Danayeli sɛ́wɔ 8:8 - LAWA A BOO SONBORE 2011

⁸ Butuu lɛ pàã daa á gole kɔ taãn-taãnɛ. Sɛnɛ, pàã bɛ́ a lon ǹ mɛn waáraa taãn-taãnɛ, bɛn gole lɛ yiɛ. Bɛn sɔsɔrɔ gegere màn sii bɔ a bǎã nɛ, ǹ gogoonmaa yɔrɔ n dia-n kanaa a lɛ̀ gùrù sii kɛ gogoon la.

Danayeli sɛ́wɔ 8:8 ပူးပေါင်းရင်းမြစ်များ

KZS2 26:16

Sɛnɛ, a pàã taman yii, a nə́ n din gole kɔ, bɛ́ tɔn daa ka a mɛnaa nɛ. Á bɔlɔgoonbaãdɛnaa baa Dɛnaa Lawa, a Lawa nɛ. Ǹ kɔn pinaa, á wɔ Lawa a kion mà asɛ n màn gìĩ kɔɔ̃n tiɛ̃ màn gìĩ kɔɔ̃n tã ǹ bǎã kɛ nɛ.

Ɛsit 9:4

Sonbore, Mardoose lɛ goã gole kii a piɛ lɛ nɛ, a tɔ bɔ gána lɛ a bǎãn tumaa nɛ. Màn na á goã miɛ a pàã li woe.

Zeremii 49:36

Man die piɛ̃ sii diɛ Elamu la, boe kanaa gùrù sii tumaa ganaa. Man die Elamu minin lui bǎã tumaa nɛ, ǹ gùli-kɔlin tá re yii gána tumaa nɛ.

Zeremii 5:27

Bàanan kion bɛ́ piɛ̃ lɔn ka bàanan nɛ, ǹ dɔn kionən piɛ̃maa-n ka mànan nɛ, mɛnaa ma la ǹ mànan lɛa. Bɛ lɛ nɛ, ǹ nə́ yii gugurubaa yɛ, ǹ nə́ pàãman baa.

Ezekieli 16:7

Ma din nə má n da gole kɔ ganaa, ka da ten bɛ́ lɔn. N gole kɔ n woo lon, n siĩn kɔ n la yii ni. N nyɔn nə́ bɔ, ka pã n ganaa. Sɛnɛ, mɔnaa goã n ganaa wa, n gɔ̀nɔn kooro na á goã nɛ.

Ezekieli 28:9

Min mɛn lɛ bɛ́ re n dii, n yii a we n pɛ mà nsɛ n Lawa lɛa? N nə n minbuiin nɛ lɛa, n bie Lawa lɛa min kɛ lɛ gɔn die n foɛ̃ wa.

Danayeli sɛ́wɔ 11:4

Sɛnɛ, bɛ̀ a pàã lɛ gòãn nə́ wɔ tán taãn-taãnɛ ǹ mɛn waáraa, a gána lɛ á re ziziɛ̃, a n talakɔn kanaa a lɛ̀ gùrù sii kɛ bii. A gána lɛ a re doe a tɔrɔn ganaa wa, a goã pàã mɛn dɔ zɛnɛɛ, ǹ ba re bɛ dɔ yii wa. Kiibaa lɛ n die n sii la, a n kɔ min kɔsɔn la, sɛnɛ, bɛn pàã na a re doe a wɔ kɛ li wa.

Danayeli sɛ́wɔ 4:31

Nebukadenezɔɔrɔ pɛ kɛnɛn: – Lɛ̀ sɔbaa lɛ lɛ bɛ́ á pã, masɛ Nebukadenezɔɔrɔ nə́ n yii saa má dia lon ǹ kɔn pinaa, minbuiinin taasiɛ wusoo á wɔ ma nɛ. Lawa mɛn bɛ́ lon sɔsɔɔ, a yii n koo yǎa duduu, má barka da bɛ nɛ. Má a tɔ bɔ, má a guguru kɔ: A giala, a goledɛnaabaa lɛ a nyɛɛ wa, a kiibaa kɛ na a tan yǎa duduu.

