Danayeli sɛ́wɔ 9:24 - LAWA A BOO SONBORE 2011

²⁴ Lɛ̀ sɔbaa wɔlɔ pɔsɔbaa nə́ n koa, n zaman laanka n kiwi sonbore kɛ wɔ lɛa. Màn mɛn bɛ́ toɛ, Lawa bɔlɔ tii ǹ siin kɛn nə nya, sii baraa zɛnaa lɛ nə n da, Lawa minin sãn toa ǹ nɛ. Peperebaa mɛn bɛ́ a nyɛɛ wa, bɛ á re die, sii-yɛ laanka Lawa a boo gii mɛn nə n da, bɛn lɛ á re piɛ̃, Lawa a kion sonbore kɛ á re wusii a na a wɔ baa.

Danayeli sɛ́wɔ 9:24 ပူးပေါင်းရင်းမြစ်များ

KZS2 29:24

Lawa a wúlu-bɔlen nə́ tɔn nə ǹ bɔlɔ kuru, ǹ nə́ ǹ mà kaa wúlu bɔ ǹ bǎã lɛ la, màn mɛn bɛ́ toɛ Izirayeli tumaa a sii baraan nə n toa nɛ. Bɛ lɛ nɛ kii lɛ pɛ mà ǹ *wúlu màn tiɛ̃ laanka sii baraa sawaa ǹ wúlu bɔ zaman lɛ tumaa wɔ lɛa.

Loen 2:6

A na á pɛ: Ma kii mɛn bɔ, man má bɛ koa maa *Siɔn kele sonbore kɛ la.

Loen 45:7

N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Izayii 42:4

A foo a re ziziɛ̃ wa. A gù a re giɛ̃ wa, yǎa peperebaa yii tán tumaa la. Gánan mɛnɛn bɛ́ mu nə́ ǹ da bii, bɛn man giɛ a daraa li.»

Izayii 51:6

Ka n yii saa lon, ka ga. Ka n yii kɔ, ka ga tán. Lon tá re papaɛ̃ ka tɛmaa bɛ́ lɔn. Tán tá re pɔpɔsɛ ka mɔnaa bɛ́ lɔn. Min mɛnɛn dɔn bɛ́ giã-n la, ǹ tá re giɛ̃ ka nyuunun bɛ́ lɔn. Sɛnɛ, kirisibaa lɛ n goɛ̃ duduu. Ma bɛ die ka peperebaa mɛn nɛ, a re nyɛɛ duduu wa.

Izayii 51:8

A giala nimii á re ǹ kuĩ ka mɔnaa bɛ́ lɔn. Màn baaran tá re ǹ soɛ̃, ká mɔnaa nɔnɔɔ bɛ́ lɔn. Sɛnɛ, ma bɛ́ die ka peperebaa mɛn nɛ, a re nyɛɛ duduu wa. Kirisibaa lɛ n die goɛ̃ biɛ̃ ǹ tɔrɔn tumaa wɔ lɛa.

Izayii 56:1

Dɛnaa Lawa n kɛ pii: «Ka kɔ sonborebaa lɛ, ka peperebaa zɛnaa. Ma bɛ́ die ka kirisibaa mɛn nɛ, á dɔ á nya. Kànaa ka boɛɛnɛ ka á re maa peperebaa yii.

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Busii pɛ 4:22

Siɔn kiwi, n dɔlɔ lɛ nya kəni. Lawa a re woe n ne bɛ̀rɛbaa ǹ bǎã-n doo wa. Sɛnɛ, nsɛ Edɔmu, Dɛnaa Lawa á re n sii baraan dɔlɔ boe n ganaa. Á re n sii baraan lɛn nyɛɛ bii-a panparaan nɛ.

Ezekieli 28:12

«Minbuiin a nɛ, foo ziziɛ̃ ǹ loe lɔ Tiiri kiwi lɛ la. N pɛ ǹ nɛ, mà masɛ Dɛnaa Lawa n kɛ pii: Nsɛ lɛ a sii tumaa lɛ na á goã piɛ̃ nɛ, n sii-doɛ̃ ke, bɛ dɔ kɔn, n siĩnbaa kɛ dɔ lɛ pã.

Ezekieli 4:5

Ǹ sii baraa lɛ zɛnaa lɛ̀ lɛ mɛn gɔ́ɔ̃ nɛ, man die lɛawaa lɛ diɛ n mìi ni, a kɔnpɛ ka bɛ nɛ. Lɛawaa biɛsɔɔ ka pɔmanangɔrɔ (390). N die n nə n toɛ̃ ka Izirayeli minin lɛn sii baraa a guĩ ni bɛa lɛawaan lɛn gɔ́ɔ̃ nɛ.

