Danayeli sɛ́wɔ 8:4 - LAWA A BOO SONBORE 2011

⁴ Má sère gɔ̀lɔ̀ lɛ yɛ zia biɛ lɛ̀nyɛɛn ganaa, gɔsɛ a lɛ̀gɔn la nɛ ka gusin a lɛ̀gɔn la nɛ. Tɔɔ kɔn goã boe la á n golee a nyɛɛn wa, la n bǎã ba min kɔn lon wa. A na á goã sii zɛnɛɛ a din dùũ li miɛ̃, màn nə́ miɛ̃ a pàã li woe.

Danayeli sɛ́wɔ 8:4 ပူးပေါင်းရင်းမြစ်များ

Kiin1 22:11

Kenaanaa a nɛgiĩ Sedekiasi sɛ na á goã á màn bɛnɛn zɛnaa ka fɔlɔ nɛ, á pɛ Akaabu ni mà Dɛnaa Lawa n kɛ pii: «Akaabu tá re Siirii minin lɛn dii ka màn bɛnɛn kɛn nɛ a ǹ nya lenlen.»

Zɔbu 10:7

N din dɔ n doɛ̃, mà ma sii la wa, min kɔn dɔ din ba re yii, a ma si n la wa.

Loen 44:5

Maa Lawa, n din nə maa kii lɛa, n din die n nə n minin lɛn gɔ̀lɔ̀baa sii yɔrɔ bɔ.

Loen 50:22

Kasɛn mɛnɛn yiri bɛ́ boe ka Lawa nɛ, ka toa ka bɛ giala ma. Bɛ bie wa, man die ka kuĩ, ma ka wɔwoɛ̃ kɔn, min dɔ ná a die yii a ka si wa.

Loen 7:2

Dɛnaa Lawa, maa Lawa, man kiɛ n din yele. Min mɛnɛn bɛ́ fuu nyɛɛ ma nɛ, ma kanbaa ǹ ganaa, n ma si ǹ la.

Ezekieli 34:21

A giala, tɔɔn lɛn mɛnɛn tumaa bɛ́ ǹ ba lon wa, ká bɛn nyanaa ka ka wàã nɛ, ká n nyàakoo da ǹ li, ká ǹ dɛ ka ka bɛnɛn nɛ, yǎa ká ǹ sasawaa ká ǹ bɔ tɔɔn màn bii ǹ bǎã kɛ nɛ.

Danayeli sɛ́wɔ 11:16

Min mɛn bɛ́ re die gusin a lɛ̀gɔn la dɛnan lɛn gialaa, bɛ á re n din foo sii zɛnɛɛ, min kɔn ná a re yii a golee a nyɛɛn wa. A n die golee gána siĩn kɛ nɛ, a bɔ̀n da a ganaa.

Danayeli sɛ́wɔ 11:36

Sii mɛn bɛ́ kɔɔ̃n kii lɛ ganaa, a n die bɛ zɛnɛɛ. A n die n din gole koe, a n din soɛ kɔ lawan tumaa nɛ. Boo mɛn din doamaa bie ka diɛ-n wa, á re bɛ diɛ lawan Lawa kɛ ganaa. Á re giala yii a gɔn. Sɛnɛ, Lawa foo bɛ́ re yui ǹ mɛn pinaa, a boo mɛn da, a n die bɛa sii zɛnɛɛ.

Danayeli sɛ́wɔ 5:19

A golebaa mɛn lɛ kɔ la, bɛ lɛ na á toa, tɔrɔn tumaa laanka gánan tumaa a minin gɔ̀nɔn nə́ goã bìn diɛ a nyɛɛnɛ, ka bɔlɔ tumaa a pɛlen ne. Bɛ̀ a tá li a min mɛn dɛ, a n bɛ dii, bɛ̀ a tá li a min mɛn yii toa koo, a n bɛ yii toɛ koo. Bɛ̀ a tá li a min mɛn saa lon, a n bɛ siɛ lon, bɛ̀ a tá li a min mɛn gisĩ, a n bɛ gisĩ.

Danayeli sɛ́wɔ 5:30

Sɛnɛ, a din tèlò lɛ nɛ, ǹ nə́ Baabilonii gána a kii Bɛltazaara dɛ.

Danayeli sɛ́wɔ 7:5

Bɛ kio, bɛ̀ tɔɔ lɛ a paabaa ǹ wɔ á ke ka gòon màn gole kɔn bɛ́ lɔn. Á yoo á golee a wàã goon la, ka garasa we sɔɔ ná a lɛ-n, a sɔn nə́ ǹ ganaa. Ǹ nə́ tɔ́n pɛ nɛ, mà a yoo a golee lon duduu, a siĩ gigiã sɔ̃.

Danayeli sɛ́wɔ 8:7

Má yɛ á woo á dɔ sère gɔ̀lɔ̀ lɛ li, á n tele li ka a foo ne. Á sère gɔ̀lɔ̀ lɛ dɛ á ná a bɛn màn paa lɛ yiɛ, sère gɔ̀lɔ̀ lɛ boo la á golee a nyɛɛn wa. Á dɛ á da tán, á tuturu tán, min kɔn yɛ á sère gɔ̀lɔ̀ lɛ kũ á si la wa.

Misee 5:8

N gɔn saa n baa zɔ́ɔbaa wolen lɛn li miɛ̃, toa n zɔ́ɔn lɛn tumaa papaã.

Timəə dí-pɛn 33:17

Zozɛfu nyàa á lon! A n kaka ka dii gɔ̀lɔ̀ bɛ́ lɔn, ka lɛlɛ a don a zù kɛ bɛ́ lɔn. Á bɛn gegere màn paa bɔ, goon nə ka Efrayimu tɔrɔ gigiã kɛ nɛ, goon nə ka Manaasee tɔrɔ duu damata kɛ nɛ. A n tɔrɔn dii ka a bɛnɛn lɛn nɛ, a ǹ loo a wo ǹ koa kanaa lɛ dan ganaa.»