Danayeli sɛ́wɔ 9:16 - LAWA A BOO SONBORE 2011

¹⁶ Dɛnaa, n zɛnaa ǹ sii sonboren lɛn tumaa taman yii, bǐɛ̃ kɔ, n nə n foo-yoo kɛ laanka n foo-busii kɛ yɔrɔ saa n bɔ Zeruzalɛmu la, n din a kiwi ke, n kele sonbore ke! A giala, wɔa sii baraan kɛn taman yii, ka wɔ digolon kɛn sãn nɛ, min mɛnɛn bɛ́ wɔ lɛnpɛnɛ, bɛn man sɔ kiɛ Zeruzalɛmu laanka n zaman kɛ la.

Danayeli sɛ́wɔ 9:16 ပူးပေါင်းရင်းမြစ်များ

Nehemii 9:8

Ń bɔlɔgoondɛnaabaa ǹ foo yɛ a nɛ n wɔ paǹ li, ń tɔ́n lɛ kɔ kɔn la wɔ nɛ. Gána ke Kaanaan minin wɔ lɛa, Ɛti minin wɔ lɛa, Amɔɔrɔ tɔrɔn wɔ lɛa, Perɛzi minin wɔ lɛa, Zebuzu laanka Girgazi tɔrɔn wɔ lɛa, ń mà n tá re bɛ koe, a laanka a tɔrɔn la. Ń nə́ n boon lɛn lɛ pã, a giala n tá pepere.

Loen 143:1

Davida a loe. Dɛnaa Lawa, maa nyankɔ ma. N too kɔ, n maa gòã-kũ si. Ma lɛ si, n bɔlɔgoondɛnaabaa kɛ laanka n peperebaa kɛa lɛa.

Loen 31:1

Loe-saalin goledɛnaa loe mɛn lɔ. Davida a loe.

Loen 41:13

N nə́ n dɔ ma lɛ, maa zɛ̀rɛbaabaã taman yii, biikoo tumaa li, n din nə ma tamaɛ n din yɔrɔ-a.

Loen 71:2

N din a peperebaa gɔ́ɔ̃ nɛ, ma si sii la, n ma bɔ a nɛ. N too kɔ ma lon, n ma kirisibaa.

Loen 79:4

Wɔ á ke, wɔ miãkɛnɛn nə́ sɔ kiɛ wɔ la. Min mɛnɛn bɛ́ wɔ lɛnpɛnɛ, bɛn man wɔ diɛ yaa lɛa, ǹ nə́ wɔ pɔpɔsɛ.

Loen 85:4

Ń nə́ n yoo wɔ gialaa kɛ lɛ doa, ń nə́ n foo-yoo baraa kɛ lɛ goa.

Loen 89:51

Dɛnaa, n yiri kɔ n bɛ̀rɛgiĩn kɛn nɛ, ǹ nə́ sɔ kiɛ ǹ la, n yiri kɔ n din a zaman kɛ tumaa nɛ, ń ma koa a mìi la.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Izayii 5:25

Bɛ lɛ taman yii, Dɛnaa Lawa foo n yoo ne a zaman li. Á n gɔn munu ǹ li, á ǹ dɛ. Kelen man bìn diɛ, geren man tán bǎã yii ni ka yisi bɛ́ lɔn. Bɛ tumaa kio, Dɛnaa Lawa foo tɔn basã wa, a gɔn munii lɛ n tɔn lon.

Zeremii 24:9

Ǹ tá re sii a kɔnboe biɛ kanaa a tɔrɔn tumaa li. Bɛ̀ ǹ nə́ ǹ yɛ, ǹ gɔ̀nɔn tá re bìn diɛ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ walan, bɛ̀ ǹ tá li ǹ sìi da min ganaa, ǹ min da yaa lɛa, ǹ sɔ kɔ min ganaa hinlaa ǹ lɛn baraa bíi li.

