Danayeli sɛ́wɔ 9:12 - LAWA A BOO SONBORE 2011

¹² N boon mɛnɛn da wɔ dininmaan wɔ paǹ li ka goledɛnan mɛnɛn dɔn bɛ́ ǹ nə́ goã wɔ mìi la, ń bɛn sii zɛnaa ń ná a lɛ pã: n nə́ ń bɔ̀n gole da wɔ ganaa Zeruzalɛmu kiwi, ǹ miã kɔsɔ tɔn nə n zɛnaa bǎã kɔn nɛ kanaa kɛ-n wa.

Danayeli sɛ́wɔ 9:12 ပူးပေါင်းရင်းမြစ်များ

Kiin1 3:9

Bɛ lɛ nɛ, sii giala ma ǹ yiri kɔ n dí-nyali lɛ la, màn mɛn bɛ́ toɛ a nə n zaman lɛ a sii yɔrɔ bɔ nɛ, a sii baraa laanka sii bǐɛ̃ bɔkɔnlɛ dɔ̃. Bɛ bie wa, die n boe la a n zaman lɛ nyɛɛnaan bɔ, bɛa zaman didi kɛ lɛ?»

Kiin2 22:16

mà man die koe boe bǎã kɛ lɛ laanka a minin ganaa, sɛ́wɔ ke Zudaa gána a kii pɛ, a kɔnpɛ ka bɛa boon tumaa nɛ.

Zɔbu 12:17

A n màn-dɔ̃lin yiri penpelen diɛ, a kiri-wɔlen yiri lɔlɔkɔn.

Loen 148:11

Kanaa a gánadɛnan laanka tɔrɔn tumaa, kiin laanka kanaa a nyɛɛnaandɛnan tumaa nɛ, ka loe lɔ ka a tɔ bɔ nɛ.

Loen 2:10

Haya! Kiin lɛn, ka yiri yɛ kanna kəni. Kanaa a pàãdɛnan lɛn, ka toa ka doroo ma.

Suusun 8:16

Ma din barka nɛ, kiãn laanka min golen man nyɛɛnaan boe, kɔnlɛ ka min mɛn tumaa bɛ́ kiri kuri.

Izayii 43:28

Bɛ lɛ nɛ, má bǎã sonbore kɛa kiãn nɔɔ má ǹ kaa, má Zakɔba tɔrɔ lɛ wɔ a ziziɛ̃ wolen gɔn, má Izirayeli toa a sɔ kaa ma la wolen gɔn.

Izayii 44:26

Sɛnɛ, man toɛ maa dí-nyalin boon nə yɔrɔ yɛ. Maa dia dí-a wolen nə boo mɛn da, man toɛ bɛ yɔrɔ yɛ. Man kɛ pii Zeruzalɛmu a paǹ li: «Ǹ tá re wusii ǹ giã n nɛ doo.» Man kɛ pii Zudaa kiwin wɔ paǹ li: «Ǹ tá re wusii ǹ ka dɔ.» Hiĩ, ǹ tá re wusii ǹ kaa kɛbɔlɔn dɔ doo.

Zeremii 30:7

Koe n ka kɛ nɛ! Lɛawaa baraa nɛ! A kɔnbɔ ka lɛawaa kɔn nɛ wa! Zakɔba tɔrɔn foo ziziɛ̃ lɛawaa nɛ, sɛnɛ, ǹ tá re kanbiɛ.»

Zeremii 32:23

Ǹ nə́ wɔ a nɛ, ǹ nə́ si ǹ nə́ baa ǹ wɔ lɛa. Sɛnɛ, ǹ nə n too kɔ n lon wa, ǹ kɔ n daraan lɛ wa, ǹ kɔ n dí-pɛn lɛ wa. Bɛ lɛ nɛ pelo, koe kɛ tumaa á boe ǹ ganaa.

Zeremii 39:16

«Wo pɛ Etiopii min Ebɛdi-Melɛki ni mà Dɛnaa Lawa Pàãyiidɛnaa Izirayeli a Lawa n kɛ pii: Ma bie má goã má bǐɛ̃ boo da Zeruzalɛmu minin man wa, sɛnɛ koe ne. Taãn nɛ, ma boo mɛn da, a n die yɔrɔ yii. Kànaa ka boɛɛn, n tá re yii.

