Danayeli sɛ́wɔ 9:19 - LAWA A BOO SONBORE 2011

¹⁹ Dɛnaa, n too kɔ! Dɛnaa wɔa sii baraa lɛ toa wɔ nɛ. Dɛnaa, n too kɔ doɛ̃! N din a lɛa maa Lawa, sii zɛnaa, n baran n lɔlɔɔ wa! A giala, n din a kiwi ni, n din a zaman nɛ.»

Danayeli sɛ́wɔ 9:19 ပူးပေါင်းရင်းမြစ်များ

KZS2 6:21

N too kɔ, bɛ̀ n dí-nyali laanka n din a zaman Izirayeli minin lɛn nə́ n yɔrɔ dia kion lɛ la, wɔ́ n nyankɔ, n toa n giã ǹ bǎã-n lon n nə n too kɔ wɔsɛn lon, n wɔ zɛ̀rɛn toa wɔ nɛ.

KZS2 6:39

n toa lon n giã ǹ bǎã lɛ nɛ, n nə n too kɔ ǹ nyankɔ laanka ǹ gòã-kũ li, n nə n dɔ ǹ lɛ. N zaman mɛn lɛ á ke, á sã á wɔ n lon, bɛn sã toa ǹ nɛ.

Izayii 43:7

Ma tɔ bɛ́ min mɛnɛn tumaa ganaa, ma ǹ mɛnɛn tumaa da, má nyin kɔ ǹ la, ma ǹ mɛnɛn zɛnaa, ka wusoo ka da ǹ nɛ, ǹ gugurubaa da ma tɔ la.

Zeremii 14:7

Bɛ̀ wɔa sii baraan tá zɛ̀rɛ diɛ wɔ la, Dɛnaa Lawa n din tɔ taman yii, sii zɛnaa. Sonbore, wɔa sãn nə́ mɔnaa. Wɔ n zɛ̀rɛdɛnan lɛa n wɔ paǹ li.

Zeremii 14:9

Ma nə n kɔnbɔ ka giĩ pàãwɛɛnaa nɛ, ka zia-baali mɛn bɛ́ a boe la a min kirisibaa wa. Bɛ n siɛ lɔn kəni? A da yaa Dɛnaa Lawa, n tá kun ka wɔ nɛ. N din tɔ n wɔ la, n nyan nə n la bɔ wɔ ganaa wa!

Zeremii 25:29

Á ke, man dɔlɔ boe kiwi kɛ ganaa má bɔ má koa maa wɔ lɛa. Man die kasɛn toɛ walan dɔlɔ baã? Haayii! Ka a re goɛ̃ dɔlɔ baã wa. Man yui zia-n ka ganaa, masɛ Dɛnaa Lawa Pàãyiidɛnaa a da ǹ boo ne.

Ezekieli 20:14

Sɛnɛ, man má sii lɛ zɛnaa ma din taman yii, màn mɛn bɛ́ toɛ, ma ǹ waa tɔrɔn mɛnɛn yii ni má ǹ bɔ Ezipti gána nɛ, bɛn baran ma tɔ ziziɛ̃ wa.

Ezekieli 20:22

Sɛnɛ, má wusoo ka ma gɔn nɛ, ma din tɔ taman yii ma sii lɛ zɛnaa wa, màn mɛn bɛ́ toɛ, ma ǹ waa tɔrɔn mɛnɛn yii ni má ǹ bɔ Ezipti gána nɛ, ma tɔ nyan toa a ziziɛ̃ bɛn bii wa.

Ezekieli 20:9

Sɛnɛ, ma din tɔ taman yii, ma sii kɔn zɛnaa ǹ nɛ wa, màn mɛn bɛ́ toɛ, ka digolon bɛ́ giã-n tɔrɔn mɛnɛn bii, bɛn baran ma tɔ ziziɛ̃ wa. A giala, ma lɛ kɔ mɛn wɔ ǹ nɛ máa ma á re ǹ wɛɛ ma ǹ bɔ Ezipti gána nɛ, bɛa tɔrɔn kɛn lɛn tá a siére-a.