Zeremii 29:18

Man die ǹ kio lui ka zia nɛ, bòo ne ka piɛ̃ busu ni. Bɛ̀ gánan mɛnɛn nə́ ǹ yɛ, nyɛ́ɛ á re bɛn tumaa kuĩ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ bɛn li, bɛ̀ ǹ tá re lɛn baraa bíi, bɛ̀ ǹ tá sii bɔbɔnɛɛ boo diɛ, nyɛ́ɛ da ǹ sii ni ka sìi boo ni.

Zeremii 32:31

Taãn nɛ, a kũ Zeruzalɛmu a giala kɔ ganaa a da kaa pelo lɛ, bɛa kiwi kɛ ma foo yoo. Bɛ lɛ nɛ, ma ba li ma yɛ ma yɔrɔ-a doo wa.

Zeremii 32:32

Izirayeli minin laanka Zudaa minin nə́ sii baraa gigiã zɛnaa, ǹ nə́ ma foo yoo ne: Ǹ kiin ni, ǹ kiãn nɛ, ǹ Lawa a wúlu-bɔlen ne, ǹ Lawa a boo gii-dalin ni, Zeruzalɛmu minin ni ka Zudaa minin ni.

Ezekieli 22:4

N mà mɛn kaa, ma nə́ n sii da n din mìi ni. N dìn mɛnɛn zɛnaa, ma n nə́ n din gɔgɔrɛ kɔ. Ma n nə́ n din a lɛawaa kunu kɔ, n gɛ̀ na á dɔ. Bɛ lɛ nɛ, ma á re toɛ tɔrɔ kɔsɔn nə sìi da n ganaa, gána kɔsɔn tumaa nə n da yaa lɛa.

Ezekieli 5:14

Man die Zeruzalɛmu kiwi lɛ bɔ̀n biɛ. Tɔrɔ kɔsɔn mɛnɛn bɛ́ a lɛnpɛnɛ, a yɛ á re sìi diɛ bɛn ganaa kun ka kiɛ̃ wolen kɛn tumaa nɛ.

Danayeli sɛ́wɔ 11:45

A kii baaǹ mɔnaa kionən kɛn, á re bɛn doɛ yìsi mu gole kɛ laanka gána siĩn lɛ a kele sonbore kɛ biin ni. Gɛ̀ n die dii walan, min ná a re yii a n dɔ lɛ wa.»

Danayeli sɛ́wɔ 9:20

Má goã Lawa nyankɔ la miɛ̃, má ń ma din a sii baraa laanka maa zaman, Izirayeli minin kɛn sii baraan pii n ni, má ń gòã-kũ diɛ maa Lawa, Dɛnaa Lawa ganaa, a din a kele sonbore kɛ a lɛa.

Zakarii 8:3

Dɛnaa Lawa bɛ́ boo mɛn pii á ke: «Man wusii die Siɔn, hiĩ, man wusii giɛ̃ Zeruzalɛmu. Ǹ tá re Zeruzalɛmu bíi "kiwi bɔlɔgoondɛnaa", Dɛnaa Lawa Pàãyiidɛnaa a kele ke, ǹ tá re bɛ bíi "Kele sonbore".»

Tesaloniki2 1:6

A giala, min mɛnɛn nə goã fuu nyɛɛ ka nɛ, Lawa á re fuu nyɛɛ ǹ dɔn man miɛ̃. Bɛ lɛ n pepere Lawa yɔrɔ-a.

Zaã1 1:9

Sɛnɛ, bɛ̀ wɔ á wɔa sii baraan pii Lawa nɛ, a din nə bɔlɔgoondɛnaa lɛa, a n pepere dɔn. Á re wɔa sii baraan toɛ wɔ nɛ, a wɔ yoreen kɔ sii baraa tumaa ganaa.

Samayeli1 2:7

Dɛnaa Lawa din ni min biɛ doobaa lɛa a din ni min dɔ biɛ pàãma lɛa. A din ni min kiɛɛrɛ koe a din dɔ n min siɛ lɔn.