Danayeli sɛ́wɔ 9:27 - LAWA A BOO SONBORE 2011

²⁷ Lɛ̀ sɔbaa giala-nyɔmiɛ̃ lɛ a biikoo li, goledɛnaa lɛ á re die lɛ kɔ kɔn la we min gigiã nɛ. Lɛ̀ sɔɔ ka talɛɛ gɔ́ɔ̃ nɛ, á re minin kurii wúlu-bɔ laanka Lawa gɔ màn nɛ ganaa. Bɛa basaã-kɔle lɛ á re a sii bɔbɔnɛɛn lɛn zɛnɛɛ ka baafuubaa nɛ yǎa basaã woe a din yii a giala-nyɔmiɛ̃ biikoo li, ka a bɛ́ á n pɛ lɔn.»

Danayeli sɛ́wɔ 9:27 ပူးပေါင်းရင်းမြစ်များ

Izayii 28:15

Ka ǹ pii: «Wɔ́ lɛ kɔ kɔn la wɔ ka gɛ̀ nɛ, wɔ́ lɛ kɔ kɔn la wɔ ka geren ne. Bɛ̀ koe daa, a re wɔ yii wa. A giala, soɛ n wɔa mìi duru ǹ bǎã lɛa, màn mɛn bɛ́ a taãn lɛa wa, bɛ n wɔa duru ǹ bǎã lɛa.»

Izayii 28:22

Ka foo-saa ǹ sii toa walan kanna kəni! Bɛ bie wa, kaa fɔlɔ biɛn tá re wusii ǹ ka suu. A giala, má Dɛnaa Lawa Pàãyiidɛnaa lɛ ma, á gole kiwi lɛ tumaa a ziziɛ̃ li.

Izayii 42:6

«Masɛ Dɛnaa Lawa-n má n bíi wɔ peperebaa a lɛa, ma n kũ n gɔn ganaa; Ma á die n tamɛɛ, ma n koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n kanaa tumaa a wɔlɔ fúlu baa.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Zeremii 7:30

«Sii mɛn bɛ́ baraa ma yii li, Zudaa minin man nə bɛ zɛnaa. Kion mɛn bɛ́ ma tɔ n la, ǹ nə́ nyín bɔbɔnɛɛ kaa a nɛ, ǹ nə́ *gɔ̀ da a ganaa. Dɛnaa Lawa a da ǹ boo ne.

Danayeli sɛ́wɔ 11:31

Lawa a kion mɛn lɛ á ke ǹ nə́ kungɔn dɔ ǹ ná a lɛnpɛnɛ nɛ, á re sɔraasin diɛ ǹ da bɛ lɛduə̃. Bɛn tá re bǎã lɛ zaãbiɛ. Ǹ bɛ́ *wúlu màn mɛn koe Lawa la baraabaraa, ǹ tá re minin kurii bɛa kɔ ganaa. Sii bɔbɔnɛɛ mɛn bɛ́ basaã koe, ǹ tá re bɛ zɛnɛɛ Lawa a kion lɛ nɛ.

Danayeli sɛ́wɔ 11:36

Sii mɛn bɛ́ kɔɔ̃n kii lɛ ganaa, a n die bɛ zɛnɛɛ. A n die n din gole koe, a n din soɛ kɔ lawan tumaa nɛ. Boo mɛn din doamaa bie ka diɛ-n wa, á re bɛ diɛ lawan Lawa kɛ ganaa. Á re giala yii a gɔn. Sɛnɛ, Lawa foo bɛ́ re yui ǹ mɛn pinaa, a boo mɛn da, a n die bɛa sii zɛnɛɛ.

Danayeli sɛ́wɔ 12:11

A saa baraabaraa a wúlu kɛ a boe lɛ-diɛ ganaa, a da kaa basaã kɔ ǹ sii bɔnɛɛ kɛ a zɛnaa lɛ, bɛ n die goɛ̃ lɛawaa duu goon ka biɛpaa ka pɔmanangɔrɔ (1 290).

Danayeli sɛ́wɔ 7:25

Á re boo diɛ lon a Lawa gole kɛ ganaa, a bɔ a minin kɛn yii ni. Á re giɛ li dinin a dí-pɛn laanka zɔ́nɔn biikoon bɔyaa. Lawa a minin lɛn tá re goɛ̃ a gɔn yǎa lɛ̀ sɔɔ ka talɛɛ.

