Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Danayeli sɛ́wɔ 9:26 - LAWA A BOO SONBORE 2011

26 Lɛ̀ sɔbaa wɔlɔ pɔsɔrɔwenpaa lɛ kio, Lawa min mɛn lɛ bɔ á koa, ǹ tá re bɛ dii, min kɔn ná a sii a da wa. Bɛ kio, goledɛnaa goon tá re die ka a zaman nɛ ǹ kiwi lɛ laanka Lawa a kion lɛ ziziɛ̃. Sɛnɛ, a giala-nyɔmiɛ̃ li, Lawa a foo-yoo á re bɛa goledɛnaa lɛ bii. A wo kaa zia lɛ a nya lɛ, basaã n die goɛ̃ a tan miɛ̃ ká a bɛ́ á n pɛ lɔn.

အခန်းကိုကြည့်ပါ။ ကော်ပီ




Danayeli sɛ́wɔ 9:26
39 ပူးပေါင်းရင်းမြစ်များ  

Ǹ nə́ pɛ kii ni: «Sayulu na á goã giɛ li a wɔsɛn papaã. A na á goã a taasiɛ nɛ, a wɔsɛn dɛ, wɔa min kɔn ná a goɛ̃ Izirayeli gána lɛ paǹ kɔn nɛ wa.


A n ka ma pàã yii na á mu baa, ma gù kòròn nə́ n bɔ kɔn lɛ. Ma foo yo ma gɔ́ɔ̃ nɛ ka nyɔɔ nɛ.


Min kaka n ke, pàã ná a lon, Dɛnaa n bɛ lɛ diɛ. A na á kɔnbɔ ka la nɛ, kiɛ ka gii ni, basaã koe, la gole lɛa a mu bǎã tumaa si á n kɔ lɛ. Bɛa min kɛ n màn tumaa ziziɛ̃ ka pàã nɛ.


Ka foo-saa ǹ sii toa walan kanna kəni! Bɛ bie wa, kaa fɔlɔ biɛn tá re wusii ǹ ka suu. A giala, má Dɛnaa Lawa Pàãyiidɛnaa lɛ ma, á gole kiwi lɛ tumaa a ziziɛ̃ li.


Ǹ nə́ kũ, ǹ nə́ kiri wɔ a ganaa, ǹ nə́ dɛ. Sɛnɛ, a din a waáraa minin bii, die na á n yiri kɔ bɛ li. Sonbore, maǹ nə́ dɛ ǹ nə́ bɔ yiikoonaan bii. Ǹ nə́ dɛ á gã, a zaman a sii baraan taman yii.


Bɛ lɛ nɛ, masɛ Dɛnaa n die Efrati tà mu gole kɛ diɛ ǹ la, bɛ giala mà Asiiriin kii laanka a pàã. Efrati tà lɛ n die piɛ̃, a toɛ̃, a n da bǎã yii la.


Die a kɔnboe n ka Niili tà kɛ nɛ, a mu n dii, a pã a toɛ̃?


Yìsi mu na á yoo Baabilonii gialaa, A gùrù lɛ-a mu ke bɛ̀ á yoo lon, a n gini, bɛ́ daa n kɔ lɛ.


Gɔsɛ a lɛ̀gɔn la a kii lɛ a nɛnyaanan tá re zia-baali kuru gigiã soekɔn, ǹ nə n dɔ lɛ nɛ. A nɛ lɛ a goon laanka a zia-baalin tá re die n daɛ gána lɛ la ka mu gole bɛ́ lɔn, ǹ bɔ a nɛ ǹ kiɛ̃. Bɛ̀ ǹ tá n bɔyɛɛ woe ǹ gána nɛ ǹ mɛn waáraa, ǹ tá re zia biɛ kiwi kɛ ganaa, kungɔn ná a lɛnpɛnɛ.


Bɛ kio, á re gusin a lɛ̀gɔn la a kii lɛ bebele, mà asɛ á die ka a gána a zia-baalin tumaa nɛ, màn mɛn bɛ́ toɛ, ǹsɛn nə kɔn wɔ ma. Á re a nɛlɔ koe gusin a lɛ̀gɔn la a kii lɛ la lɔ lɛa, màn mɛn bɛ́ toɛ, a ziziɛ̃. Sɛnɛ, bɛa re giala yii a gɔn wa, gána lɛ a re a wɔ biɛ wa.


Zia-baalin mɛnɛn bɛ́ re die a gialaa, bɛn ba re boe la ǹ golee a nyɛɛn wa, á re ǹ tumaa dii. Lawa lɛ kɔ kɔn la wɔ ka tɔrɔ mɛn lɛ a minin ni, á re bɛn dɔn goledɛnaa goon dii.


Sii mɛn bɛ́ kɔɔ̃n kii lɛ ganaa, a n die bɛ zɛnɛɛ. A n die n din gole koe, a n din soɛ kɔ lawan tumaa nɛ. Boo mɛn din doamaa bie ka diɛ-n wa, á re bɛ diɛ lawan Lawa kɛ ganaa. Á re giala yii a gɔn. Sɛnɛ, Lawa foo bɛ́ re yui ǹ mɛn pinaa, a boo mɛn da, a n die bɛa sii zɛnɛɛ.