Zeremii 44:23

Koe na á ka yɛ bɛ lɛ taman yii: Ka n ka da yon gìĩ kɔɔ̃n tã dì soreen wɔ lɛa, ka sii baraa zɛnaa ka wɔ Dɛnaa Lawa lon ne. Ka n too kɔ a lon wa, ka n too kɔ a daraan li wa, a dí-pɛn nɛ ka a doroon ne ka min tumaa yii bɛ́ a ganaa lɔn pelo.»

Busii pɛ 1:12

Ka ga! Kasɛn mɛnɛn tumaa bɛ́ kiɛ̃ zii la, ka koe ke yɛ wa? Ka ga! Koe tan á dɔ masɛ wɔ kɛ li Dɛnaa Lawa da ma mìi ni a foo-yoo baraa kɛa pinaa?

Busii pɛ 2:13

Man die pii n ni máa lɔn Zeruzalɛmu? Man die n zoɛ̃ kɔn ka die ne? Siɔn kiwi doobaanɛ, man die sii a kɔnboe yii maa ma nyaa n nɛ n foo tɔn waa? N koe lɛ a golebaa n ka yìsi mu bɛ́ lɔn. Die n boe la a n kaka kɔ?

Busii pɛ 2:17

Dɛnaa Lawa golee sii mɛn li, a na á bɛ zɛnaa. A boo mɛn da a biikoo ná a kànaa wa, a na á toa bɛ yɔrɔ yɛ. Á basaã kɔ, a makara bɔ wa. Á n zɔ́ɔn foo kɔɔ̃n kɔ, ka n bɔ̀n da ma-a kɛ nɛ. Á màn da ǹ pàã li.

Busii pɛ 4:6

Maa zaman lɛ a sii baraa gole kɔ á la Sodɔmu kiwi kɛ wɔ nɛ. A na á n yu bǎã goon, min kɔn boo la á sii kɔn zɛnaa wa.

Ezekieli 13:6

Sii-nyaa kooron manɛ ǹ tá yii, maǹ nə n gɔn noɛ̃: «Dɛnaa Lawa a da ǹ boo ne.» A da yaa, masɛ Dɛnaa Lawa nə ǹ dia wa. Maǹ nə n yii diɛ kəni, mà masɛ sii lɛ zɛnaa a kɔnpɛ ka ǹ da ǹ boo ne.

Ezekieli 5:9

Ǹ zɛnaa ǹ siin lɛn nə́ bɔbɔnɛɛ kɔ á la yii ni. Bɛ lɛ taman yii, ma bɛ́ re sii mɛn zɛnɛɛ ka nɛ, ma bin nə ǹ miã zɛnaa duduu wa, ma ba re ǹ miã dɔ din zɛnɛɛ doo duduu wa.

Danayeli sɛ́wɔ 12:1

Lon a dia dí-a wole lɛ wusoo á pɛ kɛnɛn: Bɛa biikoo li, Mikayeli á re yui, lon a dia dí-a wolen goledɛnaa lɛ á re yui, a din nə die n doe n tɔrɔn lɛn lɛ. Bɛa biikoo lɛ n die goɛ̃ nɔmaa gole biikoo lɛa, nɔmaa mɛn miã bɛ́ a tɔn yɛ wa, a saa tɔrɔn tá kanaa biikoo ganaa, a da dɔ bɛa biikoo lɛ ganaa. Bɛa biikoo li, n zaman lɛ á re kirisibiɛ, min mɛnɛn tumaa tɔ bɛ́ kiɛ̃-n sɛ́wɔ kɛ nɛ, bɛn tá re kirisibiɛ.

