Danayeli sɛ́wɔ 8:3 - LAWA A BOO SONBORE 2011

³ Má n yii saa má ga, bɛ̀ sère gɔ̀lɔ̀ goon nə́ ke golee-n tà lɛ lɛ-a. A bɛnɛn man nə́ goã sɔsɔrɔ màn paa, goon nə́ sasa á la ǹ miã nɛ. Sɛnɛ ǹ mɛn lɛ bɛ́ sasa, bɛ lɛ din na á bɔ nyɔɔbaa.

Danayeli sɛ́wɔ 8:3 ပူးပေါင်းရင်းမြစ်များ

KZS1 21:16

Davida nə́ n yii saa lon, á Dɛnaa Lawa a lon a dia dí-a wole lɛ yɛ golee ne lon laanka tán bii ni, a gɔya sa kooromaa nɛ a gɔn, á bɔyaa á dia Zeruzalɛmu la. Davida laanka min golen nə́ tɔ́n kaa tán ǹ lɛ la, boro n koe ne ǹ lɛ.

Ɛsidrasi 1:2

mà Pɛrsi gána a kii Siirusu mà kɛnɛn: «Lon a Lawa, Dɛnaa Lawa lɛ kanaa gánan tumaa kɔ ma la. A dinmaa na á dí kɔ ma la, mà ma kion dɔ a wɔ lɛa Zeruzalɛmu, Zudaa gána nɛ.

Ɛsidrasi 4:5

Ka bɛ dɔ nɛ, ǹ nə́ yiri kɔ minin la wolen lɛ pii, ǹ nə́ ǹ kaa Zudaa tɔrɔn lɛn ganaa, màn mɛn bɛ́ toɛ, ǹ nə ǹ dí lɛ ziziɛ̃. Bɛ na á goã miɛ̃ Pɛrsi gána a kii Siirusu a biikoo tumaa gɔ́ɔ̃ nɛ, á daa dɔ Pɛrsi gána a kii Dariusu a kiibaa biikoo ganaa.

Izayii 13:17

«Á ke, Mɛdi gána minin kɛn, ǹ laadoo ná a sana laanka wɔrɔ ganaa wa, ma á re bɛn kiɛ Baabilonii minin ganaa.

Izayii 21:2

Dɛnaa Lawa n kaãbaa sii nyɛɛ ma nɛ: Giaára zizi nə́ n bɔyaa á tenten baa, ziziɛ̃ wole n ziziɛ̃ we woe-n nyɛɛnɛ. Elamu minin, ka yoo ǹ gialaa! Mɛdi gána minin, ka ǹ kiwi lɛ lɛnpɛnɛ! Man die ginii kɛ tumaa lɛ kuri.

Izayii 44:28

Man kɛ pii kii Siirusu a paǹ li: «Maa zaman-lɛduə̃li ni.» Sii mɛn tumaa bɛ́ kɔɔ̃n ma ganaa, a n bɛ zɛnɛɛ. Á re pii mà ǹ wusoo ǹ Zeruzalɛmu kiwi dɔ, ǹ wusoo ǹ Lawa a kion lɛ dɔ.

Zeremii 51:11

Dɛnaa Lawa n zoɛ̃ li a Baabilonii ziziɛ̃. Bɛ lɛ nɛ, á Mɛdi gána a kiin sɔsɔmɔ á ǹ da a zɛnaa ganaa. Dɛnaa Lawa n gɛ̀ dòo boe, a na a kion sonbore lɛ a gɛ̀ dòo boe. Ka kaa kiɛn lɛ bɔ, ka kaa goóron goa.

Danayeli sɛ́wɔ 10:5

Má n yii saa má ga, bɛ̀ giĩ goon nə́ ke ka mɔnaa gole ná a ganaa. Maabɛlɛ na á goã a bɔ̃sɔ, sana yoreen yoreen lɛa.

Danayeli sɛ́wɔ 2:39

Kii kɔsɔ á re yui n kio, a pàã n kiɛɛrɛ n wɔ lɛ ganaa. Kii lɛ a sɔɔbaa ǹ wɔ á re yui, bɛ n die goɛ̃ kanaa tumaa mìi la. A sii a kɔnboe n ka zan kɛ nɛ.

