Danayeli sɛ́wɔ 9:14 - LAWA A BOO SONBORE 2011

¹⁴ Bɛ lɛ nɛ, Dɛnaa Lawa, ń koa li miɛ̃, ń bɛa sii baraa kɛ lɛ da wɔ mìi ni. A giala, Dɛnaa Lawa, wɔa Lawa, n zɛnaa ǹ sii tumaa n pepere. Wɔ dinin man wɔ n too kɔ n lon wa.

Danayeli sɛ́wɔ 9:14 ပူးပေါင်းရင်းမြစ်များ

KZS2 12:6

Izirayeli kiãn laanka kii nə n dinin gisĩ, ǹ nə́ pɛ: «Sonbore a Dɛnaa Lawa lon!»

Ɛsidrasi 9:15

Izirayeli a Lawa, Dɛnaa Lawa, n tá pepere, a giala, pelo, wɔ n kanbaa sii ganaa wolen lɛa, wɔ́ la. Wɔ á ke n yɔrɔ-a ka wɔ zɛ̀rɛn nɛ, a da yaa, min kɔn ba boe la a goã n yɔrɔ-a ka bɛa yɔrɔ kɛ lɛ-n wa.

Nehemii 9:33

Sii mɛn tumaa wɔ yɛ, bɛ wɔ paǹ li, ń peperebaa ǹ sii zɛnaa, a giala, ń nə́ n din nyaa bɔlɔgoondɛnaa lɛa, sɛnɛ, wɔsɛn man wɔ́ baraabaa ǹ sii zɛnaa.

Loen 111:7

A nya ǹ dín lɛn man taãnɛ, ǹ nə́ pepere. A dí-pɛn kɛn kɔn ba n bɔyɛɛ wa.

Loen 116:5

Dɛnaa Lawa n makara doɛ̃ wole sonbore lɛa. Wɔa Lawa lɛ n makara boe min ganaa.

Loen 119:137

Dɛnaa Lawa, n tá pepere, n sii yɔrɔ bɔ ǹ boon lɛn dɔn man ka te.

Loen 51:14

Maa kirisibaa lɛ taman yii, n din wusoo n foo kɔɔ̃nbaa kɔ ma la, n din nə n dɔ ma lɛ n bɔlɔ si ǹ yiri kɔ ma la.

Bɔ bɛ̀rɛbaa nɛ 9:27

Faarahɔn minin dia lɛ diɛ Muizu laanka Aarɔn la, á pɛ ǹ nɛ: «Kanna kəni, má sii baraa zɛnaa. Dɛnaa Lawa din nə pepere. Ma laanka maa gána minin man zɛ̀rɛdɛnan lɛa.

Zeremii 12:1

Nsɛ Dɛnaa Lawa, n tá pepere. Sɛnɛ, man die kiri we kɔn ka n nɛ, man li ma boo da n nɛ peperebaa a paǹ li: A n siɛ lɔn min baraan sii á bǐɛ̃ koe kanaa, bɔlɔgoonbǎãdɛnan tá yii-nyɛɛ la? Bɛ n siɛ lɔn?

Zeremii 31:28

Má goã má yoo ǹ gialaa, má ǹ woɛ̃, má ǹ ziziɛ̃, má ǹ wuru, má bɔ̀n da ǹ ganaa. Sɛnɛ sisia, man die sii tumaa zɛnɛɛ ǹ nɛ, màn mɛn bɛ́ toɛ ma wusoo ma ǹ dɔ, ma ǹ zumu. Ma din Dɛnaa Lawa a da ǹ boo ne.

Zeremii 4:17

Ǹ nə́ Zeruzalɛmu lɛnpɛnɛ, ka wɔlɔ-lɛduə̃lin bɛ́ wuru lɛduĩ lɔn. A giala, a na á n gòãn dii masɛ ganaa. Dɛnaa Lawa a da ǹ boo ne

Zeremii 44:27

Man die n yii soe ǹ ganaa ǹ koe yɛ a lɛa. Zudaa minin mɛnɛn bɛ́ giã-n Ezipti gána nɛ, zia laanka bòo á re ǹ dii. Ǹ goon din ba re goɛ̃ wa.

Busii pɛ 1:5

A zɔ́ɔn nə́ boo la. A bɔ ma yii-n wolen foo nyɛɛ. Dɛnaa Lawa fuu da a mìi ni a sii baraa damatan kɛn lɛa. Min mɛnɛn nə́ boo ǹ la, ǹ nə́ ǹ nɛnyaanan kaa ǹ nyɛɛnɛ, bɛ̀rɛn lɛa, ǹ nə́ woe ǹ ne.

Ezekieli 16:43

A giala, n nə n taasɛ n lɛlɛ ǹ kɛ-n wa. Bɛ lɛ nɛ, n sii kɛ lɛ tumaa zɛnaa n masɛ foo yoo ne. Bɛ lɛ nɛ, má n zɛnaa ǹ sii kɛ lɛ a dɔlɔ da n din mìi ni. Ma din Dɛnaa Lawa a da ǹ boo ne. Táa ma nə n bɛa sii gɔgɔrɛ kɛ lɛ zɛnaa n da n zɛnaa ǹ sii bɔbɔnɛɛn kɛn lɛn la.

Danayeli sɛ́wɔ 4:34

Bɛ lɛ na á toa, masɛ Nebukadenezɔɔrɔ á lon a Kii lɛ tɔ boe sisia, ma na a tɔ siɛ lon, man gugurubaa diɛ a tɔ la. A giala, a nya ǹ dí tumaa n siĩni, a zɛnaa ǹ sii tumaa n pepere. Min mɛnɛn bɛ́ din gole kɔ ǹ sii zɛnɛɛ, pàã tá a lon a bɛn gisĩ.

Danayeli sɛ́wɔ 9:7

Dɛnaa, zɛ̀rɛ ba nsɛ-a wa. Wɔ dinin wɔ n ka sìi ni pelo: Zudaa minin wɔ n ka sìi ni, Zeruzalɛmu minin ni, Izirayeli minin tumaa, ǹ mɛnɛn wɔlɔ bɛ́ kunun, ka ǹ mɛnɛn wɔlɔ bɛ́ sɔsɔɔ. A giala, ǹ goã bɔlɔ tii siin mɛnɛn zɛnɛɛ n nɛ, bɛn lɛn man nə́ toa, ń nə́ ǹ loo, ń nə́ ǹ kaa gána kɔsɔn nɛ.