Danayeli sɛ́wɔ 8:11 - LAWA A BOO SONBORE 2011

¹¹ Á n yɔrɔ da lon mànan lɛn goledɛnaa dɔ din la. Ǹ bɛ́ wúlu mànan mɛnɛn koe bɛ la babaraa, á minin kurəə bɛa kɔ ganaa. Á ná a kion sonbore kɛ ziziɛ̃ ka lenlen.

Danayeli sɛ́wɔ 8:11 ပူးပေါင်းရင်းမြစ်များ

Izayii 37:23

Ma nə ń sɔ kɔ die ganaa? Ma nə ń die piɛ̃ bɔ? N yii na á wɔ n boo da die ganaa? Ma nə n ga die ganaa ka din koa nɛ? Masɛ din Izirayeli a Lawa sonbore kɛ nɛ!

Izayii 37:29

Hiĩ, n foo bɛ́ á yoo masɛ li, n tɔ ziziɛ̃ ǹ boo mɛn da, á kaa ma too ne. Bɛ lɛ nɛ, man die fɔlɔ biɛ diɛ n nyin ni, ma karfɔ wɔ n lɛ-n. N kɔ zii mɛn lɛ n daa kànaa, man die wusii ma n da bɛ lɛ la, n wo piɛ.

Zeremii 48:26

Moabu na á taasɛ, mà asɛ a golebaa la Dɛnaa Lawa nɛ. Ka duvɛ̃ kɔ la a mi, yǎa a pisii. Bɛa biikoo li kəni, min tumaa á re yaa we a ganaa.

Zeremii 48:42

Moabu minin nə́ ziziɛ̃, ǹ ba zaman lɛa doo wa. Maǹ nə́ taasɛ mà ǹsɛn tá gole ǹ nə́ la Dɛnaa Lawa nɛ.

Ezekieli 46:14

Baraabaraa baayɛlɛ dɔn, ǹ wùsu kilo sooro lɔlɔkɔn ka nyɔɔ litiri paa nɛ, ǹ bɛ kɔ Dɛnaa Lawa la. Dɛnaa Lawa gɔ ǹ wɔ n ka bɛ nɛ, ǹ die ǹ bɛ zɛnaa miɛ̃ duduu.

Danayeli sɛ́wɔ 11:22

Zia-baalin mɛnɛn bɛ́ re die a gialaa, bɛn ba re boe la ǹ golee a nyɛɛn wa, á re ǹ tumaa dii. Lawa lɛ kɔ kɔn la wɔ ka tɔrɔ mɛn lɛ a minin ni, á re bɛn dɔn goledɛnaa goon dii.

Danayeli sɛ́wɔ 11:31

Lawa a kion mɛn lɛ á ke ǹ nə́ kungɔn dɔ ǹ ná a lɛnpɛnɛ nɛ, á re sɔraasin diɛ ǹ da bɛ lɛduə̃. Bɛn tá re bǎã lɛ zaãbiɛ. Ǹ bɛ́ *wúlu màn mɛn koe Lawa la baraabaraa, ǹ tá re minin kurii bɛa kɔ ganaa. Sii bɔbɔnɛɛ mɛn bɛ́ basaã koe, ǹ tá re bɛ zɛnɛɛ Lawa a kion lɛ nɛ.

Danayeli sɛ́wɔ 12:11

A saa baraabaraa a wúlu kɛ a boe lɛ-diɛ ganaa, a da kaa basaã kɔ ǹ sii bɔnɛɛ kɛ a zɛnaa lɛ, bɛ n die goɛ̃ lɛawaa duu goon ka biɛpaa ka pɔmanangɔrɔ (1 290).

