Danayeli sɛ́wɔ 9:11 - LAWA A BOO SONBORE 2011

¹¹ Izirayeli minin tumaa nə́ n dí-pɛ lɛ da ǹ kio. Ǹ nə́ kanaa, ǹ nə n too kɔ n lon wa. Bɛ lɛ nɛ, bɔ̀n da ǹ siin laanka lɛn baraa bíi mɛn boo bɛ́ kiɛ̃-n Lawa a dí-nyali Muizu a dí-pɛn sɛ́wɔ kɛ nɛ, bɛn nə́ daa kaa wɔ la, a giala, wɔ n wɔ́ sii baraa zɛnaa n nɛ Lawa.

Danayeli sɛ́wɔ 9:11 ပူးပေါင်းရင်းမြစ်များ

Kiin2 18:12

A giala Izirayeli minin lɛn man nə n too kɔ ǹ Lawa, Dɛnaa Lawa lɛ lon wa. Ka bɛ dɔ nɛ, ǹ ná a lɛ kɔ kɔn la lɛ ziziɛ̃. Dɛnaa Lawa a dí-nyali Muizu goã á màn mɛn yii pɛ, ǹ nə n too kɔ bɛ-a wa, ǹ kɔ lɛ dɔn wa.

Kiin2 22:16

mà man die koe boe bǎã kɛ lɛ laanka a minin ganaa, sɛ́wɔ ke Zudaa gána a kii pɛ, a kɔnpɛ ka bɛa boon tumaa nɛ.

Izayii 1:3

Dii tá a dɛnaa doɛ̃, dundun na a màn-bii ǹ goo doɛ̃, ǹ dɛnaa bɛ́ màn-bii koe la ǹ mɛn lɛ nɛ. Sɛnɛ, Izirayeli sɛ a màn kɔ́n doɛ̃ wa, maa zaman kɛ a màn kɔ́n giala miɛ wa.»

Izayii 43:28

Bɛ lɛ nɛ, má bǎã sonbore kɛa kiãn nɔɔ má ǹ kaa, má Zakɔba tɔrɔ lɛ wɔ a ziziɛ̃ wolen gɔn, má Izirayeli toa a sɔ kaa ma la wolen gɔn.

Zeremii 16:11

N die n nə ǹ lɛ si kɛnɛn: – Dɛnaa Lawa a da ǹ boo á ke: «A giala, ka digolon man nə́ n la bɔ ma ganaa, ǹ nə́ kɔ lawa kɔsɔn lɛ, ǹ nə́ ǹ guguru kɔ, ǹ nə́ kaa tán-a ǹ yɔrɔ-a. Ǹ nə́ n la bɔ masɛ ganaa, ǹ maa dí-pɛn kɛn tamaa wa.

Zeremii 2:29

Wàa na á baa kəni ka á kiri we ma ganaa? Ka dinin tumaa nə n gòãn dii ma ganaa. Dɛnaa Lawa a da ǹ boo ne

Zeremii 30:14

N sanan tumaa yiri bɔ n nɛ. Ǹ laadoo ba n ganaa doo wa. Zeruzalɛmu, má n dɛ ka zɔ́ɔ bɛ́ lɔn, má dɔlɔ baraa bɔ n ganaa, n sã gole kɛ laanka n sii baraa damata kɛa lɛa.

Zeremii 32:23

Ǹ nə́ wɔ a nɛ, ǹ nə́ si ǹ nə́ baa ǹ wɔ lɛa. Sɛnɛ, ǹ nə n too kɔ n lon wa, ǹ kɔ n daraan lɛ wa, ǹ kɔ n dí-pɛn lɛ wa. Bɛ lɛ nɛ pelo, koe kɛ tumaa á boe ǹ ganaa.

Zeremii 40:3

á toa á n zɛnaa dɔn sonbore. A boo mɛn da, bɛ yɔrɔ yɛ. A giala, ka n too kɔ Dɛnaa Lawa lon wa. Zɛ̀rɛ n ka ganaa bɛa paǹ li. Bɛ lɛ nɛ sii kɛ tumaa ka yɛ.

