Danayeli sɛ́wɔ 7:4 - LAWA A BOO SONBORE 2011

⁴ A bibinaa kɛ n ka yàra bɛ́ lɔn giogialatã-a nyàan ná a lon. Ma bɛ́ giɛ, má yɛ, ǹ ná a nyàan lɛn woɛ̃ ǹ nə́ ǹ bɔ a ganaa, ǹ ná a din kũ ǹ nə́ da lon a gòã paa la, ka minbuiin nɛ bɛ́ lɔn, minbuiinin taasiɛ nə́ n kɔ la.

Danayeli sɛ́wɔ 7:4 ပူးပေါင်းရင်းမြစ်များ

Samayeli2 1:23

Sayulu laanka Zonaatan sii goã kɔɔ̃n minin ganaa parsiini. Yiikoonaabaa gɔ́ɔ̃ nɛ, gɛ̀ gɔ́ɔ̃ nɛ, ǹ nə n na kɔn wa. Ǹ yii goã fuu ǹ nə́ la giogialatã-an manɛ, ǹ nə́ goã kaka ǹ nə́ la yàran manɛ.

Zɔbu 25:6

n tɔn minbuiin nɛ pɛ, bɛa nyuun kɛ lɛ, minbuiin nɛ kɛ lɛ ka nyuun bisin bɛ́ lɔn.»

Loen 9:20

Yoo, Dɛnaa Lawa! N nyan toa minbuiin nɛ gɔ̀lɔ̀ baa wa! Tɔrɔn tumaa bíi, ǹ da n din yɔrɔ-a, n kiri wɔ ǹ ganaa.

Zeremii 25:38

Lawa n soe n boe a bǎã nɛ ka yàra bɛ́ soe n boe daã-n lɔn. Zia baraa kɛ taman yii ka Dɛnaa Lawa a foo-yoo gole kɛ nɛ, gána lɛ diə gole baa.

Zeremii 4:13

Zɔ́ɔn lɛn nə́ ke: maǹ die ka la a tì bɛ́ lɔn, Ǹ ziabaa ǹ wotoron yii n fuu ka piɛ̃ gole bɛ́ lɔn, ǹ sùin yii n fuu á la giogialatã-a nɛ. Wàa koe n ka kɛ nɛ! Wɔ́ sàabaa!

Zeremii 4:7

Yàra soo tewon ne, min mɛn bɛ́ tɔrɔn ziziɛ̃, á ke die. A n soe a duru ǹ bǎã nɛ, die kaa gána lɛ ziziɛ̃. Kaa kiwin man die kɛbɔlɔn dadaran biɛ, min goon din ná a ba goɛ̃ ǹ nɛ wa.

Zeremii 48:40

Dɛnaa Lawa n kɛ pii: «Zɔ́ɔ n ka zèwo bɛ́ lɔn, piɛ̃, á n nyàan lɛ bɔ Moabu kiwi lalan.»

Zeremii 49:19

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎãn ganaa. Man die min tumaa goɛ bǎã goon ma wo ǹ ne, Bɛ kio, ma á re min goon boe kiã lɛa ma koa Edɔmu mìi la? Die n ka ma bɛ́ lɔn? Die n boe la a maa sii zɛnaa a nɔ̀n da ma la. Kiã mɛn nə boe la a n gòãn dii ma ganaa?

Busii pɛ 4:19

Min mɛnɛn bɛ́ wɔ kio lui, ǹ yii á fuu á la don a sian manɛ. Maǹ wɔ lui kelen la, maǹ kan koe wɔ nɛ diə ne.

Ezekieli 17:3

A pɛ ǹ nɛ, mà Dɛnaa Lawa n kɛ pii: Giogialatã-a gole ne, a nyàan nə́ dadara kɔ, a nyàa kan nə́ sɔsɔrɔ kɔ, á ka pã ka kɛkɛ, a ka lɛ n sɛsia wɔkaka. A na á daa Liban kele la, á da kaka kɛ goon mìi na,

Ezekieli 28:2

Minbuiin a nɛ, a pɛ Tiiri kiwi kɛ a kii ni mà masɛ Dɛnaa Lawa a da ǹ boo á ke: A giala, n nə́ n din gole kɔ, ń pɛ mà nsɛ n lawa lɛa, giã-n lawabaa ǹ kii dankan la, yìsi mun kɛn bii. A da yaa n nə n minbuiin nɛ lɛa, n bie Lawa lɛa wa. Sɛnɛ, n dɔ á ke, ń nə́ n din baa ka Lawa bɛ́ lɔn...

Ezekieli 28:9

Min mɛn lɛ bɛ́ re n dii, n yii a we n pɛ mà nsɛ n Lawa lɛa? N nə n minbuiin nɛ lɛa, n bie Lawa lɛa min kɛ lɛ gɔn die n foɛ̃ wa.

Danayeli sɛ́wɔ 2:38

Lawa lɛ minbuiinin wɔ n gɔn, don mànan nɛ ka bàanan nɛ. Haalɛ ta maǹ bǎã woo bǎã, Lawa na á n koa ǹ tumaa mìi la. Màn nyín lɛ mìi kɛ lɛ sana lɛa, n din kii ni.

Danayeli sɛ́wɔ 7:12

Tɔɔ lɛ a gialakunun kɛn, bɛn goledɛnaabaa nə́ n si ǹ la. Màn dɔ nə́ n da ǹ nyin a sasabaa li, bɛ̀ biikoo kɔn baa doe.

Danayeli sɛ́wɔ 7:5

Bɛ kio, bɛ̀ tɔɔ lɛ a paabaa ǹ wɔ á ke ka gòon màn gole kɔn bɛ́ lɔn. Á yoo á golee a wàã goon la, ka garasa we sɔɔ ná a lɛ-n, a sɔn nə́ ǹ ganaa. Ǹ nə́ tɔ́n pɛ nɛ, mà a yoo a golee lon duduu, a siĩ gigiã sɔ̃.

Matiə 24:28

Bɛ̀ màn gere a bǎã mɛn nɛ, zèwon ma nə n lɛ soekɔn walan.

Timəə dí-pɛn 28:49

Dɛnaa Lawa á re tɔrɔ kɔsɔn diɛ, ǹ bɔ bǎã sɔsɔɔ nɛ kanaa lɛ dàn ganaa ǹ da ka gialaa. Ka a bɛa tɔrɔn lɛn dinin bɔlɔ miɛ̃ wa. Maǹ die die ka gialaa, ka giogialatã-a wɔ bɛ́ lɔn.

Sii-nyaan 13:2

Ma Tɔɔ mɛn yɛ, a na á kɔnbɔ ka goe ne, a gòãn man nə́ kɔnbɔ ka gòon màn gole gòãn nɛ, a lɛ na á kɔnbɔ ka yàra lɛ nɛ. Tɔɔ babaraa piɛ̃-wole kɛ ná a din pàã kɔ la, ka a kii dankan nɛ ka boo sii la gole ne.