Danayeli sɛ́wɔ 8:12 - LAWA A BOO SONBORE 2011

¹² A baraabaa taman yii, ǹ nə́ lon mànan lɛn wɔ a gɔn, ka babaraa a wúlu mànan kɛn dɔn nɛ. Tɔɔ bɛn lɛ sonbore lɛ zũ tán. A dí mɛn lɛ bɔ, bɛ́ giala yɛ a gɔn.

Danayeli sɛ́wɔ 8:12 ပူးပေါင်းရင်းမြစ်များ

Zɔbu 12:6

Mɛnaa minin la wolen kɛn, là nyantoro n bɛn kion. Min mɛnɛn bɛ́ n yii we Lawa la, gɔ́ɔ̃-bii ba bɛn-a wa. Ǹ ba Lawa kɔsɔ doɛ̃ wa, yǎa ǹ dinin pàã ke.

Loen 119:142

N peperebaa lɛ n goɛ̃ yǎa duduu, n landa boon lɛn man taãn lɛa.

Loen 119:43

N dɔ ma lɛ, ma sonbore pɛ biikoo tumaa li, a giala, má waa n sii yɔrɔ bɔ ǹ boon kɛn la.

Loen 28:5

Ǹ ba n yiri koɛ Dɛnaa Lawa a zɛnaa ǹ sii li wa, ǹ ba n yiri koɛ a nya ǹ dí li wa. Haya Dɛnaa Lawa! N din nə ǹ nyɛnaa n nə ǹ kaa, ǹ baran yoo doo duduu wa.

Izayii 59:14

Bɛ lɛ na á toa, sonborebaa nə́ n zɔ̃, peperebaa nə́ n wɔlɔ lui wɔ ganaa. Zaman bǎã nɛ, sonbore nya. Bɔlɔgoondɛnaabaa á woe walan wa.

Zeremii 12:1

Nsɛ Dɛnaa Lawa, n tá pepere. Sɛnɛ, man die kiri we kɔn ka n nɛ, man li ma boo da n nɛ peperebaa a paǹ li: A n siɛ lɔn min baraan sii á bǐɛ̃ koe kanaa, bɔlɔgoonbǎãdɛnan tá yii-nyɛɛ la? Bɛ n siɛ lɔn?

Danayeli sɛ́wɔ 11:28

Gɔsɛ a lɛ̀gɔn la a kii lɛ á re wusii a wo a gána nɛ, ka gɔn màn gigiã nɛ. Lawa lɛ kɔ kɔn la ka tɔrɔ mɛn lɛ a minin ni, bɛ̀ á woe, sii babaraa mɛn bɛ́ a gɔ́ɔ̃ nɛ bɛn wɔ paǹ li, á re bɛ zɛnɛɛ a tɔn kiɛ̃.

Danayeli sɛ́wɔ 7:21

Ma bɛ́ giɛ, má bɛa tɔɔ bɛn lɛ yɛ zia biɛ Lawa a minin ganaa, á n die boe ǹ la.

Danayeli sɛ́wɔ 8:4

Má sère gɔ̀lɔ̀ lɛ yɛ zia biɛ lɛ̀nyɛɛn ganaa, gɔsɛ a lɛ̀gɔn la nɛ ka gusin a lɛ̀gɔn la nɛ. Tɔɔ kɔn goã boe la á n golee a nyɛɛn wa, la n bǎã ba min kɔn lon wa. A na á goã sii zɛnɛɛ a din dùũ li miɛ̃, màn nə́ miɛ̃ a pàã li woe.

Sii-nyaan 13:7

Lawa na á lɛ kɔ la, mà a zia baa a din a minin ganaa, a boo ǹ la. Gána tumaa, zaman tumaa, bɔlɔ totoro pɛle tumaa, tɔrɔ din tumaa ná a lɛ si.

Samayeli1 23:9

Davida bɔ a siére-a, mà Sayulu n sii baraa yɔrɔ boe asɛ taman yii. Á tɔ́n pɛ Lawa a wúlu-bɔle Abiataara nɛ: «Da ka Lawa a dí nya ǹ mɔnaa lɛ nɛ.»