Lɛ̀ sɔbaa giala-nyɔmiɛ̃ lɛ a biikoo li, goledɛnaa lɛ á re die lɛ kɔ kɔn la we min gigiã nɛ. Lɛ̀ sɔɔ ka talɛɛ gɔ́ɔ̃ nɛ, á re minin kurii wúlu-bɔ laanka Lawa gɔ màn nɛ ganaa. Bɛa basaã-kɔle lɛ á re a sii bɔbɔnɛɛn lɛn zɛnɛɛ ka baafuubaa nɛ yǎa basaã woe a din yii a giala-nyɔmiɛ̃ biikoo li, ka a bɛ́ á n pɛ lɔn.»


Dɛnaa Lawa pɛ kɛnɛn: «Bɛ tɔ kɔ "Lo-Amii" bɛ giala mà "maa zaman bie doo wa". A giala, ka bie maa zaman lɛa doo wa, masɛ dɔ bie kaa wɔ lɛa doo wa.»


Bɛ lɛ n ke, tán tá re bìn diɛ. Gána lɛ a minin tumaa á re gɛ̀ wuu pii. Tán tumaa á re yui lon bɛ̀ a gisĩ, ka Niili tà kɛa mu bɛ́ lɔn, bɛ̀ a pã a toɛ̃. Tán tá re wusii a da a bǎã nɛ ka bɛa tà kɛ lɛ a mu bɛ́ lɔn.


Bɛ̀ pàã tumaa a Dɛnaa Lawa nə́ n gɔn da tán lɛ ganaa lɔn gɔrɔ a n bìn diɛ. Min tumaa nə n duwi. Tań lɛ tumumaa n yui ka Niili tà kɛa mu bɛ́ lɔn, a wusoo bɛ̀ a waa, ka bɛa tà lɛ a mu bɛ́ lɔn.


Sɛnɛ a n die Ninivu yui lenlen ka mu gole ne. A na a zɔ́ɔn papaɛ̃, a nə́ ǹ kiɛ wɔlɔ tì biribiri li.


– Lon a kiibaa lɛ a kɔnboe n ke: Kii goon ne, a ná a nɛgiĩ a kɔn wɔ ǹ màn-bii zɛnaa.


Kii lɛ foo yoo. A ná a sɔraasin dia, mà ǹ wo bɛa gɛ̀-dɛlen kɛn lɛn dɛ, ǹ tɛ da ǹ kiwi ganaa.


Haya, ka á re soe, ka kaa Lawa a kion kɛ toa walan ka lenlen, a ziziɛ̃ ka lon.


Yezu tɔ́n pɛ ǹ nɛ: «Ka yii tá kɛ din tumaa a siĩnbaa ganaa? Man sonbore pii ka nɛ: Kɔlɔ kɔ́n ba re goɛ̃ ǹ miã lalan kànaa wa. A din tumaa á re kiɛ.»


Yezu tɔ́n pɛ nɛ: «Táa n yii tá kion dadaran kɛn ganaa? Kɔlɔ kɔ́n ba re goɛ̃ ǹ miã lalan kànaa wa, a din tumaa á re kiɛ.»


Bɛ̀ ka ma mà zia á kunu ka ganaa, hinlaa mà á sɔsɔɔ, ka baran nyɛ́ɛ baa wa. Bɛ doamaa nɛ a n zɛnaa, sɛnɛ, kanaa a nya bie ka bɛ-n bɔrɔ wa.


Á tɔ́n pɛ ǹ nɛ: «Sonbore ne, Yilii doamaa nɛ a daa bɔrɔ, a sii din tumaa yɔrɔ bɔ sɔnbɔraanɛ. Sɛnɛ, wàa na á baa a kiɛ̃maa tá Lawa a boo ne, mà Min a Nɛgiĩ tá re nɔmiɛ parsiini, mà minin tá re n piɛ̃-n dɔn?


Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.


«Lɛawaan tá re die, ka yii bɛ́ kion mɛn-a ke lɛn, a kɔlɔ kɔ́n ba re goɛ̃ ǹ miã lalan wa. A din tumaa á re kiɛ.»


Ka a doɛ̃, mà Nyin-sili lɛ doamaa nɛ, a bɛa fuu kɛ lɛ tumaa yɛ, a tɔn wo giã a din a gugurubaa ǹ bǎã kɛ-n wa?»


Á pɛ ǹ nɛ: «Màn mɛn nə n kiɛ̃ bɛ á ke: Minin Nyin-sili lɛ n die fuu yii, sɛnɛ, a gɛ̀ lɛawaa sɔɔbaa ǹ wɔ pinaa, a yii á re kiɛ a n bɔ geren bii.


Ma a die boo gigiã diɛ ka nɛ kɛ kio doo wa, a giala, kanaa lɛ a mìilandɛnaa lɛ á die. A wɔlɔ yii masɛ wɔ ganaa wa,


Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.


Koe mɛn goã wɔ mìi-n dí-pɛn lɛ-tii a lɛa, Krita na á wɔ kirisibaa bɛ lɛ ganaa. A giala, koe bɔ a dinmaa lɛ ganaa wɔ a lɛa. Ka Lawa a sɛ́wɔ bɛ́ á pɛ lɔn: «Bɛ̀ ǹ nə́ min mɛn gere da da la, koedɛnaa n ka bɛ nɛ.»


Lawa na á ka bíi bɛ lɛ a lɛa, a giala, *Krita lɛ dɔ na á fuu yɛ kaa lɛa, á bɛ nyaa ka nɛ sii zɛnaa ǹ gɔn lɛa, màn mɛn bɛ́ toɛ, ka kɔ a gòɛ̃ lɛ.


Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.


Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