Ezekieli 36:22

Bɛ lɛ taman yii, a pɛ Izirayeli tɔrɔn lɛn manɛ, mà masɛ Dɛnaa Lawa n kɛ pii: «Izirayeli tɔrɔn lɛn, ma bɛ́ re sii mɛn zɛnɛɛ, ma bie re bɛ zɛnɛɛ kasɛn taman yii wa. Man die zɛnɛɛ ma din tɔ sonbore kɛ taman yii. A giala, ka wo tɔrɔn mɛnɛn bii, ká ma tɔ sonbore kɛ ziziɛ̃ walan.

Ezekieli 39:25

Sɛnɛ, masɛ Dɛnaa Lawa n kɛ pii: «A kũ sisia ganaa, ma á re makara boe Izirayeli minin ganaa, kɛn Zakɔba tɔrɔn lɛa. Ǹ bɛ́ sii mɛn gɔ́ɔ̃ nɛ, ma á re ǹ wɛɛ ma ǹ bɔ bɛ nɛ. Ma a re toɛ min ma tɔ sonbore kɛ puusə kɔ doo wa.

Danayeli sɛ́wɔ 9:18

E, maa Lawa, n too kɔ doɛ̃! Basaã mɛn wɔ yɛ, wɔ laanka n kiwi kɛ nɛ n din tɔ n la, n yii bũ n ga bɛa basaã lɛ-a. A giala, wɔa zɛnaa ǹ sii pepere a lɛa bie toɛ wɔ ń gòã-kũ kɛ diɛ n ganaa wa. Sɛnɛ, n din a makara-doɛ̃ gole kɛ a lɛa nɛ.

Amɔɔsi 7:2

Bisinin lɛn bɛ́ ǹ nə́ gána lɛ a buu tumaa sɔ̃ ǹ nə́ nya, má tɔ́n pɛ kɛnɛn: «Dɛnaa, maa Lawa ma nə n nyankoe, Zakɔba tɔrɔn lɛn siɛ̃n toa ǹ nɛ, bɛ bie wa, maǹ die wàa biɛ? Ǹ nə́ ke ǹ nə́ ǹ ba tɛ dɔn dinin wa!»

Minin nimi 14:19

Dɛnaa Lawa, a kũ zaman lɛ a soo a bɔ Ezipti gána-n kɛ ganaa, n nə́ ǹ sii baraan toa ǹ nɛ yǎa kànaa. Wusoo doo n nə ǹ sã toa-n miɛ̃, n din a bǐɛ̃ gole lɛ taman yii.

Minin nimi 6:27

Ka die ka n lɛ koa masɛ tɔ lɛ-a Izirayeli minin lɛn lɛa miɛ̃, ma á die barka diɛ ka ganaa.

Luku 11:8

Yezu pɛ ǹ nɛ: «Ta giĩ lɛ na a yoo á màn kɔ ǹ miã lɛ la giaárabaa kɛ a lɛa wa, bɛ̀ ǹ miã lɛ tá a foo pipii, giĩ lɛ á re yui, ǹ miã lɛ laadoo bɛ́ màn woo màn ganaa, á re bɛ koe la.»

Nya ǹ dín 15:17

A kũ bɛ lɛ ganaa kəni, min gialakunun kɛn tá re giɛ ma li, tɔrɔ gialakunun mɛnɛn tumaa bɛ́ ma tɔ nə ǹ ganaa.

Efɛɛzi minin 1:12

mà wɔ asɛ a gugurubaa kɛ laakalaa, wɔsɛn Zuifun mɛnɛn bɛ́ wɔ n foo doa Krita ganaa bibinaanɛ.

Efɛɛzi minin 1:6

A n mà wɔ asɛ a bǐɛ̃ golee kɛ lɛ laakalaa. A bǐɛ̃ mɛn baa wɔ la ka bǐɛ̃baa ǹ foo ne, a ná a Nɛgiĩ narɛɛ wole kɔ wɔ la.

Efɛɛzi minin 3:10

A na á bɛ zɛnaa, màn mɛn bɛ́ toɛ, lon màn pàãdɛnan laanka ǹ goledɛnan na a sii-doɛ̃ gole kɛ dɔ̃ kanna, ka a sɔmɔ kɛ barka nɛ.