Zeremii 44:22

Sɛnɛ, Dɛnaa Lawa boo la á kaa giã ǹ gɔn babaraan laanka kaa sii bɔbɔnɛɛn kɛn si a din ganaa wa. Bɛ lɛ nɛ kaa gána lɛ kɛbɔlɔ baa, bǎã bɔbɔnɛɛ lɛa, min goon din ná a ba a-n wa. A n sii a kɔnboe lɛa lɛn baraa bíi a paǹ li ka min tumaa yii bɛa ganaa lɔn pelo.

Zeremii 44:23

Koe na á ka yɛ bɛ lɛ taman yii: Ka n ka da yon gìĩ kɔɔ̃n tã dì soreen wɔ lɛa, ka sii baraa zɛnaa ka wɔ Dɛnaa Lawa lon ne. Ka n too kɔ a lon wa, ka n too kɔ a daraan li wa, a dí-pɛn nɛ ka a doroon ne ka min tumaa yii bɛ́ a ganaa lɔn pelo.»

Zeremii 6:19

Ka n too kɔ kanaa tumaa a tɔrɔn: Man die koe boe minin kɛn ganaa. Ǹ dí mɛn lɛ bɔ, bɛ lɛ a binyəə ne. Ma boo mɛn da ǹ nɛ, ǹ yiri bɔ bɛ li wa. Ǹ nə́ n piã ka maa dí-pɛn nɛ.

Danayeli sɛ́wɔ 9:13

Bɛa sii babaraa kɛ lɛ tumaa na á wɔ yɛ ka a bɛ́ kiɛ̃-n Muizu a landa sɛ́wɔ-n lɔn. A giala Dɛnaa Lawa, wɔa Lawa, wɔ gòã-kũ da n ganaa wa. Wɔ wusoo wɔ́ n bɔ wɔa sii baraan kio wa, n sonbore mɛn pɛ, wɔ tɔ wɔ á kɔnpɛ ka bɛ-n wa.

Danayeli sɛ́wɔ 9:5

Wɔ́ sii baraa zɛnaa, wɔ́ kɔkɔrɔbaa ǹ sii zɛnaa. Wɔ́ baraabaa zɛnaa, wɔ́ n gòãn dii Lawa ganaa, wɔ́ kanaa wɔ́ n bɔ n dí pɛ ǹ boon laanka n sii yɔrɔ bɔ ǹ boon kɛn kio.

Zakarii 1:6

A da yaa ma boo laanka gɔn waan mɛnɛn kɔ maa dí-nyalin, Lawa a boo gii-dalin la, máa ǹ pɛ ǹ nɛ, á dɔ ǹ li ǹ nə́ golee li. Ǹ nə́ ǹ giã ǹ gɔn bɔyaa, ǹ nə́ pɛ: Dɛnaa Lawa Pàãyiidɛnaa na á golee li mà a n die wɔ kuĩ wɔa giã ǹ gɔn li ka wɔa sii zɛnaan nɛ. A na á bɛ lɛ zɛnaa.»

Zakarii 7:12

Ǹ nə́ n foo kaka kɔ ka kɔlɔ bɛ́ lɔn. Ǹ nə́ n piã ka Dɛnaa Lawa Pàãyiidɛnaa a dí-pɛ laanka a boon ne, a ǹ mɛnɛn kɔ a lɛlɛ a Lawa a boo gii-dali la a din yiri barka nɛ. Bɛ lɛ nɛ, Dɛnaa Lawa Pàãyiidɛnaa foo yoo parsiini

Zakarii 8:13

Zudaa laanka Izirayeli zaman, ka bɛ́ ka goã sii a kɔnboe lɛa, liɛ baraa we a paǹ li tɔrɔn bii, kanna kəni, man die ka kirisibiɛ ma barka da ka ganaa. Nyɛ́ɛ nyan ka kũ doo wa, ka n foo taã!

Timəə dí-pɛn 8:20

Bɛ̀ ka kaa Lawa, Dɛnaa Lawa lɛ si wa, ka á re papaɛ̃ ka tɔrɔ kɔsɔn kɛn bɛ́ lɔn, Dɛnaa Lawa nə́ ǹ papaɛ̃ ǹ boe ka nyɛɛnɛ.