Danayeli sɛ́wɔ 8:23 - LAWA A BOO SONBORE 2011

²³ Ǹ kiibaa lɛ a nya biikoo li, min baraan baraabaa lɛ bɛ́ re piɛ̃ ǹ mɛn waáraa, kii din-koali goon tá re yui, minin bebelee ná a dí lɛa.

Danayeli sɛ́wɔ 8:23 ပူးပေါင်းရင်းမြစ်များ

Siin Giala 15:16

N tɔrɔn yɛ kɔn kio a siibaa ǹ wɔ á re n bɔyɛɛ a da kànaa. A giala, Amɔɔrɔ minin tá bǎã lɛ-n bɔrɔ. Bɛ̀ ǹ baraabaa lɛ lɛ pã ǹ mɛn waáraa, má á re ǹ lui.»

Suusun 1:6

Ǹ tá re suusun tɛnɛn boo duriin giala miɛ, ka boo kakan kɛn nɛ sii-dɔ̃lin daraan gɔ́ɔ̃ nɛ.

Ezekieli 38:16

N tá re die maa zaman Izirayeli minin lɛn gialaa, n kɔ n lɛ ka labara bɛ́ lɔn. Bɛ n die n zɛnɛɛ biikoo giala nyɔmiɛ̃ waáraa. Ma á re nsɛ Gɔgu diɛ, n wo maa gána minin lɛn gialaa, màn mɛn bɛ́ toɛ, tɔrɔ kɔsɔn nə maa Lawabaa dɔ̃.

Ezekieli 38:8

Lɛ̀ damata gɔ́ɔ̃ nɛ bɛ kio, ma á re n diɛ Izirayeli gána gialaa. Bɛa waáraa kəni, bɛ̀ a minin nə n dinin si zia la. Bɛ̀ ǹ nə́ soo ǹ nə́ n bɔ kiwin kɛn nɛ ǹ nə́ goã ǹ nɛ. Ǹ tá re goɛ̃ soe-n kɔn Izirayeli a kelen kɛn la, ǹ nə́ belebɔ bii-a min ná a ba giã-n la wa. Ǹ bɛ́ ǹ nə́ soo ǹ nə́ n bɔ tɔrɔ kɔsɔn bii, ǹ tumaa á re goɛ̃ là nyantoro la.

Danayeli sɛ́wɔ 10:14

Sii mɛn bɛ́ re n tɔrɔn lɛn yii nyɛɛnɛ, masɛ n má daa bɛ pɛ n nɛ. A giala sii-yɛ kɔsɔ á re yii bɛa biikoo lɛ wɔ lɛa.»

Danayeli sɛ́wɔ 11:21

Min gɛsɛ goon tá re giɛ̃ a bǎã nɛ, min dɔ ná a bie á kiibaa lɛ kɔ la wa. A n die die là nyantoro biikoo li, a n paraa kiibaa lɛ ganaa, ka min bebele ǹ boon ne.

Danayeli sɛ́wɔ 11:24

Là nyantoro din biikoo taãn kɛ li, gána lɛ a bǎãn mɛnɛn nə́ ke basiɛ̃ nɛ, á re woe walan. Ǹ din laanka ǹ digolon bɛ́ ǹ sii mɛn zɛnaa wa, á re bɛ zɛnɛɛ walan. A bɛ́ re mànan mɛnɛn goɛ, hinlaa á die ǹ sii gána lɛ a minin la, á re bɛ gii a kiodɛnan manɛ. Á re zoɛ̃ li mà a zia baa duru ǹ bǎã kakan kɛn ganaa, sɛnɛ, bɛ n die n zɛnɛɛ biikoo boɛɛn gɔ́ɔ̃ nɛ.

Danayeli sɛ́wɔ 7:11

Man má goã giɛ miɛ̃, a giala, bɛn boɛɛn lɛ na á goã din gole kɔ ǹ boon didiɛ. Sɛnɛ, ma bɛ́ giɛ, má yɛ, ǹ nə́ tɔɔ siibaa ǹ wɔ lɛ dɛ, ǹ nə́ zũ tɛ girigiri ni, á kũ walan lenlen.

