Danayeli sɛ́wɔ 9:23 - LAWA A BOO SONBORE 2011

²³ Ń bɛ́ ń na a giala kɔ ń gòã-kũ diɛ Lawa ganaa ǹ mɛn waáraa, boo kɔn soo Lawa lɛ-n, man má daa bɛ lɛ pɛ n nɛ, a giala, n sii á kɔɔ̃n Lawa ganaa parsiini. Bɛ lɛ taman yii, n too kɔ bɛa boo lɛ li, n sii-yɛ kɛ lɛ giala ma.

Danayeli sɛ́wɔ 9:23 ပူးပေါင်းရင်းမြစ်များ

Kiin2 19:20

Amɔsi a nɛgiĩ Izayii minin dia woe pii Ezekiasi ni mà Izirayeli a Lawa, Dɛnaa Lawa n kɛ pii: – N nyan mɛn kɔ ma la Asiirii gána a kii Senankeribu wɔ paǹ li, má ma.

Suusun 15:8

Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

Loe kɔɔ̃n kɔɔ̃n 7:10

N lɛ dɔ die a goã ka duvɛ̃ kɔɔ̃n kɔɔ̃n bɛ́ lɔn. Bɛa duvɛ̃ lɛ dɔ ma din foo dùũ wɔ lɛ ganaa gɔrɔ, á baa si nyuù-wɔlen kɛn lɛ ganaa.

Ezekieli 14:14

Ta Nowee ǹ miã n bɛa gána lɛ nɛ, Danieli ni ka Zɔbu ni, bɛn min sɔɔ kɛ lɛ, ǹ peperebaa lɛ n die ǹ dininsɔɔ̃nɔn kirisibiɛ. Ma din Dɛnaa Lawa a da ǹ boo ne.

Ezekieli 24:16

«Minbuiin a nɛ, á ke: Min mɛn lɛ a gamaa bɛ́ n foo kɔɔ̃n koe, man die bɛ lɛ sii n la ka parasa. Sɛnɛ, n baran a gɛ̀ koa wa, n baran n duduwəə wa, n yii mu nyan doo tán wa.

Ezekieli 26:12

Ǹ tá re n naforo kɛ goɛ, ǹ tá re n pii mànan kɛn kokoe. Ǹ tá re n kungɔnɔn kɛn dii ǹ nə ǹ kaa, ǹ tá re n kion sonboren kɛn wurii. N dɔn kɔlɔn nɛ, ǹ gɔnɔn nɛ ka a tii ni, ǹ tá re bɛn zuĩ mu giala-n.

Danayeli sɛ́wɔ 10:1

Pɛrɛsin kii Siirusu a kiibaa lɛ̀ sɔɔbaa ǹ wɔ li, Danayeli mɛn bɛ́ ǹ tá bíi Bɛlsazaara, sii kɔn nə́ n nyaa bɛ nɛ. Bɛa sii lɛ n taãn lɛa a n boo diɛ nɔmaa dadaran wɔ paǹ li. Danayeli nə́ n taasɛ bɛa sii lɛ ganaa, a ná a giala ma sii-nya barka nɛ.

Danayeli sɛ́wɔ 10:19

Á tɔ́n pɛ ma nɛ: «N baran nyɛ́ɛ baa wa, n sii á kɔɔ̃n Lawa ganaa. Là nyantoro die a giã n li! N gù we yii, n nə n foo taã! A bɛ́ a gialaa boo diɛ ma nɛ, ma gù wusoo á kaa.» Má tɔ́n pɛ: «Maa dɛnaagiĩ, boo da, a giala, n ma gù kaa.»

Danayeli sɛ́wɔ 6:3

Á goledɛnaa dadara sɔɔ koa ǹ mìi la, màn mɛn bɛ́ toɛ, gánadɛnaa dadaran lɛn nə ǹ dí yɔrɔ pɛ bɛn manɛ, sii kɔn dɔ baran n zɛnaa kii laadoo ziziɛ̃ ǹ sii lɛa wa. Bɛa min sɔɔ kɛ lɛ a goon nə ka Danayeli ni.

Matiə 24:15

"Sii bɔnɛɛ mɛn bɛ́ basaã kɔ ǹ sii lɛa", Lawa a boo gii-dali Danayeli ná a boo da, ka á re bɛ yii. A n die n zɛnɛɛ Lawa laanka a wúlu-bɔlen kɔn yɛ ǹ bǎã nɛ Lawa a kion. (Kasɛn mɛnɛn bɛ́ sɛ́wɔ kɛ pii, ka n doa ka a giala ma!)

Luku 1:28

Lon a dia dí-a wole lɛ woo a li, á pɛ-n kɛnɛn: «Mariya, ma á fòo diɛ n nɛ, Lawa tá kunun n ni, a na á n bɔ, á bǐɛ̃ gole baa nɛ.»