bɛ́ wúlu bɔ ǹ dí mɛn nyɛɛ ke, bɛ n lon gɔ́ɔ̃-n wɔ kɛ a kɔnboe lɛa, a nyín ni. Bɛ na á kɔnpɛ ka sii kɛ nɛ, á n zɛnaa Muizu ni. A bɛ́ re mɔnaa kion lɛ doe, Lawa na á pɛ nɛ: «Toa n sii lɛ tumaa zɛnaa, ká a yɔrɔ bɛ́ á n nyaa n nɛ lɔn kele lɛ la.»

Piɛrɛ1 3:20

minin mɛnɛn nə́ n piã lɛlɛ ka bɔlɔ-si ni, bɛ̀ Lawa bɛ́ ǹ sii sii a ganaa, Nowee a mu la ǹ goo zɛnaa biikoo lɛ li. Zaman boɛɛn dinsɔɔ̃ na á kirisibaa bɛa goo kɛ lɛ gɔ́ɔ̃ nɛ, mu gole kɛ lɛ din dɔ barka nɛ, bɛ giala mà min kiwisi dinsɔɔ̃.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Piɛrɛ2 2:5

Lawa lɛlɛ a kanaa minin kɛn dɔn toa wa, sɛnɛ, a bɛ́ piã Lawa-n wolen kɛn bii ka mu gole ne, a na á Nowee laanka min sɔbaa kɔsɔ kanbaa bɛ ganaa, Nowee mɛn goã peperebaa boo laakalɛɛ.

Piɛrɛ2 3:6

A na á wusoo doo ka a din mu lɛ nɛ, mu gole gole ke, á lɛlɛ a kanaa kɛ nya.