Danayeli sɛ́wɔ 7:20

Bɛn fù ke á goã tɔɔ lɛ mìi ni, má nɔ̀n da ka bɛ dɔ a sii ni. Bɛn kɔsɔ mɛn dɔ na a giala kɔ á bɔ, á kɛn lɛn màn sɔɔ nyanaa á kaa, má nɔ̀n da la ka bɛ dɔ a sii ni. Bɛa bɛn lɛ yii nànan man nə́ goã ǹ tan, ka a lɛ nɛ, á goã din gole kɔ ǹ boon didiɛ nɛ. A n ka asɛ na á goã gole, á la ǹ miãn kɛn manɛ.

Danayeli sɛ́wɔ 7:25

Á re boo diɛ lon a Lawa gole kɛ ganaa, a bɔ a minin kɛn yii ni. Á re giɛ li dinin a dí-pɛn laanka zɔ́nɔn biikoon bɔyaa. Lawa a minin lɛn tá re goɛ̃ a gɔn yǎa lɛ̀ sɔɔ ka talɛɛ.

Danayeli sɛ́wɔ 7:8

Ma bɛ́ giɛ a bɛnɛn lɛn ganaa, má yɛ bɛ̀ bɛn boɛɛn goon nə́ ke á bɔ ǹ bii, á bɛn bibinaan kɛn màn sɔɔ woɛ̃. Yii nànan man nə́ goã bɛa bɛn boɛɛn lɛ ganaa ka minbuiin nɛ yii nànan bɛ́ lɔn. Lɛ dɔ́ goã a ganaa, á goã din gole kɔ ǹ boon didiɛ nɛ.

Danayeli sɛ́wɔ 8:22

A bɛn lɛ bɛ́ á yiɛ, màn sii kɔsɔ na á bɔ a bǎã nɛ. Bɛn man kii màn sii lɛa, die yui ǹ kii baa bibinaa kɛ lɛ bǎã nɛ, sɛnɛ, ǹ pàã na a re doe a wɔ li wa.

Danayeli sɛ́wɔ 8:24

Màn tá re miɛ̃ a pàã li miɛ a woo, sɛnɛ, bɛ bie re boe a din a boo sii la li wa. Á re basaã dadaran koe. A nya ǹ dí tumaa á re bǐɛ̃ koe a gɔn. Á re pàãdɛnan dii, haalɛ Lawa a minin lɛn dɔn dinin.

Danayeli sɛ́wɔ 8:25

A yiri lɛ bɛ́ wooro, á re boe la a min gigiã bebele. Bɛa biikoo li, á re n din gole koe. Min mɛnɛn bɛ́ taasɛ mà ǹsɛn man là nyantoro la, á re bɛn gigiã dii. Á re yui kiin Kii kɛ dɔ din gialaa. Sɛnɛ, a pàã lɛ á re ziziɛ̃, bɛ̀ min dɔ din ná a n gɔn da a ganaa wa.

Minin nimi 24:24

Mu la ǹ goon nə́ ke boe Siipri gána li, maǹ die boe Asiirii gána minin yii ni, ǹ bɔ Ebɛɛrɛ tɔrɔn dɔn dinin yii ni. Sɛnɛ ǹ dinin dɔn tá re bɔ̀n biɛ.

Matiə 23:32

Haya! Ka digolon nə sii mɛn giala kɔ, kasɛn nə n doa ka a lɛ pã!

Timəə dí-pɛn 28:50

Tɔrɔ yɔrɔ babaraan manɛ, ǹ ba min gole guguru koe wa, ǹ ba nɛnyaan makara doɛ̃ wa.

Tesaloniki1 2:16

Min mɛnɛn bɛ́ ǹ ba Zuifun lɛa wa maǹ wɔ kurii, mà wɔ baran kirisibaa ǹ boo kɛ pɛ bɛn man wa. Maǹ màn diɛ ǹ dinin sii baraa li miɛ̃ biikoo tumaa li, ǹ tá a lɛ piɛ̃. Sɛnɛ, a giala-nyɔmiɛ li, Lawa a foo-busii yu ǹ mìi ni.

Timote1 4:1

Yiri Fu n pii foaãnɛ, mà lɛawaan mɛnɛn bɛ́ die, mà minin tɛnɛn tá re n piɛ̃ ka Lawa a zii tɔ-wɔ nɛ. Mà ǹ tá re n parɛɛ yiri sã ǹ boon ganaa, ka nɔ̀ɔnɔn minin daraa ǹ boon ne.

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.