Ezekieli 4:6

Bɛ̀ bɛa lɛawaan lɛn lɛ pã, n bɔyaa n waa n gusin a wàã dɔ la, n nə n toɛ̃ ka Zudaa minin kɛn dɔn sii baraa a guĩ ni lɛawaa pusi gɔ́ɔ̃ nɛ. Ǹ sii baraa zɛnaa lɛ̀n mɛnɛn gɔ́ɔ̃ nɛ, ma a lɛawaa gogoon kɔ n la, ǹ gogoonmaa wɔ lɛa.

Lawa a wúlu-bɔlen 25:8

Dɛnaa Lawa wusoo á pɛ Muizu-n doo: Lɛ̀ sɔsɔbaa wɔlɔ sɔbaa nimi, n toa bɛ kiɛ̃. Bɛa lɛ̀ sɔsɔbaa wɔlɔ sɔbaa lɛ a kaa kun nə goɛ̃ lɛ̀ pusiwenmanangɔrɔ.

Lawa a wúlu-bɔlen 8:15

Muizu tɔ́n na a bɔlɔ kuru, a ná a mà si. Á n gòon sã bɛa mà lɛ li, karan mɛnɛn tumaa bɛ́ wúlu bɔ ǹ bǎã lɛ gùrùn ganaa, á lɔ bɛn ganaa, a wúlu bɔ ǹ bǎã lɛ baa Lawa wɔ lɛa. Á mà lɛ a gialakun kaa tán wúlu bɔ ǹ bǎã lɛ genli màn mɛn bɛ́ toɛ a Lawa wɔ baa, ǹ boo la, ǹ sii baraa sawaa ǹ wúlu bɔ la.

Zakarii 4:14

Á tɔn a giala pɛ ma-n kɛnɛn: «Giĩ màn paa mɛnɛn nə n bɔ, ǹ nə́ n koa tán tumaa a Dɛnaa a dí taman yii, bɛn manɛ.»

Minin nimi 14:34

Ka n ka woo ga gána lɛ-a, ka lɛawaa pusi. Lɛawaa goon nə die lɛ̀ goon bǎã siɛ: ka n die n toɛ̃ ka kaa sãn lɛn guĩ ni lɛ̀ pusi gɔ́ɔ̃ nɛ. Màn mɛn tá gòãn dii masɛ ganaa nɛ, ka á re bɛ doɛ̃.

Matiə 1:21

A tá re nɛgiĩ yii, nsɛ Zozɛfu na a tɔ kɔ Yezu, bɛ giala mà "Lawa n wɔ boe", a din nə die a tɔrɔn kirisibiɛ ǹ sii baraan ganaa.»

Matiə 11:13

Lawa a boo gii-dalin tumaa laanka Muizu a landa boo da kiibaa ǹ bǎã lɛ wɔ paǹ li, yǎa á daa dɔ Zaã a biikoo ganaa.

Matiə 4:5

Bɛ kio, Sɛtaan nə́ woo ne Lawa a kion mìi ni Zeruzalɛmu kiwi sonbore kɛ nɛ,

Marki 1:24

«Nazarɛtin Yezu, n bɛ́ min mɛn lɛa, wɔsɛn tá doɛ̃, Lawa din a dia dí-a wole sonbore nə n ne. N wàa mɛn sii n wɔsɛn sii ni? Ma nə́ n daa wɔsɛn laadoo ziziɛ̃ gɔrɔ kən le?»

Luku 1:35

Lon a dia dí-a wole lɛ tɔ́n na a lɛ si á pɛ: «Lawa a Yiri Fu n die gisĩ n la, Lon a Lawa gole n die a din pàã gisĩ n la. Bɛ lɛ taman yii, n bɛ́ die nɛ mɛn yii, maǹ die bíi "Lawa wɔ", ka bɛ dɔ-n doo "Lawa a Nɛgiĩ".

Luku 21:22

A giala, bɛa biikoo lɛ n die goɛ̃ Lawa a gɛ̀ dòo bɔ ǹ lɛawaan lɛa. Màn mɛn tumaa nə n kiɛ̃ sɛ́wɔ nɛ, bɛ doamaa nɛ a n zɛnaa bɛa lɛawaan kɛn lɛn nɛ.

Zaã a sɛ́wɔ 1:41

a na á kiɛ̃ á woo dɔ a din dɔɔ̃n Simɔn lɛ li bɔrɔ á pɛ nɛ mà ǹsɛn nə́ Minin Nyin-sili lɛ yɛ (ǹ dinin bɔlɔ nɛ: mà Masia, bɛ giala mà Krita.)