Zowɛli 2:2

A pinaa n die wɔlɔ tì biribiri biɛ, min yii a die wɔlɔ yii wa. A n die goɛ̃ wɔlɔ tì lɛa. Á ke tɔrɔ kɔsɔn nə́ kɔn paã ǹ nə́ die. Ka tèlò bɛ́ lɔn, maǹ gigiã, kakaarɛ, ka bisin bɛ́ lɔn. Kɛ miã bin tɔn nə n zɛnaa wa, ǹ miã dɔ din ba re n zɛnɛɛ doo wa.

Amɔɔsi 3:2

Kanaa a tɔrɔn tumaa bii, man má ka dininsɔɔ̃nɔn lɛn bɔ. Bɛ lɛ nɛ, ka sii baraa mɛn tumaa zɛnaa, ma á re a dɔlɔ boe ka ganaa.

Zakarii 1:6

A da yaa ma boo laanka gɔn waan mɛnɛn kɔ maa dí-nyalin, Lawa a boo gii-dalin la, máa ǹ pɛ ǹ nɛ, á dɔ ǹ li ǹ nə́ golee li. Ǹ nə́ ǹ giã ǹ gɔn bɔyaa, ǹ nə́ pɛ: Dɛnaa Lawa Pàãyiidɛnaa na á golee li mà a n die wɔ kuĩ wɔa giã ǹ gɔn li ka wɔa sii zɛnaan nɛ. A na á bɛ lɛ zɛnaa.»

Zakarii 1:8

«Bɛa tèlò lɛ nɛ, má giĩ goon yɛ á dii sùi tã la. A n golee-n dan bii ni, ǹ luu n tì, nyankɔrɔ basa nɛ. Sùi kɔsɔn man a kio: A tãtãn nɛ, a pupurun ni, ka a fufun ni.»

Zakarii 7:12

Ǹ nə́ n foo kaka kɔ ka kɔlɔ bɛ́ lɔn. Ǹ nə́ n piã ka Dɛnaa Lawa Pàãyiidɛnaa a dí-pɛ laanka a boon ne, a ǹ mɛnɛn kɔ a lɛlɛ a Lawa a boo gii-dali la a din yiri barka nɛ. Bɛ lɛ nɛ, Dɛnaa Lawa Pàãyiidɛnaa foo yoo parsiini

Matiə 24:21

A giala, bɛa biikoo lɛ a nɔmaa lɛ á die gole koe parsiini, a kũ kanaa diɛ biikoo ganaa a da pelo ǹ yaa, min tɔn nə ǹ miã yɛ ka a yii-n wa, min ba re ǹ miã kɔsɔ yii ka a yii-n doo duduu wa.

Matiə 5:18

Man pii ka nɛ, sonbore, bɛ̀ lon laanka tán nə papaã duduu wa, landa sɛ́wɔ gɔ́ɔ̃gɔ́ɔ̃ ǹ dí-pɛn kɛn mɛn din bɛ́ ka a diɛ sii li wa, ǹ ba sàabiɛ wa, a boo kɔ́n dɔ a sàabiɛ wa, yǎa a tumaa lɛ piɛ̃.

Marki 13:19

A giala bɛa pinaa, nɔmaa lɛ á die gole koe parsiini, a kũ Lawa a kanaa zɛnaa biikoo ganaa a da pelo ǹ yaa, min tɔn nə ǹ miã yɛ ka a yii-n wa, min ba re ǹ miã kɔsɔ yii ka a yii-n doo duduu wa.

Luku 21:22

A giala, bɛa biikoo lɛ n die goɛ̃ Lawa a gɛ̀ dòo bɔ ǹ lɛawaan lɛa. Màn mɛn tumaa nə n kiɛ̃ sɛ́wɔ nɛ, bɛ doamaa nɛ a n zɛnaa bɛa lɛawaan kɛn lɛn nɛ.

Rɔmu minin 15:8

Man bɛ lɛ pii ka nɛ, máa Krita na á daa Zuifun lɛa, á nyaa mà Lawa n bɔlɔgoondɛnaa lɛa. Lawa bɛ́ a n lɛ kɔ Zuifun digolon la ka siin mɛnɛn nɛ, a na á bɛn zɛnaa á ǹ lɛ pã, ka Krita lɛ barka nɛ.