Danayeli sɛ́wɔ 6:28

A din nə min boe sii ni, a din nə min kirisibiɛ. Sii nyaa ǹ siin laanka kaãbaa ǹ sii dadaran kɛn, a din nə bɛn zɛnɛɛ lon laanka tán nɛ. Sonbore, a din na á Danayeli si yàran la á da.»

Danayeli sɛ́wɔ 7:5

Bɛ kio, bɛ̀ tɔɔ lɛ a paabaa ǹ wɔ á ke ka gòon màn gole kɔn bɛ́ lɔn. Á yoo á golee a wàã goon la, ka garasa we sɔɔ ná a lɛ-n, a sɔn nə́ ǹ ganaa. Ǹ nə́ tɔ́n pɛ nɛ, mà a yoo a golee lon duduu, a siĩ gigiã sɔ̃.

Danayeli sɛ́wɔ 8:2

Narɛɛ lɛ gɔ́ɔ̃ nɛ, ma bɛ́ giɛ, bɛ̀ ma dinmaa á ke Suuzu kiwi gole kɛ nɛ, Elamu gána nɛ. Ma yii na á goã ma din ganaa Ulayi tà kɛ lɛ-a.

Danayeli sɛ́wɔ 8:20

N sère gɔ̀lɔ̀ mɛn yɛ a bɛn nə́ paa, Mɛdin kii laanka Pɛrsin kii kɛ n ka bɛ nɛ.

Zakarii 2:1

Sii-nyaa gɔ́ɔ̃ nɛ, má n yii saa lon. Á ke, má bɛn màn sii yɛ.

Zakarii 5:1

Má n yii saa lon doo, má sɛ́wɔ munii goon yɛ piɛ̃ li.

Zakarii 5:5

Lon a dia dí-a wole mɛn lɛ bɛ́ boo diɛ ma nɛ, á n zɔ̃ á dɔ á pɛ ma nɛ: «Bǐɛ̃ kɔ, n nə n yii saa lon, n ga màn kɛ ganaa bii-a.»

Zakarii 5:9

Ma tɔ nə n yii saa lon, bɛ̀ lɔ màn paa á ke die. Ǹ nyàan manə ǹ tan ka gɔgɔrɔ wɔn bɛ́ lɔn, piɛ̃ nə́ ǹ noɛ̃. Ǹ nə́ kakaa lɛ saa, ǹ nə́ woo-n lon laanka tán bii n ni.

Zakarii 6:1

Má n yii saa lon doo, ma yii n ziabaa ǹ wotoro sii ganaa. Maǹ kiɛ̃ kele màn paa bii n ni. Bɛa kelen lɛn man zan lɛa.

Minin nimi 24:2

A bɛ́ á n yii saa á ga, á Izirayeli minin lɛn yɛ, giã nɛ tanlɛ yii li, ǹ giã ǹ bǎã nɛ. Dɛnaa Lawa yiri daa gisĩ la,

Zozoe 5:13

Zozoe bɛ́ Zerikoo kiwi lɛkoro-a, á n yii saa á ga, bɛ̀ giĩ goon nə́ ke golee ne a nyɛɛnɛ ka a gɔya sa nɛ a gɔn. Zozoe nə́ n zɔ̃ á dɔ a li, á nɔ̀n da la kɛnɛn: «Ma n kun ka wɔsɛn nɛ hinlaa, ma n kun ka wɔsɛn zɔ́ɔn nɛ?»

Sii-nyaan 13:11

Má tɔ́n wusoo doo, má Tɔɔ kɔsɔ yɛ soe tán. A bɛn nə paa ka sère nɛ wɔ bɛ́ lɔn, sɛnɛ, a n boo diɛ ka tɔɔ babaraa piɛ̃ wole kɛ wɔ bɛ́ lɔn.

Sii-nyaan 5:6

Má tɔ́n Sère Nɛ yɛ, kii dankan kɛ genli, màn yiikoonaa sii kɛ laanka min golen kɛn ná a lɛnpɛnɛ. Bɛa Sère Nɛ lɛ n ka maǹ ná a bɔlɔ kuru. A bɛn nə sɔbaa, a yii nàn dɔ n sɔbaa, Lawa yiri sɔbaa mɛn dia tán tumaa la, bɛn man ka bɛ nɛ.