Danayeli sɛ́wɔ 8:15 - LAWA A BOO SONBORE 2011

¹⁵ Masɛ Danayeli bɛ́ má bɛa sii kɛ lɛ ma, man má goã n taasɛ nɛ, máa ma a giala ma. Bɛa biikoo li, màn kɔn daa golee ma yɔrɔ-a ka minbuiin nɛ bɛ́ lɔn.

Danayeli sɛ́wɔ 8:15 ပူးပေါင်းရင်းမြစ်များ

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Danayeli sɛ́wɔ 10:16

Bɛ kio, bɛ̀ minbuiin nɛ a kɔnboe á ke, bɛ nə́ n gɔn da ma lɛ ganaa. Má tɔ́n nə n lɛ bũ má boo da. Min mɛn lɛ bɛ́ golee-n ma nyɛɛnɛ, má pɛ bɛ nɛ: «Maa dɛnaagiĩ, ma sii mɛn yɛ, bɛ lɛ na á nyɛ́ɛ da ma ganaa, pàã din ba ma lon doo wa.

Danayeli sɛ́wɔ 10:18

A din bǎã-n gɔrɔ, min mɛn lɛ á ke ka minbuiin nɛ bɛ́ lɔn, bɛ́ wusoo á n gɔn da ma ganaa, á ma gù kaa.

Danayeli sɛ́wɔ 10:5

Má n yii saa má ga, bɛ̀ giĩ goon nə́ ke ka mɔnaa gole ná a ganaa. Maabɛlɛ na á goã a bɔ̃sɔ, sana yoreen yoreen lɛa.

Danayeli sɛ́wɔ 12:8

Masɛ Danayeli bɛa boon lɛn ma kəni, sɛnɛ, man ma ǹ giala ma wa. Bɛ lɛ nɛ, má tɔ́n nɔ̀n da má pɛ: «Maa dɛnaagiĩ, bɛa siin lɛn man die n giala nyɔmiɛ̃ lɔn?»

Danayeli sɛ́wɔ 7:13

Ma bɛ́ tɔn giɛ, ma màn mɛn yɛ maa tèlò a narɛɛ lɛ gɔ́ɔ̃-n doo, bɛ á ke: Má min yɛ ka min a nɛgiĩ bɛ́ lɔn, a n lon a labaran la die. Á daa yǎa giĩ zizi lɛ li, ǹ nə́ kũ ǹ nə́ daa nɛ a yɔrɔ-a.

Danayeli sɛ́wɔ 7:28

Boo lɛ a nya ǹ bǎã n ka kɛ nɛ. Siin lɛn nə́ masɛ Danayeli yiri lɔlɔkɔn parsiini, ma gɔ̀nɔn nə́ n si ma la. Sɛnɛ, má bɛa boon lɛn toa ma din gɔ́ɔ̃ nɛ.

Danayeli sɛ́wɔ 8:1

Bɛltazaara a kiibaa lɛ̀ sɔɔbaa ǹ wɔ, masɛ Danayeli sii kɔsɔ yɛ doo, bibinaa wɔ kɛ lɛ a yɛ kio.

Danayeli sɛ́wɔ 8:19

Bɛ kio, á tɔ́n pɛ ma nɛ: «Sii mɛn bɛ́ re n zɛnɛɛ Lawa a foo-yoo kɛ taman yii, masɛ n die bɛ pii n ni. A giala, biikoo nə́ n koa giala-nyɔmiɛ̃ biikoo lɛa.

Zakarii 1:9

Má nɔ̀n da kɛnɛn: «Dɛnaa, sùin kɛn man wàa giala pii?» Lon a dia dí-a wole mɛn bɛ́ á kɔnbɔ a boo da ma nɛ, bɛ́ ma lɛ si kɛnɛn: «Ma á re a giala pii n ni.»

Matiə 13:36

Bɛ kio, Yezu zaman lɛ toa walan á kiɛ̃ á woo piɛ. A kialandɛnan nə́ n zɔ̃ ǹ nə́ dɔ a li, ǹ nə́ pɛ nɛ: «N boo giməə mɛn da buu babaraa wɔ gɔn la ǹ nə́ pɛsɛ̃ wuru-n, bɛ lɛ giala pɛ wɔsɛn manɛ.»

Matiə 24:15

"Sii bɔnɛɛ mɛn bɛ́ basaã kɔ ǹ sii lɛa", Lawa a boo gii-dali Danayeli ná a boo da, ka á re bɛ yii. A n die n zɛnɛɛ Lawa laanka a wúlu-bɔlen kɔn yɛ ǹ bǎã nɛ Lawa a kion. (Kasɛn mɛnɛn bɛ́ sɛ́wɔ kɛ pii, ka n doa ka a giala ma!)

Matiə 24:30

Bɛa biikoo li, Min a Nɛgiĩ a daa a sii a kɔnbɔ á die soe lon. Kanaa a tɔrɔn tumaa á re n lala diɛ. N tá re Min a Nɛgiĩ yii labaran la, ka pàã gole laanka gugurubaa gole ne.

Marki 13:14

"Sii bɔnɛɛ mɛn bɛ́ basaã kɔ ǹ sii lɛa", bɛ doamaa bɛ́ a bie a yɛ bǎã mɛn nɛ wa, ka á re yii walan. (Min mɛn bɛ́ sɛ́wɔ kɛ pii, ǹ dɛnaa nə n doa a na a giala ma). Bɛa biikoo li, min mɛnɛn bɛ́ re goɛ̃ Zudee gána nɛ bɛn doamaa nɛ ǹ baa si ǹ wo kelen la.

Marki 4:12

màn mɛn bɛ́ toɛ, a kɔnpɛ ka Lawa a boo kɛ nɛ: «Ǹ tá re giɛ ǹ yii laa, sɛnɛ, ǹ yii a re wɔlɔ yii wa, ǹ tá re n too koe ǹ nɔmaa, sɛnɛ, ǹ ba re boo miɛ wa. Bɛ bie wa, ǹ tá re wusii ǹ da Lawa li, Lawa dɔ á die ǹ sii baraan toɛ ǹ nɛ, sɛnɛ, bɛ bɛ́ a bie ǹ yii li ǹ sii lɛa wa.»

Zozoe 5:14

A ná a lɛ si: «Haayii! Man Dɛnaa Lawa a zia-baalin goledɛnaa lɛa. Maa daa n ka kɛ nɛ.» Zozoe na, á kaa tán a giulun á n mìi kuməə, á pɛ nɛ: «Maa dɛnaagiĩ, masɛ nə n bɛ̀rɛgiĩ lɛa. Wàa mɛn boo nə n lɛ-n kəni, n nə́ die pii masɛ nɛ?»

Sii-nyaan 1:13

Màn goon goã ǹ bii ka minbuiin bɛ́ lɔn, á dɔnkɛ sasa wɔ yǎa a gòãn-a tán, á sana mabɛlɛ yii a foo bii.

Sii-nyaan 13:18

Sii-doɛ̃ sii n ke kanna. Bɛ̀ min mɛn yiri tan, bɛ n boe la a Tɔɔ lɛ a màn-nimii lɛ lɛ dɔ̃. A giala bɛa màn-nimii lɛ lɛ n kɔnpii ka min tɔ nɛ. A màn-nimii lɛ lɛ n biɛsɔrɔ ka pɔsɔrɔwensɔrɔ (666).