Danayeli sɛ́wɔ 7:8 - LAWA A BOO SONBORE 2011

⁸ Ma bɛ́ giɛ a bɛnɛn lɛn ganaa, má yɛ bɛ̀ bɛn boɛɛn goon nə́ ke á bɔ ǹ bii, á bɛn bibinaan kɛn màn sɔɔ woɛ̃. Yii nànan man nə́ goã bɛa bɛn boɛɛn lɛ ganaa ka minbuiin nɛ yii nànan bɛ́ lɔn. Lɛ dɔ́ goã a ganaa, á goã din gole kɔ ǹ boon didiɛ nɛ.

Danayeli sɛ́wɔ 7:8 ပူးပေါင်းရင်းမြစ်များ

Loen 12:3

Maǹ soɛ kukuri kɔn nɛ. Ǹ lɛ gɔ́ɔ̃ yii n kɔn bebele ǹ boo. Ǹ ba boo diɛ ǹ nə́ n gɔ́ɔ̃ toɛ̃ wa.

Danayeli sɛ́wɔ 11:36

Sii mɛn bɛ́ kɔɔ̃n kii lɛ ganaa, a n die bɛ zɛnɛɛ. A n die n din gole koe, a n din soɛ kɔ lawan tumaa nɛ. Boo mɛn din doamaa bie ka diɛ-n wa, á re bɛ diɛ lawan Lawa kɛ ganaa. Á re giala yii a gɔn. Sɛnɛ, Lawa foo bɛ́ re yui ǹ mɛn pinaa, a boo mɛn da, a n die bɛa sii zɛnɛɛ.

Danayeli sɛ́wɔ 7:19

Tɔɔ lɛ a siibaa ǹ wɔ ke, man má goã giɛ li, ma bɛa sii a woo ǹ bǎã yɛ foaãnɛ. Asɛ laanka gialakunun lɛn man nə́ goã tɔtɔ, á goã nyɛ́ɛ diɛ parsiini. A sɔn man nə́ goã fɔlɔ lɛa, a gòon tɔnɔn nə́ zan lɛa. A na á goã màn soɛ̃, bɛ̀ a tɔtoɛ̃, a tɔtɔrɔ a gialakun la.

Tesaloniki2 2:4

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.

Timote2 3:2

A giala, minbuiinin tá re zuũ-bɔlen biɛ, ǹ ga màn li sii á re kaka koe. Ǹ tá re n dinin laakalɛɛ, ǹ nə n dinin gole kɔ. Ǹ tá re Lawa tɔ ziziɛ̃, ǹ ba re ǹ yɛ wolen bɔlɔ miɛ wa, ǹ ba re bǐɛ̃ doɛ̃ wa. Ǹ tá re n yii we Lawa la,

Piɛrɛ2 2:18

Sonbore, maǹ din gole kɔ laanka baãnaabaa ǹ boon diɛ. Min mɛnɛn soo a bɔ min yiri siɛ̃ wolen bii bɛ́ a tɔn belebɔ wa, maǹ gɔn diɛ bɛn ganaa, ǹ tá ǹ kuĩ ka ǹ dinin naarɛbaa ǹ dùũ sii babaraan nɛ.

Zude 1:16

Biikoo tumaa waáraa, ǹ dinin lɛn man zùũzùũ sii, ǹ nə́ min kɔsɔn zɛ̀rɛ biɛ. Maǹ koe ǹ dinin dùũ sii babaraan kɛn dininsɔɔ̃nɔn lɛ. Maǹ nə ǹ dinin gole kɔ ǹ boon diɛ. Maǹ min kɔsɔn bebele ǹ dinin là a lɛa.

Sii-nyaan 13:1

Bɛ lɛ ganaa, má tɔ́n Tɔɔ goon yɛ soe yìsi mu gole lɛ li. A bɛn nə fù, a mìi n sɔbaa. Kiibaa ǹ bafolo n we ne a bɛn gogoonmaa tumaa ganaa, sɔ kɔ Lawa ganaa ǹ boo n kiɛ̃ nɛ a mìi gogoonmaa tumaa ganaa.

Sii-nyaan 9:7

Bɛa bisinin lɛn man nə́ kɔnbɔ ka sùin mɛnɛn bɛ́ ǹ nə́ ǹ yɔrɔ bɔ, ǹ nə́ re woe ǹ ne zia la. Mànan manə ǹ mìi ganaa ka sana kii bafolon bɛ́ lɔn, ǹ yɔrɔn dɔn man nə́ kɔnbɔ ka minbuiin yɔrɔ nɛ.

Samayeli1 2:3

Ka baran din golee kɔ ǹ boo mɔnaa wa. Ka baran din koa ǹ boo da wa. Lawa mɛn bɛ́ sii-dɔɛ̃, bɛ n ka Dɛnaa Lawa nɛ. A din ni minbuiinin zɛnaa ǹ sii tumaa a kiri kuri.