Danayeli sɛ́wɔ 8:19 - LAWA A BOO SONBORE 2011

¹⁹ Bɛ kio, á tɔ́n pɛ ma nɛ: «Sii mɛn bɛ́ re n zɛnɛɛ Lawa a foo-yoo kɛ taman yii, masɛ n die bɛ pii n ni. A giala, biikoo nə́ n koa giala-nyɔmiɛ̃ biikoo lɛa.

Danayeli sɛ́wɔ 8:19 ပူးပေါင်းရင်းမြစ်များ

Loen 102:13

Sɛnɛ, nsɛ kaa, Dɛnaa Lawa nsɛ n kii lɛa yǎa duduu. Biikoo tumaa a minin man die n boo diɛ.

Danayeli sɛ́wɔ 11:27

Kii min paa lɛ gɔ́ɔ̃ piɛ̃maa-n ka baraabaa nɛ. Maǹ die soɛn dininsɔɔ̃nɔn boboe kɔn nɛ kɔn-yɛ ǹ bǎã nɛ. Sɛnɛ bɛa re yɔrɔ yii wa. A giala, biikoo mɛn nə n koa sii lɛ a nya ǹ wɔ lɛa, bɛ tɔn dɔ wa.

Danayeli sɛ́wɔ 12:4

Nsɛ Danayeli, boon lɛn toa durii ni, sɛ́wɔ lɛ lɛ tã, yǎa biikoo giala-nyɔmiɛ̃ waáraa. Bɛa biikoo li, min gigiã á re n binbirin boe, màn tá re miɛ sii-doɛ̃ li.

Danayeli sɛ́wɔ 8:23

Ǹ kiibaa lɛ a nya biikoo li, min baraan baraabaa lɛ bɛ́ re piɛ̃ ǹ mɛn waáraa, kii din-koali goon tá re yui, minin bebelee ná a dí lɛa.

Abakuku 2:3

Siin kɛn ma á ǹ nyɛɛ, ǹ tá re yɔrɔ yii. Sɛnɛ, yǎa ǹ biikoo doe. Kànaa ka boɛɛnɛ, ǹ tá re yɔrɔ yii. Soɛ bie wa. Haalɛ ta a biikoo n sɔsɔɔ, n yii da n foo n doa nɛ. Ma boo mɛn pɛ, á re yɔrɔ yii a biikoo li, sàabaa ba la wa.

Luku 21:23

Bɔ̀n nə die goɛ̃ lɔ nɔnaan wɔ lɛa, ka ǹ mɛnɛn dɔn bɛ́ nɛnyaanan nə́ ǹ gɔn, ǹ nə́ nyɔ koe ǹ la bɛa lɛawaan kɛn lɛn li. A giala, Lawa n die a busii nyɛɛ tɔrɔ kɛ lɛ nɛ, fuu gole á die gána lɛ yii.

Sii-nyaan 1:1

Yezu *Krita siin mɛnɛn nyaa, bɛa sɛ́wɔ n ke. Lawa na á ǹ kɔ la, mà siin mɛnɛn bɛ́ re n zɛnɛɛ kànaa ka boɛɛn nɛ, mà a ǹ nyaa a bɛ̀rɛn manɛ. Yezu ná a lon a dia dí-a wole dia a bɛ̀rɛ Zaã la, mà a bɛn nyaa nɛ.

Sii-nyaan 10:7

Sɛnɛ, bɛ̀ lon a dia dí-a wole sɔbaabaa ǹ wɔ ná a bɛn kɛ pɛ pin mɛn-a, ka bɛ nɛ, Lawa bɛ́ a ná a sii-duriin yɔrɔ bɔ, á kɔ a boo gii-dalin la, mà ǹ pɛ lɔn, bɛa biikoo lɛ na á dɔ.»

Sii-nyaan 11:18

Tɔrɔn foo yoo, sɛnɛ, n din a foo-yoo na á daa. Sisia, n geren kiri-wɔ biikoo na á dɔ, n dí-nyalin saraa biikoo dɔ na á dɔ, ǹ mɛnɛn bɛ́ n boo gii-dalin lɛa ka ǹ mɛnɛn tumaa bɛ́ n din wɔn lɛa, ǹ nə́ nyɛ́ɛ biɛ n nɛ, ta a boɛɛn nɛ, ta a gole ne. Min mɛnɛn dɔn bɛ́ ǹ nə́ goã tán-ziziɛ̃lin lɛa, ǹ dɔn ziziɛ̃ biikoo na á dɔ!»

Sii-nyaan 15:1

Má wusoo má sii kɔsɔ yɛ á n din nyaa lon doo, a n foo biɛ na ǹ sii gole lɛa: Lon a dia dí-a wole sɔbaa nɛ, ǹ nə́ koe sɔbaa kũ ǹ gunun. Koen lɛn, a giala-nyɔmɔɔn man bɛn nɛ, a giala mà ǹ dinin man die Lawa foo yoo ǹ siin lɛn giala nyɔmiɛ.

Sii-nyaan 17:17

A giala Lawa na á taasiɛ goon wɔ ǹ foo ne, mà ǹ nə n pàã tumaa kaa kun ǹ dí nya tɔ kɛ nɛ, yǎa Lawa a boo-diɛn lɛn tumaa lɛ piɛ̃.