Danayeli sɛ́wɔ 8:17 - LAWA A BOO SONBORE 2011

¹⁷ Ma din goã golee-n bǎã mɛn nɛ, Gabarayeli nə́ n zɔ̃ á dɔ walan. A bɛ́ á dɔ ma li, nyɛ́ɛ ma kũ, má bɔ má mɛnaa tán ma lɛ la. Á tɔ́n pɛ ma nɛ: «Minbuiin a nɛ, toa n narɛɛ kɛ lɛ giala ma koe! N sii mɛn lɛ yɛ, a n boo diɛ biikoo giala nyɔmiɛ̃ wɔ paǹ li.»

Danayeli sɛ́wɔ 8:17 ပူးပေါင်းရင်းမြစ်များ

Siin Giala 17:3

Abramu na á kaa tán, á n mìi kuməə. Lawa boo da nɛ á pɛ:

Ezekieli 1:28

Wɔlɔ fúlu mɛn lɛ goã a lɛnpɛnɛ, bɛ na á goã ka lamɛn bɛ́ lɔn, la a kaa pinaa. Bɛa wɔlɔ fúlu lɛ na á goã Dɛnaa Lawa a siĩnbaa kɛa kɔnboe lɛa. Ma bɛ yɛ lɔn, má bɔ má mɛnaa tán ma lɛ la. Má tɔ́n min goon lɛ ma boo diɛ.

Ezekieli 2:1

Bɛa dɛnaa lɛ tɔ́n pɛ ma nɛ: «Minbuiin a nɛ, yoo lon, n golee n gòãn la, a giala, man die boo diɛ n nɛ.»

Ezekieli 44:4

Bɛ kio, giĩ lɛ ma kũ á bɔ ka gɔsɛ a lɛ̀gɔn la a kiɛnlɛ kɛ nɛ, á wɔ ka ma nɛ, yǎa Lawa a kion kɛ yɔrɔ-a. Ma bɛ́ giɛ, bɛ̀ Dɛnaa Lawa a gugurubaa á ke, a gialaa kion lɛ piɛ̃. Má tɔ́n bɔ má mɛnaa tán ma lɛ la.

Ezekieli 6:2

Nsɛ minbuiin a nɛ, n yɔrɔ bɔyaa n dia Izirayeli a kelen kɛn la, n masɛ a boo gii kɛ da ǹ ganaa.

Danayeli sɛ́wɔ 10:11

Giĩ lɛ tɔ́n pɛ ma nɛ: «Danayeli, n sii á kɔɔ̃n Lawa nɛ. Ma bɛ́ boon mɛnɛn pii n ni, n doa n bɛn giala ma. Yoo n golee lon n bǎã nɛ, a giala, Lawa na á ma dia n din li biikoo kɛ gɔ́ɔ̃ nɛ.» A bɛ́ a gialaa bɛa boo lɛ pii ma nɛ, má yoo má golee lon, ma gɔ̀nɔn yii n bìn diɛ.

Danayeli sɛ́wɔ 10:16

Bɛ kio, bɛ̀ minbuiin nɛ a kɔnboe á ke, bɛ nə́ n gɔn da ma lɛ ganaa. Má tɔ́n nə n lɛ bũ má boo da. Min mɛn lɛ bɛ́ golee-n ma nyɛɛnɛ, má pɛ bɛ nɛ: «Maa dɛnaagiĩ, ma sii mɛn yɛ, bɛ lɛ na á nyɛ́ɛ da ma ganaa, pàã din ba ma lon doo wa.

Danayeli sɛ́wɔ 11:27

Kii min paa lɛ gɔ́ɔ̃ piɛ̃maa-n ka baraabaa nɛ. Maǹ die soɛn dininsɔɔ̃nɔn boboe kɔn nɛ kɔn-yɛ ǹ bǎã nɛ. Sɛnɛ bɛa re yɔrɔ yii wa. A giala, biikoo mɛn nə n koa sii lɛ a nya ǹ wɔ lɛa, bɛ tɔn dɔ wa.

Danayeli sɛ́wɔ 11:40

Biikoo giala-nyɔmiɛ̃ waáraa, gusin a lɛ̀gɔn la a kii kɛ á re n yɔrɔ diɛ la ka zia nɛ. Sɛnɛ, gɔsɛ a lɛ̀gɔn la a kii kɛ á re die a gialaa ka ziabaa ǹ wotoron ne, sùidɛnan nɛ, ka mu la ǹ goo damata nɛ. Á re we gánan nɛ ka mu gole bɛ́ lɔn, a basaã kɔ ǹ nɛ a kiɛ̃.

Danayeli sɛ́wɔ 12:13

Nsɛ Danayeli, goã la kɛnɛn, yǎa a woe kiɛ a giala-nyɔmiɛ̃ lɛ. N tá re n susui, n tɔn yoo n nə n saraa si biikoo giala-nyɔmiɛ̃ waáraa.»