Danayeli sɛ́wɔ 5:23

N nə́ n gòãn dii lon a Lawa ganaa: A giala, ń minin dia ǹ nə́ woo Lawa a kion mànan goa ǹ nə́ daa ǹ kɔ n la, n din laanka n kiodɛnaa dadaran nə́ duvɛ̃ kaa ǹ nɛ ka mi, kun ka ka gòã li ǹ lɔn laanka kaa lɔ kɔsɔn nɛ. Ka bɛ dɔ nɛ, dìn mɛnɛn nə́ ke ǹ nə́ ǹ zɛnaa ka wɔrɔ nɛ, ka sana nɛ, ka zan nɛ, ka fɔlɔ nɛ, ka gɔn nɛ, ka kɔlɔ nɛ, ǹ yii ná a wɔlɔ yii wa, ǹ too ná a boo miɛ wa, ǹ nə ǹ ba màn kɔn doɛ̃ wa, ń loe lɔ, ń bɛn tɔ bɔ nɛ. Sɛnɛ, Lawa mɛn lɛ á ke n fɔfoã ná a gɔn, n sii tumaa ná a gɔn, n nə́ n piã n bɛ guguru kɔ wa.

Danayeli sɛ́wɔ 7:25

Á re boo diɛ lon a Lawa gole kɛ ganaa, a bɔ a minin kɛn yii ni. Á re giɛ li dinin a dí-pɛn laanka zɔ́nɔn biikoon bɔyaa. Lawa a minin lɛn tá re goɛ̃ a gɔn yǎa lɛ̀ sɔɔ ka talɛɛ.

Danayeli sɛ́wɔ 8:12

A baraabaa taman yii, ǹ nə́ lon mànan lɛn wɔ a gɔn, ka babaraa a wúlu mànan kɛn dɔn nɛ. Tɔɔ bɛn lɛ sonbore lɛ zũ tán. A dí mɛn lɛ bɔ, bɛ́ giala yɛ a gɔn.

Danayeli sɛ́wɔ 8:24

Màn tá re miɛ̃ a pàã li miɛ a woo, sɛnɛ, bɛ bie re boe a din a boo sii la li wa. Á re basaã dadaran koe. A nya ǹ dí tumaa á re bǐɛ̃ koe a gɔn. Á re pàãdɛnan dii, haalɛ Lawa a minin lɛn dɔn dinin.

Danayeli sɛ́wɔ 8:25

A yiri lɛ bɛ́ wooro, á re boe la a min gigiã bebele. Bɛa biikoo li, á re n din gole koe. Min mɛnɛn bɛ́ taasɛ mà ǹsɛn man là nyantoro la, á re bɛn gigiã dii. Á re yui kiin Kii kɛ dɔ din gialaa. Sɛnɛ, a pàã lɛ á re ziziɛ̃, bɛ̀ min dɔ din ná a n gɔn da a ganaa wa.

Danayeli sɛ́wɔ 9:25

Bɛ lɛ nɛ, toa n kɛ dɔ̃ n na a giala ma: boo mɛn nə n da, mà ǹ wusoo ǹ da Zeruzalɛmu kiwi lɛ dɔ, a saa bɛa boo lɛ a diɛ ganaa, a da kaa goledɛnaa kɛ a daa lɛ, Lawa pɛ mà asɛ á re diɛ, lɛ̀ sɔbaa wɔlɔ sɔbaa nɛ. Bɛ kio, lɛ̀ sɔbaa wɔlɔ pɔsɔrɔwenpaa, Zeruzalɛmu kiwi kɛ laanka a kungɔn tɔn nə n dɔ. Sɛnɛ, bɛa biikoo lɛ n die goɛ̃ kaka.

Minin nimi 28:3

A pɛ ǹ nɛ dɔn, mà ǹ bɛ́ re mànan mɛnɛn koe masɛ la màn-bii lɛa, bɛn nə́ ke: lɛ̀ goon sère nɛ màn paa, wɔ̀lɔ̀ ná a ba ǹ ganaa wa, bɛn nə́ baraabaraa a *wúlu màn tiɛ̃ lɛa duduu.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Tesaloniki2 2:4

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.

Ebrəə 2:10

Sonbore, Lawa din na á màn tumaa zɛnaa, a din dɔ n màn tumaa tamaɛ. A na á goã giɛ li, mà a nɛnyaan gigiã dɔ a din a kiibaa guguru bǎã kɛ nɛ. Bɛ lɛ nɛ á zɛnaa, Yezu mɛn nə ǹ nyɛɛnaan bɔ kirisibaa ǹ zii lɛ la, bɛa sii tumaa lɛ pã fuu gɔ́ɔ̃ nɛ. Bɛ na á kɔnpɛ ka Lawa din sɔ̀n nɛ.

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»