Danayeli sɛ́wɔ 5:20

Sɛnɛ, n di lɛ bɛ́ á piɛ̃ dɔ a din ni, á n too kaka kɔ yǎa á woo kaa din-koa lɛ, ǹ nə́ bɔ ǹ nə́ bɔ a kiibaa la, ǹ ná a gugurubaa kɛ si la.

Danayeli sɛ́wɔ 7:2

á pɛ: – Ma siin mɛnɛn yɛ maa narɛɛ lɛ gɔ́ɔ̃-n tèlò-n, bɛn man ka kɛn nɛ: piɛ̃ gole na á yoo kanaa a lɛ̀ gùrù sii kɛ tumaa ganaa, á n yìsi mu panapana kɛ gialaa.

Danayeli sɛ́wɔ 7:6

Ma bɛ́ giɛ, bɛ̀ goon dɔ á ke ka goe bɛ́ lɔn, bàan nyàan ná a dɔ̀ɔ̃ nɛ, màn sii. Tɔɔ lɛ mìi na á goã sii, goledɛnaabaa nə́ n kɔ la.

Danayeli sɛ́wɔ 8:22

A bɛn lɛ bɛ́ á yiɛ, màn sii kɔsɔ na á bɔ a bǎã nɛ. Bɛn man kii màn sii lɛa, die yui ǹ kii baa bibinaa kɛ lɛ bǎã nɛ, sɛnɛ, ǹ pàã na a re doe a wɔ li wa.

Danayeli sɛ́wɔ 8:5

Ma bɛ́ a gialaa n taasɛ bɛa sii lɛ ganaa, bɛ̀ butumu goon nə́ ke á n toa lɛ̀nyɛɛn li á die. A na á goã n bibiĩ kanaa paǹ tumaa nɛ, sɛnɛ, a gòã dɔ din goã miɛ tán la wa. Bɛn sasa gegere goon na á goã bɛa butumu lɛ baãbii.

Danayeli sɛ́wɔ 8:7

Má yɛ á woo á dɔ sère gɔ̀lɔ̀ lɛ li, á n tele li ka a foo ne. Á sère gɔ̀lɔ̀ lɛ dɛ á ná a bɛn màn paa lɛ yiɛ, sère gɔ̀lɔ̀ lɛ boo la á golee a nyɛɛn wa. Á dɛ á da tán, á tuturu tán, min kɔn yɛ á sère gɔ̀lɔ̀ lɛ kũ á si la wa.

Matiə 24:31

Masɛ á die maa lon a dia dí-a wolen diɛ, bɛn gole wuu li, kanaa gùrù sii din tumaa ganaa, ǹ maa yii gɔgɔɔ̃ wolen lɛn lɛ sɔkɔn a saa kanaa lɛkoro goon ganaa, a wo a lɛkoro kɔsɔ yaa.

Marki 13:27

Á die lon a dia dí-a wolen diɛ kanaa gùrù sii din tumaa ganaa, ǹ Lawa a yii gɔgɔɔ̃ wolen lɛn lɛ sɔkɔn-a, a saa kanaa lɛkoro goon ganaa a wo a lɛkoro kɔsɔ yaa.

Timəə dí-pɛn 31:20

Sonbore, gána mɛn lɛ á ke bɔ̀nyaa laanka zoo nyɔɔ n baa sii a nɛ, man die woe ka zaman kɛ lɛ-n walan. Ma din ni má n lɛ kɔ ǹ digolon la, ka bɛa bǎã lɛ a sii ni. Ǹ tá re màn bii walan ǹ kã, ǹ kasã, sɛnɛ, maǹ die n bɔyɛɛ ǹ lawa kɔsɔn guguru kɔ. Maǹ die dí nyɛɛ bɛn lɛn manɛ, ǹ masɛ din puusə kɔ, ǹ maa lɛ kɔ kɔn la kɛ ziziɛ̃.

Sii-nyaan 7:1

Bɛ kio, má lon a dia dí-a wole màn sii yɛ golee-n tán gùrù sii kɛ ganaa. Ǹ nə́ tán a piɛ̃ màn sii kɛ kũ ǹ nə́ golee ne, ń giɛ piɛ̃ nyan bɔ tán la wa, a nyan bɔ yìsi mu gole la wa, a nyan kaa da kɔ́n ganaa wa.