Zaã a sɛ́wɔ 3:34

Lawa bɛ́ á min mɛn dia, bɛa dɛnaa lɛ n Lawa a boon pii, a giala, Lawa din na a Yiri koe la ka a parsiini.

Nya ǹ dín 3:14

Ka n piã ka Lawa din "wɔ" kɛ lɛ nɛ, min pepere kɛ lɛ, ká a nyankɔ mà ǹ gɛ̀-dɛle da ǹ bɔ kòso-n.

Nya ǹ dín 3:22

Muizu pɛ lɛlɛ a wɔ gɔn la: «Dɛnaa Lawa á die a din a boo gii-dali diɛ kaa lɛa ka masɛ bɛ́ lɔn. A n die boe ka tɔrɔn bii. A bɛ́ re màn mɛn yii pii ka nɛ, ka n too kɔ a lon.

Nya ǹ dín 4:26

Kanaa a kiin nə́ n zɔ̃ ǹ nə́ dɔ kɔn li, nyɛɛnaandɛnan nə́ kaa kun, màn mɛn bɛ́ toɛ, ǹ nə n baa goon ǹ nə n gòãn doa Dɛnaa Lawa ganaa ka a Minin Nyin-sili kɛ nɛ.»

Rɔmu minin 5:10

Sonbore, wɔ n wɔ́ goã Lawa a zɔ́ɔn lɛa, sɛnɛ, a Nɛgiĩ a gɛ̀ lɛ taman yii, Lawa wɔa zɔ́ɔbaa lɛ nya. Sisia kəni, wɔ bɛ́ kun ka Lawa nɛ, wɔ á re kirisibiɛ a nɛgiĩ a yiikoonaabaa kɛ taman yii.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.

Kolɔɔsi minin 1:20

á tán laanka lon mànan tumaa bii kɔɔ̃n kɔ kɔn ka a din ni, a Nɛgiĩ lɛ barka nɛ. Lawa a Nɛgiĩ mà lɛ, á kaa dere ǹ gɔn ganaa, bɛ na á daa ka là nyantoro ne.

Kolɔɔsi minin 2:14

Sãn mɛnɛn tumaa goã giɔ̀mɔ lɛa wɔ bɔlɔ-a, Lawa bɛn tumaa saa kun ka dí-pɛ kɛ nɛ ǹ yɔrɔ diɛ wɔ la, á ǹ bɔ wɔ mìi ni, á ǹ tuturu ka Krita a dere gɔn ganaa nɛ.

Ebrəə 10:14

A min mɛnɛn yoreen kɔ, a na á bɛn baa min lɛ-piɛ̃n lɛa yǎa duduu, a din kɔ wúlu màn lɛa gunyin goon toto kɛ lɛ barka nɛ.

Ebrəə 2:17

Bɛ lɛ na á toa, á n din baa ka n dɔɔ̃n minbuiin nɛn bɛ́ lɔn yɔrɔ tumaa la, màn mɛn bɛ́ toɛ, a n baa wúlu-bɔlen kiã lɛa, á n makara doɛ̃ a dí kɛ nɛ Lawa yɔrɔ-a, a minin sii baraa tuturu.

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Ebrəə 9:26

Bɛ̀ Krita na á baa miɛ̃, bɛ̀ a kũ kanaa giala-koe ganaa, bɛ̀ a doamaa nɛ a fuu yɛ gunyin damata. Sonbore, Krita na á zɛnaa gunyin goon toto, giala-nyɔmiɛ biikoo kɛ li, á daa, á sii baraa nya ka a din kɔ wúlu màn lɛa barka nɛ.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Zaã1 3:8

N mɛn bɛ́ n tɔn sii baraa zɛnaa lɛ da wa, ma n *Sɛtaan wɔ lɛa. A giala, a saa giala-kɔ waáraa ganaa, Sɛtaan na á sii baraa zɛnaa. Lawa a Nɛgiĩ na á daa bɛ lɛ a lɛa, mà a Sɛtaan a nya ǹ dín ziziɛ̃.

Sii-nyaan 14:6

Bɛ kio, má lon a dia dí-a wole goon kɔsɔ yɛ piɛ̃ lon sɔsɔɔ. Boo Tii Kɔɔ̃n mɛn bɛ́ a kɔɔ̃nbaa a nyɛɛ wa, bɛ na a gɔn, a n die pii tán minin manɛ, ǹ nə́ tɔrɔ tumaa lɛa, gána tumaa nɛ, bɔlɔ tɔrɔ totoro pɛlen lɛa, ka zaman tumaa nɛ.

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke: