Ebrəə 10:11 - LAWA A BOO SONBORE 2011

¹¹ Wúlu-bɔle gogoonmaa na á goã a dí nyɛɛ baraabaraa, a ná a din wúlu tɔrɔ goon lɛ boe gunyin damata. Bɛn nə goã boe la ǹ tá sii baraan nyɛɛ yǎa duduu wa.

LAWA A BOO SONBORE

¹¹ Wúlu-bɔle gogoonmaa na á goã a dí nyɛɛ baraabaraa, a ná a din wúlu tɔrɔ goon lɛ boe gunyin damata. Bɛn nə goã boe la ǹ tá sii baraan nyɛɛ yǎa duduu wa.

Ebrəə 10:11 ပူးပေါင်းရင်းမြစ်များ

Bɔ bɛ̀rɛbaa nɛ 29:36

Baraabaraa, dii gɔ̀lɔ̀ dɛ ga sii baraan toa li ǹ wúlu màn lɛa. N *gɔ̀ bɔ wúlu bɔ ǹ bǎã lɛ ganaa miɛ̃. Bɛ kio, n nyɔɔ kaa a ganaa, n kɔ Lawa la.

Izayii 1:11

Dɛnaa Lawa n pii: Kaa *wúlu màn damata kɛ là n ka wàa nɛ ma ganaa? Ka bɛ́ sère kuturun mɛnɛn tiɛ̃ lenlen maa wɔ lɛa, tɔɔ kasiɛ̃ wolen nyɔɔ ke ka á koe wúlu màn lɛa, bɛn tumaa tìĩ bɔ ma yin ni kanna. Dii gɔ̀lɔ̀n mà ke, sère nɛ tenən wɔ nɛ, ka butumun wɔ nɛ, ma ba ǹ li doo wa.

Ezekieli 45:4

Bɛa bǎã kɛ lɛ, ǹ nə́ kuru gána lɛ nɛ ǹ nə́ koa, bɛ n die doe wúlu-bɔlen kɛn ganaa, ǹ mɛnɛn bɛ́ Lawa a kion lɛ a dí nyɛɛ, ǹ nə́ n mɔrɛ Dɛnaa Lawa ganaa, ǹ nə́ dí nyɛɛ nɛ. Bɛ̀ á n baa miɛ̃, ǹ dɔn tá boe la ǹ bǎã yɛ ǹ nə ǹ kionən dɔdɔ a nɛ, bǎã dɔ yɛ Lawa wɔ lɛa, ǹ kion sonbore kɛ dɔ a nɛ.

Danayeli sɛ́wɔ 11:31

Lawa a kion mɛn lɛ á ke ǹ nə́ kungɔn dɔ ǹ ná a lɛnpɛnɛ nɛ, á re sɔraasin diɛ ǹ da bɛ lɛduə̃. Bɛn tá re bǎã lɛ zaãbiɛ. Ǹ bɛ́ *wúlu màn mɛn koe Lawa la baraabaraa, ǹ tá re minin kurii bɛa kɔ ganaa. Sii bɔbɔnɛɛ mɛn bɛ́ basaã koe, ǹ tá re bɛ zɛnɛɛ Lawa a kion lɛ nɛ.

Danayeli sɛ́wɔ 12:11

A saa baraabaraa a wúlu kɛ a boe lɛ-diɛ ganaa, a da kaa basaã kɔ ǹ sii bɔnɛɛ kɛ a zɛnaa lɛ, bɛ n die goɛ̃ lɛawaa duu goon ka biɛpaa ka pɔmanangɔrɔ (1 290).

Danayeli sɛ́wɔ 8:11

Á n yɔrɔ da lon mànan lɛn goledɛnaa dɔ din la. Ǹ bɛ́ wúlu mànan mɛnɛn koe bɛ la babaraa, á minin kurəə bɛa kɔ ganaa. Á ná a kion sonbore kɛ ziziɛ̃ ka lenlen.

Danayeli sɛ́wɔ 9:21

Ma bɛ́ tɔn na a gialaa Lawa nyankoe, ma goã má lon a dia dí-a wole Gabarayeli mɛn lɛ yɛ bibinaa nɛ, bɛ́ piɛ̃ á daa ma li ka baa nɛ, wasamiɛ̃n a wúlu-bɔ biikoo li.

Danayeli sɛ́wɔ 9:27

Lɛ̀ sɔbaa giala-nyɔmiɛ̃ lɛ a biikoo li, goledɛnaa lɛ á re die lɛ kɔ kɔn la we min gigiã nɛ. Lɛ̀ sɔɔ ka talɛɛ gɔ́ɔ̃ nɛ, á re minin kurii wúlu-bɔ laanka Lawa gɔ màn nɛ ganaa. Bɛa basaã-kɔle lɛ á re a sii bɔbɔnɛɛn lɛn zɛnɛɛ ka baafuubaa nɛ yǎa basaã woe a din yii a giala-nyɔmiɛ̃ biikoo li, ka a bɛ́ á n pɛ lɔn.»