Danayeli sɛ́wɔ 8:13

Má lon a dia dí-a wole goon lɛ ma boo diɛ. Lon a dia dí-a wole kɔsɔ tɔ́n nɔ̀n da bɛ la á pɛ: «Màn mɛn bɛ́ sii-yɛn kɛn lɛn gɔ́ɔ̃ nɛ, bɛ n die n zɛnɛɛ yǎa biĩ? Babaraa a wúlu ke ǹ nə́ minin kurəə a bɔ ganaa, bɔlɔ-tii sii ke basaã koe, Lawa a bǎã sonbore ke, ka lon mànan kɛn nɛ á tɔtɔrɛ ǹ la, bɛa siin kɛn lɛn man nə ǹ gòã la yǎa biĩ?»

Ozee 3:4

A giala, Izirayeli minin lɛn tá re lɛawaa damata zɛnɛɛ, ǹ kii ná a banban, ǹ mìilandɛnaa ná a banban, wúlu-bɔ ná a banban, tíĩ ná a banban, ga Lawa dùũ li ǹ mànan nə́ ǹ banban.

Matiə 24:15

"Sii bɔnɛɛ mɛn bɛ́ basaã kɔ ǹ sii lɛa", Lawa a boo gii-dali Danayeli ná a boo da, ka á re bɛ yii. A n die n zɛnɛɛ Lawa laanka a wúlu-bɔlen kɔn yɛ ǹ bǎã nɛ Lawa a kion. (Kasɛn mɛnɛn bɛ́ sɛ́wɔ kɛ pii, ka n doa ka a giala ma!)

Matiə 26:28

kɛ n masɛ mà lɛa, á kaa minbuiin tumaa a lɛa, màn mɛn bɛ́ toɛ, Lawa nə ǹ sii baraan toa ǹ nɛ. A n nyɛɛ mà Lawa lɛ kɔ kɔn la wɔ ka minbuiinin ni.

Matiə 27:51

A din biikoo lɛ li, Lawa a kion gɔ́ɔ̃ kuru kɔn-a ǹ mɔnaa toɛ̃ kɔn-a màn paa, a saa a lon ganaa, a daa a tán-a yaa. Tán bìn da, páran nə́ yuyu,

Marki 13:14

"Sii bɔnɛɛ mɛn bɛ́ basaã kɔ ǹ sii lɛa", bɛ doamaa bɛ́ a bie a yɛ bǎã mɛn nɛ wa, ka á re yii walan. (Min mɛn bɛ́ sɛ́wɔ kɛ pii, ǹ dɛnaa nə n doa a na a giala ma). Bɛa biikoo li, min mɛnɛn bɛ́ re goɛ̃ Zudee gána nɛ bɛn doamaa nɛ ǹ baa si ǹ wo kelen la.

Luku 21:20

Ka bɛ́ re zia gɔnɔn yii ǹ mɛn waáraa Zeruzalɛmu kiwi lɛnpɛnɛ, ka dɔ̃ mà a yu biikoo dɔ.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Rɔmu minin 11:26

Bɛa yɔrɔ kɛ lɛ la, Izirayeli minin dɔn tumaa á re kirisibiɛ, ká a bɛ́ á n kiɛ̃ lɔn: «Nyin-sili lɛ n die boe *Siɔn kele la Zeruzalɛmu kiwi, a n die Zakɔba tɔrɔ minin kɛn Lawa bɔlɔ-tii nyɛɛ.

Rɔmu minin 5:15

Sɛnɛ, Aadã laanka bɛa min kɛ lɛ ba goon yɔrɔ tumaa la wa. A giala, Lawa bǐɛ̃baa ǹ màn mɛn kɔ wɔ la kooro ke, bɛ á tɔtɔ ka Aadã a sii baraa kɛ nɛ. Aadã goon toto kɛ a Lawa bɔlɔ-tii a lɛa nɛ, minbuiin tumaa á giɛ̃. Sɛnɛ, Yezu Krita goon toto kɛ dɔ barka nɛ, Lawa bǐɛ̃ zɛnaa wɔsɛn tumaa nɛ á la yii ni.

Rɔmu minin 5:19

Min goon toto a bɔlɔ-tii a lɛa nɛ, min tumaa sii baraa-zɛnaali baa. Bɛa yɔrɔ lɛ la, min goon toto a bɔlɔ-sii a lɛa nɛ, min tumaa bii á re kɔɔ̃n koe kɔn ka Lawa nɛ.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.