Danayeli sɛ́wɔ 8:24 - LAWA A BOO SONBORE 2011

²⁴ Màn tá re miɛ̃ a pàã li miɛ a woo, sɛnɛ, bɛ bie re boe a din a boo sii la li wa. Á re basaã dadaran koe. A nya ǹ dí tumaa á re bǐɛ̃ koe a gɔn. Á re pàãdɛnan dii, haalɛ Lawa a minin lɛn dɔn dinin.

Danayeli sɛ́wɔ 8:24 ပူးပေါင်းရင်းမြစ်များ

Loen 37:35

Má min baraa yɛ a din a kakabaa nyɛɛ. N din nyɛɛ lon ka woren ka da gole kɔn nɛ.

Danayeli sɛ́wɔ 11:23

Kɔn wɔ ma mɛn bɛ́ a laanka minin biin ni, á re n gɔn kuĩ bɛ lɛ-a, a ǹ bebele. A laanɛ min gigiã ba a kio wa, á re woe zia biɛ a gɔ̀lɔ̀baa yɛ.

Danayeli sɛ́wɔ 12:7

Bɛa biikoo li, giĩ mɛn lɛ goã golee-n tà mu lɛ lalan, ka mɔnaa gole ná a ganaa, bɛ nə́ n gusin a gɔn laanka a gɔsɛ a gɔn dia lon, Lawa mɛn bɛ́ a tan yǎa duduu, á n liɛ ka bɛ tɔ nɛ: Siin kɛn lɛn manə ǹ tan, yǎa lɛ̀ sɔɔ ka talɛɛ. Bɛ̀ Lawa a minin lɛn pàã nya lenlen ǹ mɛn waáraa, bɛa siin lɛn tumaa á re nyɛɛ.

Danayeli sɛ́wɔ 7:25

Á re boo diɛ lon a Lawa gole kɛ ganaa, a bɔ a minin kɛn yii ni. Á re giɛ li dinin a dí-pɛn laanka zɔ́nɔn biikoon bɔyaa. Lawa a minin lɛn tá re goɛ̃ a gɔn yǎa lɛ̀ sɔɔ ka talɛɛ.

Danayeli sɛ́wɔ 8:10

Á yoo lon mànan dɔn dinin gialaa. Á ǹ gigiã nyanaa á ǹ kaa tán, ka leeren dɔn nɛ, á tɔtɔrɔ ǹ la.

Danayeli sɛ́wɔ 8:11

Á n yɔrɔ da lon mànan lɛn goledɛnaa dɔ din la. Ǹ bɛ́ wúlu mànan mɛnɛn koe bɛ la babaraa, á minin kurəə bɛa kɔ ganaa. Á ná a kion sonbore kɛ ziziɛ̃ ka lenlen.

Danayeli sɛ́wɔ 8:12

A baraabaa taman yii, ǹ nə́ lon mànan lɛn wɔ a gɔn, ka babaraa a wúlu mànan kɛn dɔn nɛ. Tɔɔ bɛn lɛ sonbore lɛ zũ tán. A dí mɛn lɛ bɔ, bɛ́ giala yɛ a gɔn.

Danayeli sɛ́wɔ 8:23

Ǹ kiibaa lɛ a nya biikoo li, min baraan baraabaa lɛ bɛ́ re piɛ̃ ǹ mɛn waáraa, kii din-koali goon tá re yui, minin bebelee ná a dí lɛa.

Sii-nyaan 16:6

Minin lɛn bɛ́ ǹ nə́ n min sonboren laanka n boo gii-dalin mà kaa tán, bɛ lɛ nɛ, ma dɔ mà kɔ ǹ la, máa ǹ mi. Ǹ tá kɔnboe ka bɛ nɛ!»

Sii-nyaan 17:17

A giala Lawa na á taasiɛ goon wɔ ǹ foo ne, mà ǹ nə n pàã tumaa kaa kun ǹ dí nya tɔ kɛ nɛ, yǎa Lawa a boo-diɛn lɛn tumaa lɛ piɛ̃.

Sii-nyaan 17:6

Má yɛ, ǹ Lawa a min sonboren mɛnɛn dɛ, bɛn mà na á goã lɔ lɛ yii-a. Min mɛnɛn nə́ foo doa ǹ min baa Yezu wɔ gɔn la, lɔ lɛ na á bɛn mà mi, a ná a yii-a ka yɔ bɛ́ lɔn. Ma bɛ́ má yɛ lɔn, tɔwaa gole ma kũ.

Sii-nyaan 19:2

A kiri-kurii n taãnɛ, a n pepere! Naarɛbaali gole mɛn bɛ́ á goã kanaa tumaa yiri ziziɛ̃, ka a din kũ doɛ̃baã sii ni, á kiri wɔ bɛ ganaa. Á dɔlɔ bɔ a ganaa, a giala mà á Lawa dí-nyalin dɛ lɛlɛ ǹ nə́ gã.»