Danayeli sɛ́wɔ 9:18 - LAWA A BOO SONBORE 2011

¹⁸ E, maa Lawa, n too kɔ doɛ̃! Basaã mɛn wɔ yɛ, wɔ laanka n kiwi kɛ nɛ n din tɔ n la, n yii bũ n ga bɛa basaã lɛ-a. A giala, wɔa zɛnaa ǹ sii pepere a lɛa bie toɛ wɔ ń gòã-kũ kɛ diɛ n ganaa wa. Sɛnɛ, n din a makara-doɛ̃ gole kɛ a lɛa nɛ.

Danayeli sɛ́wɔ 9:18 ပူးပေါင်းရင်းမြစ်များ

Kiin1 8:29

N yii die a goã kɛa kion kɛ lɛ la penleen laanka tèlò ne, bǎã mɛn lɛ á ke ń bɔ n nə n tɔ da la. Kanna kəni, n too kɔ maa nyankɔ li kion kɛ nɛ.

Kiin2 19:16

Dɛnaa Lawa, n too naa, n nə n too kɔ, Dɛnaa Lawa, n yii bũ n ga! Senankeribu mɛn lɛ minin dia mà ǹ da sɔ kɔ n din Lawa yiikoonaa ganaa, n too kɔ bɛa boon kɛn ganaa!

Loen 116:1

Dɛnaa Lawa sii á kɔɔ̃n ma ganaa, a giala a tá maa gòã-kũ sii.

Loen 25:6

Dɛnaa Lawa, n makara kɛ laanka n kɔn-narɛɛ gole kɛa nyɛɛ wa, n yiri kɔ bɛn lɛn li.

Bɔ bɛ̀rɛbaa nɛ 3:7

Dɛnaa pɛ: «Má maa zaman lɛ a nɔmaa yɛ Ezipti gána nɛ, má ǹ lɛ-dɛ ma ǹ lɛduə̃li baraan kɛn dɛ gɔn. Sonbore, ma tá ǹ fuun lɛn doɛ̃.

Izayii 37:17

Dɛnaa Lawa, n para kanaa n nə n too kɔ taãn-taãnɛ! Dɛnaa Lawa, n yii bũ n ga gongon! Senankeribu a dia dí-a wolen nə sɔ mɛn kɔ n ganaa, Lawa Yiikoonaa, n too kɔ bɛ li.

Izayii 43:7

Ma tɔ bɛ́ min mɛnɛn tumaa ganaa, ma ǹ mɛnɛn tumaa da, má nyin kɔ ǹ la, ma ǹ mɛnɛn zɛnaa, ka wusoo ka da ǹ nɛ, ǹ gugurubaa da ma tɔ la.

Izayii 64:6

Min kɔn ba n tɔ bii doo wa, min kɔn yii á we a n mɔrɔ n ganaa wa, a giala, n ba li n wɔ yɛ doo wa, ń wɔ toa wɔa sii baraan gɔn.

Zeremii 14:7

Bɛ̀ wɔa sii baraan tá zɛ̀rɛ diɛ wɔ la, Dɛnaa Lawa n din tɔ taman yii, sii zɛnaa. Sonbore, wɔa sãn nə́ mɔnaa. Wɔ n zɛ̀rɛdɛnan lɛa n wɔ paǹ li.

Zeremii 14:9

Ma nə n kɔnbɔ ka giĩ pàãwɛɛnaa nɛ, ka zia-baali mɛn bɛ́ a boe la a min kirisibaa wa. Bɛ n siɛ lɔn kəni? A da yaa Dɛnaa Lawa, n tá kun ka wɔ nɛ. N din tɔ n wɔ la, n nyan nə n la bɔ wɔ ganaa wa!

Zeremii 15:16

Bɛ̀ má n boo ma lɔn, man kuĩ parsiini. A n ma foo kɔɔ̃n koe, a ma foo basã. Taãn nɛ Dɛnaa Lawa Pàãyiidɛnaa, n din tɔ n ma la.

Zeremii 25:29

Á ke, man dɔlɔ boe kiwi kɛ ganaa má bɔ má koa maa wɔ lɛa. Man die kasɛn toɛ walan dɔlɔ baã? Haayii! Ka a re goɛ̃ dɔlɔ baã wa. Man yui zia-n ka ganaa, masɛ Dɛnaa Lawa Pàãyiidɛnaa a da ǹ boo ne.

Zeremii 36:7

Kɔntan, ǹ tumaa á re Dɛnaa Lawa nyankoe ka ǹ we ne, didie na a sii baraan kaa. A giala, Dɛnaa Lawa pɛ mà asɛ a foo yoo lɛ asɛ a zaman lɛ paǹ li, mà á gole á la yii ni.»

Zeremii 37:20

Zeremii tɔn kɛ ti a ganaa: «Kii, n too kɔ ma lon kanna. N too kɔ maa nyankɔ li. N nyan ma dia sɛ́wɔ-kiɛ̃li Zonaatan a kion doo wa, bɛ bie wa, man die giɛ̃.»

Ezekieli 36:22

Bɛ lɛ taman yii, a pɛ Izirayeli tɔrɔn lɛn manɛ, mà masɛ Dɛnaa Lawa n kɛ pii: «Izirayeli tɔrɔn lɛn, ma bɛ́ re sii mɛn zɛnɛɛ, ma bie re bɛ zɛnɛɛ kasɛn taman yii wa. Man die zɛnɛɛ ma din tɔ sonbore kɛ taman yii. A giala, ka wo tɔrɔn mɛnɛn bii, ká ma tɔ sonbore kɛ ziziɛ̃ walan.

Ezekieli 36:32

Masɛ Dɛnaa Lawa a da ǹ boo á ke: Ka doamaa-n ka dɔ̃, mà kasɛn lɛa bie ma á re bɛa sii lɛ zɛnɛɛ wa. Izirayeli tɔrɔn lɛn, kaa giã ǹ gɔn kɛ lɛ doamaa nɛ a sìi da ka ganaa, a ka mìi kuməə.»

Danayeli sɛ́wɔ 9:7

Dɛnaa, zɛ̀rɛ ba nsɛ-a wa. Wɔ dinin wɔ n ka sìi ni pelo: Zudaa minin wɔ n ka sìi ni, Zeruzalɛmu minin ni, Izirayeli minin tumaa, ǹ mɛnɛn wɔlɔ bɛ́ kunun, ka ǹ mɛnɛn wɔlɔ bɛ́ sɔsɔɔ. A giala, ǹ goã bɔlɔ tii siin mɛnɛn zɛnɛɛ n nɛ, bɛn lɛn man nə́ toa, ń nə́ ǹ loo, ń nə́ ǹ kaa gána kɔsɔn nɛ.

Minin nimi 6:27

Ka die ka n lɛ koa masɛ tɔ lɛ-a Izirayeli minin lɛn lɛa miɛ̃, ma á die barka diɛ ka ganaa.

Korɛnti1 1:2

Kasɛn lɛn man Lawa a sɔmɔ lɛa Korɛnti kiwi. Lawa na á ka bɔ, á ka kaa ka gɔrɔn Yezu Krita pàã ganaa, mà ka goã a din a minin lɛa. Wɔ n sɛ́wɔ kɛ diɛ ka laanka Lawa-nyankɔlen tumaa la, ǹ mɛnɛn bɛ́ bǎã tumaa nɛ ǹ nə́ Yezu Krita bíi Dɛnaa, ka wɔsɛn bɛ́ lɔn.