Misee 6:6

Wɔ n die woe golee Dɛnaa Lawa yɔrɔ-a ka wàa nɛ? Wɔ n die woe lon a Lawa guguru koe ka wàa nɛ? Wɔ n die woe ka lɛ̀ goon diin nɛn nɛ, wɔ bɛn baa *wúlu màn tiɛ̃ lɛa kəni?

Minin nimi 28:24

Ka die ka bɛa mànan kɛn lɛn bɔ baraabaraa lɛawaa sɔbaa lɛ gɔ́ɔ̃ nɛ, wúlu màn-bii tiɛ̃ lɛa, a gìĩ ń kɔɔ̃n Dɛnaa Lawa ganaa. Ka n die ǹ boe ka da wúlu màn kɛ la ka n boe baraabaraa, ka Lawa gɔ ǹ duvɛ̃ kɛ nɛ bɛ̀ ka ti a ganaa.

Minin nimi 28:3

A pɛ ǹ nɛ dɔn, mà ǹ bɛ́ re mànan mɛnɛn koe masɛ la màn-bii lɛa, bɛn nə́ ke: lɛ̀ goon sère nɛ màn paa, wɔ̀lɔ̀ ná a ba ǹ ganaa wa, bɛn nə́ baraabaraa a *wúlu màn tiɛ̃ lɛa duduu.

Minin nimi 29:6

Bɛa wúlu mànan kɛn lɛn tumaa n die kiɛ baraabaraa a wúlu màn tiɛ̃ kɛ li, ka mui dii a wúlu màn tiɛ̃ kɛ nɛ, kɔnlɛ ka Lawa gɔ ǹ wùsu kɛ laanka Lawa gɔ ǹ duvɛ̃ kɛ nɛ, bɛ̀ ka goã bɛ̀ ka ti ǹ ganaa. Bɛn man wúlu màn-bii tiɛ̃ lɛa, ǹ gìĩ ń kɔɔ̃n Dɛnaa Lawa ganaa.

Ebrəə 10:1

Ǹ goã n yii diɛ bǐɛ̃n mɛnɛn la, di-pɛ lɛ n bɛa kɔnboe nuùnaà nyɛɛ, a bie bɛa sii lɛ din taãn kɛ lɛa wa. Lɛ̀ woo lɛ̀, wúlu mànan manə n boe. Min mɛnɛn bɛ́ n mɔrɛ Lawa ganaa, di-pɛ lɛ n boe la, a bɛn baa min lɛ-piɛ̃n lɛa lɔn ka wúlu mànan kɛn barka nɛ?

Ebrəə 10:4

A giala, dii gɔ̀lɔ̀n laanka butumu mà a boe la, a sii baraan nya duduu wa.

Ebrəə 5:1

Sonbore, maǹ wúlu-bɔlen kiã tumaa boe minbuiin nɛn bii, ǹ koa mà a dí nya Lawa nɛ minbuiin nɛn bǐɛ̃ a lɛa. A dí n ka kɛ nɛ, a gɔ ǹ mànan laanka wúlu mànan kɔ Lawa la, sii baraan taman yii.

Ebrəə 7:27

Yezu lɛ laadoo ba a ganaa, a wúlu bɔ baraabaraa, ka wúlu-bɔlen kiã gialakunun kɛn bɛ́ ǹ nə́ goã zɛnɛɛ lɔn, bibinaa nɛ a din a sii baraan lɛa, bɛ kio zaman dɔ wɔn lɛa wa. Yezu na á wúlu bɔ gunyin goon dinsɔɔ̃, bɛ̀ a bɛ́ á n din kɔ gɛ̀ la wɔa lɛa, kɔsɔ ba n zɛnɛɛ doo wa.

Ebrəə 8:2

A n wúlu bɔ ǹ dí nyɛɛ *wúlu bɔ ǹ bǎã nɛ, bɛ giala, mà Lawa a kion taãn kɛ nɛ. Lawa din na á bɛa kion lɛ dɔ, min bie á dɔ wa.

Ebrəə 8:4

Bɛ̀ *Krita lɛ na á goã kanaa, bɛ̀ a ba wúlu-bɔle biɛ dinin wa. A giala, wúlu-bɔlen tan, ǹ nə́ gɔ ǹ mànan lɛn koe Lawa la, á kɔnpii ka Muizu a Dí-pɛn nɛ.