Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Danayeli sɛ́wɔ 9:4 - LAWA A BOO SONBORE 2011

4 Má tɔ́n maa Lawa, Dɛnaa Lawa nyankɔ, má n mɛ bɔ maa zaman a sii baraan lɛa má pɛ kɛnɛn: «E, Dɛnaa Lawa, man gòã-kũ diɛ n ganaa! N din nə Lawa gole lɛa, n sii n nyɛ́ɛ diɛ. Min mɛnɛn bɛ́ n narɛ, ǹ nə́ n gɔn waa ǹ boon kɛn sii, n lɛ kɔ mɛn wɔ ka bɛn nɛ, n nə n bɔlɔgoondɛnaa lɛa bɛ gɔ́ɔ̃ nɛ, n tá bǐɛ̃ zɛnɛɛ ǹ nɛ.

အခန်းကိုကြည့်ပါ။ ကော်ပီ




Danayeli sɛ́wɔ 9:4
30 ပူးပေါင်းရင်းမြစ်များ  

– Izirayeli a Lawa, Dɛnaa Lawa, lon laanka tán la, lawa kɔn banban ka Nsɛ bɛ lɔn wa! Lɛ kɔ kɔnla laanka kɔn narɛ mɛn bɛ́ n laanka n zaman lɛ bii, ń bɛ tamaa. N dí-nyalin mɛnɛn bɛ́ tɔ we n yɔrɔ-a ka ǹ foo din tumaa nɛ, ma n bǐɛ̃ koe bɛn ganaa.


Maa zaman lɛ, ǹ mɛn lɛ bɛ́ má n tɔ da la, bɛ̀ á n din gisĩ má yɔrɔ-a, á ma nyankɔ, bɛ̀ á n gɔn bɔ a sii bɔbɔnɛɛ kɛ ganaa á ga ma li, ka bɛ nɛ, masɛ, lon sɔsɔɔ kɛ nɛ, ma á re n too koe a lon, ma a sii baraan toa nɛ, ma a gána a kɛbɔlɔn kɛn zɛnaa.


Ɛsidrasi bɛ́ kuməə-n tán Lawa a kion lɛ yɔrɔ-a, Lawa nyankoe a sii baraan pii ka wuu ni, Izirayeli min gigiã nə́ n sɔkɔn a li, giĩn ni, lɔn nɛ, ka nɛnyaanan nɛ. Zaman lɛ goã wuu pii taãn-taãnɛ.


Má pɛ: – E! Lon a Lawa, Dɛnaa Lawa, Lawa gole, nyɛ́ɛbaaman wole, nsɛ mɛn bɛ́ n lɛ kɔ kɔn la lɛ piɛ̃, ń bǐɛ̃ zɛnɛɛ ǹ narɛɛ wolen laanka ǹ gɔn waa ǹ boon kɛn silin manɛ, ma nə n nyankoe.


Sisia kəni, wɔa Lawa gole, pàã tá n lon, n tá nyɛ́ɛ diɛ, nsɛ mɛn bɛ́ n lɛ kɔ kɔn la lɛpiɛ̃, ń bǐɛ̃ zɛnɛɛ, a kũ Asiirii gána a kiin biikoo ganaa a da pelo yaa, nɔmaa mɛn tumaa wɔ yɛ, kɔnlɛ ka wɔa kiin ni, wɔa nyɛɛnaandɛnan nɛ, wɔa Lawa a wúlu-bɔlen ne, wɔa Lawa a boo gii-dalin ni, wɔ digolon ne, ka zaman lɛ tumaa nɛ, n baran ga bɛ ganaa sii kiɛɛrɛ lɛa wa.


Kanna, má maa sii baraa pɛ n nɛ, ma pii kɔ maa sã lɛ wa. Má pɛ máa: Ma á die ma zɛ̀rɛn piì Dɛnaa Lawa nɛ. Bɛ lɛ n ke, ń maa sii baraa a guĩ saa ń bɔ ma mìi ni. Doa


Sɛnɛ, man maa bɔlɔgoondɛnaabaa nyɛɛ maa narɛɛ wolen laanka maa dí-pɛn tamaa wolen manɛ, yǎa nɔ̀ɔ duu gigiã.


Sɛnɛ, n zɛ̀rɛ si. N nə́ n gòãn dii masɛ ganaa, Dɛnaa Lawa, n Lawa ganaa, ń baa si paǹ tumaa li, dìn kio, da tìtìn giulun, n nə n too kɔ ma lon wa.» Dɛnaa Lawa a da ǹ boo ne.


Ǹ nə́ wɔ a nɛ, ǹ nə́ si ǹ nə́ baa ǹ wɔ lɛa. Sɛnɛ, ǹ nə n too kɔ n lon wa, ǹ kɔ n daraan lɛ wa, ǹ kɔ n dí-pɛn lɛ wa. Bɛ lɛ nɛ pelo, koe kɛ tumaa á boe ǹ ganaa.


A bɛ́ á n pɛ miɛ̃, kii Dariyusu nə́ n gɔn bǎã da bɛa landa sɛ́wɔ lɛ nɛ.


Ma bɛ yɛ lɔn, má n lɛ sɔɔ, ma boroo wɔ ma ganaa, ma ton kaa ma ganaa ka gɛ̀ na á gã ma la. Má n yɔrɔ dia Dɛnaa Lawa la, má a nyankɔ, má gòã-kũ da a ganaa.


Mà asɛ n die dí nyɛɛ, a kɔnpɛ a din a lɛ-kɔ kɛ nɛ wɔ digolon ne, mà asɛ yiri a die boe ka bɛa lɛ kɔ kɛ lɛ-n wa.


Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.


Sɛnɛ, min mɛnɛn bɛ́ masɛ narɛ, ǹ nə masɛ a gɔn waa ǹ boon kɛn tamaɛ, man maa bǐɛ̃ kɛ zɛnɛɛ bɛn tɔrɔ duu gigiã nɛ.


Bɛ̀ ká n too kɔ bɛa sii yɔrɔ bɔ ǹ boon lɛn li, ká ǹ tamaa, ká kɔ ǹ lɛ, kaa Lawa, Dɛnaa Lawa lɛ kɔ kɔn la mɛn wɔ ka ka digolon ne, á re bɛ lɛ piɛ̃, a bǐɛ̃ zɛnaa ka nɛ.


Ka nyan nyɛ́ɛ baa ǹ nɛ wa. A giala, kaa Lawa, Dɛnaa Lawa tá ka bii. Lawa gole ne, a sii á nyɛ́ɛ diɛ.


Ka toa ka dɔ̃, mà kaa Lawa, Dɛnaa Lawa lɛ din nə Lawa lɛa, Lawa taãn lɛa. Bɔlɔgoondɛnaa nɛ. Min mɛnɛn bɛ́ narɛ, ǹ ná a dí-pɛn kɛn tamaɛ, a na a lɛ kɔ kɔn la ǹ boon kɛn lɛ piɛ̃ bɛn wɔ paǹ li, a bǐɛ̃ zɛnaa ǹ nɛ, yǎa a woe doe nɔ̀ɔ duu gigiã ganaa.


Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.


Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