Danayeli sɛ́wɔ 8:9 - LAWA A BOO SONBORE 2011

⁹ Bɛn kɔsɔ bɔ bɛn boɛɛn lɛ ganaa, á daa á gole kɔ taãn-taãnɛ. Á ná a pàã yɔrɔ dia gusin a lɛ̀gɔn la, lɛ̀giala laanka gána siĩn-siĩn kɛ la.

Danayeli sɛ́wɔ 8:9 ပူးပေါင်းရင်းမြစ်များ

Loen 105:24

Lawa ná a zaman lɛ mɔnaa parsiini, á pàã kɔ ǹ la, á la ǹ zɔ́ɔ Ezipti minin kɛn wɔ nɛ.

Loen 48:2

Dɛnaa Lawa á gole, gugurukɔ tumaa na a din wɔ lɛa, wɔa Lawa a kiwi kɛ nɛ, a kele sonbore kɛ la.

Zeremii 3:19

Man má goã pii: Man zoɛ̃ li ma n baa maa nɛnyaanan kɛn goon lɛa. Man zoɛ̃ li ma gána sonbore kɔ n la, a n liɛ nɛ kanaa a bǎã sonbore tumaa nɛ. Man má goã pii máa n tá re ma bíi: "Maa díi", n nə n ba n dɔ̀ɔ̃ we ma-n doo wa.

Ezekieli 20:15

Má wusoo má n liɛ ǹ nɛ diə gole lɛ-n doo má pɛ ǹ nɛ máa ma goã má gána mɛn lɛ kɔ ǹ la, bɔ̀nyaa laanka zoo nyɔɔ bɛ́ baa sii gána mɛn nɛ, siĩni á la gánan tumaa nɛ, máa ma a re we ǹ ne walan doo wa.

Ezekieli 20:6

Bɛa pinaa kɛ lɛ nɛ, má n liɛ má pɛ, máa ma á re ka wɛɛ ma ka bɔ Ezipti gána nɛ, ma gána mɛn yɔrɔ bɔ ma koa ka nɛ, ma wo ka-n walan. Bɛa gána lɛ á siĩni, á la gánan tumaa nɛ. Bɔ̀nyaa laanka zoo nyɔɔ bɛ́ baa sii gána mɛn nɛ.

Danayeli sɛ́wɔ 11:16

Min mɛn bɛ́ re die gusin a lɛ̀gɔn la dɛnan lɛn gialaa, bɛ á re n din foo sii zɛnɛɛ, min kɔn ná a re yii a golee a nyɛɛn wa. A n die golee gána siĩn kɛ nɛ, a bɔ̀n da a ganaa.

Danayeli sɛ́wɔ 11:21

Min gɛsɛ goon tá re giɛ̃ a bǎã nɛ, min dɔ ná a bie á kiibaa lɛ kɔ la wa. A n die die là nyantoro biikoo li, a n paraa kiibaa lɛ ganaa, ka min bebele ǹ boon ne.

Danayeli sɛ́wɔ 7:8

Ma bɛ́ giɛ a bɛnɛn lɛn ganaa, má yɛ bɛ̀ bɛn boɛɛn goon nə́ ke á bɔ ǹ bii, á bɛn bibinaan kɛn màn sɔɔ woɛ̃. Yii nànan man nə́ goã bɛa bɛn boɛɛn lɛ ganaa ka minbuiin nɛ yii nànan bɛ́ lɔn. Lɛ dɔ́ goã a ganaa, á goã din gole kɔ ǹ boon didiɛ nɛ.

Zakarii 7:14

Má ǹ sasawaa tɔrɔn bii, ǹ bɛ́ ǹ ba ǹ mɛnɛn dinin doɛ̃ wa. Ǹ goa lɛ kio, ǹ gána lɛ yu. Min kɔn ba woe walan wa, min kɔn dɔ a boe a-n wa. Bɛa gána kɔɔ̃n-kɔɔ̃n kɛ lɛ, ǹ nə́ bɔyaa ǹ nə́ baa kɛbɔlɔ lɛa.»