Danayeli sɛ́wɔ 12:4

Nsɛ Danayeli, boon lɛn toa durii ni, sɛ́wɔ lɛ lɛ tã, yǎa biikoo giala-nyɔmiɛ̃ waáraa. Bɛa biikoo li, min gigiã á re n binbirin boe, màn tá re miɛ sii-doɛ̃ li.

Danayeli sɛ́wɔ 2:46

Bɛ kio, kii Nebukadenezɔɔrɔ na, á kaa tán a lɛ la, á Danayeli guguru kɔ. Á pɛ mà ǹ gɔn mànan kɔ la, ǹ nyɔɔgìĩ kɔɔ̃n tã a wɔ lɛa.

Danayeli sɛ́wɔ 7:16

Min mɛnɛn lɛn nə goã golee-n walan, má tɔ́n nə n zɔ̃ má dɔ bɛn goon li, má nɔ̀n da la ka sii kɛ lɛ tumaa a giala taãn nɛ. Á n lɛ bũ, á siin lɛn giala pɛ ma nɛ kɛnɛn:

Danayeli sɛ́wɔ 8:15

Masɛ Danayeli bɛ́ má bɛa sii kɛ lɛ ma, man má goã n taasɛ nɛ, máa ma a giala ma. Bɛa biikoo li, màn kɔn daa golee ma yɔrɔ-a ka minbuiin nɛ bɛ́ lɔn.

Danayeli sɛ́wɔ 8:19

Bɛ kio, á tɔ́n pɛ ma nɛ: «Sii mɛn bɛ́ re n zɛnɛɛ Lawa a foo-yoo kɛ taman yii, masɛ n die bɛ pii n ni. A giala, biikoo nə́ n koa giala-nyɔmiɛ̃ biikoo lɛa.

Danayeli sɛ́wɔ 8:27

Bɛa biikoo li, masɛ Danayeli gù gã ma din-a, má busu kɔ lɛawaa paa. Ma bɛ́ má yoo, má wusoo má woo kii a dí nya. Bɛa sii-yɛ kɛ lɛ masɛ yiri lɔlɔkɔn parsiini. Sɛnɛ, min kɔ́n goã maa yiri lɔlɔkɔn lɛ mìi doɛ̃ wa.

Danayeli sɛ́wɔ 9:23

Ń bɛ́ ń na a giala kɔ ń gòã-kũ diɛ Lawa ganaa ǹ mɛn waáraa, boo kɔn soo Lawa lɛ-n, man má daa bɛ lɛ pɛ n nɛ, a giala, n sii á kɔɔ̃n Lawa ganaa parsiini. Bɛ lɛ taman yii, n too kɔ bɛa boo lɛ li, n sii-yɛ kɛ lɛ giala ma.

Danayeli sɛ́wɔ 9:27

Lɛ̀ sɔbaa giala-nyɔmiɛ̃ lɛ a biikoo li, goledɛnaa lɛ á re die lɛ kɔ kɔn la we min gigiã nɛ. Lɛ̀ sɔɔ ka talɛɛ gɔ́ɔ̃ nɛ, á re minin kurii wúlu-bɔ laanka Lawa gɔ màn nɛ ganaa. Bɛa basaã-kɔle lɛ á re a sii bɔbɔnɛɛn lɛn zɛnɛɛ ka baafuubaa nɛ yǎa basaã woe a din yii a giala-nyɔmiɛ̃ biikoo li, ka a bɛ́ á n pɛ lɔn.»

Abakuku 2:3

Siin kɛn ma á ǹ nyɛɛ, ǹ tá re yɔrɔ yii. Sɛnɛ, yǎa ǹ biikoo doe. Kànaa ka boɛɛnɛ, ǹ tá re yɔrɔ yii. Soɛ bie wa. Haalɛ ta a biikoo n sɔsɔɔ, n yii da n foo n doa nɛ. Ma boo mɛn pɛ, á re yɔrɔ yii a biikoo li, sàabaa ba la wa.

Matiə 17:8

Ǹ nə́ n yii saa lon, ǹ min kɔsɔ yɛ doo á kiɛ̃ Yezu dinsɔɔ̃ la wa.

Sii-nyaan 1:17

Ma bɛ́ má yɛ, má bɔ má mɛnaa a giulun ka gere bɛ́ lɔn. Á n gusin da ma la, á pɛ: «N nyan nyɛ́ɛ baa wa! Ma din nə bibinaa lɛa, ma din nə giala-nyɔmɔɔ dɔ lɛa.

Sii-nyaan 22:8

Masɛ Zaã mɛn bɛ́ má boon kɛn ma, má a siin tumaa yɛ. Ma bɛ́ má ǹ ma, má ǹ yɛ má nya, lon a dia dí-a wole mɛn bɛ́ á ǹ nyaa ma nɛ, má kaa tán a giulun, máa ma na a guguru koe.