Danayeli sɛ́wɔ 7:28 - LAWA A BOO SONBORE 2011

²⁸ Boo lɛ a nya ǹ bǎã n ka kɛ nɛ. Siin lɛn nə́ masɛ Danayeli yiri lɔlɔkɔn parsiini, ma gɔ̀nɔn nə́ n si ma la. Sɛnɛ, má bɛa boon lɛn toa ma din gɔ́ɔ̃ nɛ.

Danayeli sɛ́wɔ 7:28 ပူးပေါင်းရင်းမြစ်များ

Siin Giala 37:10

Á bɛa narɛɛ lɛ dɔ laakalaa ǹ di ni, ka a bɛ́ á pɛ ǹ golon lɛn man lɔn. Ǹ di yoo a gialaa, á paparaa li: «Wàa-n narɛɛ tɔrɔ n ka bɛ nɛ ń wɔ? A nə n gɔ́ɔ̃-n kəni, mà masɛ laanka n dan ka n golon kɛn tá re die kiɛ tán n giulun ǹ kɔ́n pinaa?»

Siin Giala 37:11

Ǹ golon lɛn nə́ baa zɔ́ɔ, sɛnɛ, ǹ di lɛ bɛa sii lɛ koa a yiri ni.

Danayeli sɛ́wɔ 10:16

Bɛ kio, bɛ̀ minbuiin nɛ a kɔnboe á ke, bɛ nə́ n gɔn da ma lɛ ganaa. Má tɔ́n nə n lɛ bũ má boo da. Min mɛn lɛ bɛ́ golee-n ma nyɛɛnɛ, má pɛ bɛ nɛ: «Maa dɛnaagiĩ, ma sii mɛn yɛ, bɛ lɛ na á nyɛ́ɛ da ma ganaa, pàã din ba ma lon doo wa.

Danayeli sɛ́wɔ 10:8

Ǹ nə́ ma dinsɔɔ̃ toa walan kəni, má goã giɛ bɛa sii-nyaa gole lɛ ganaa. Pàã goon din goã ma lon doo wa, ma yɔrɔ dɔ nə́ n bɔyaa á ziziɛ̃. Pàã goon din goã ma lon wa.

Danayeli sɛ́wɔ 11:27

Kii min paa lɛ gɔ́ɔ̃ piɛ̃maa-n ka baraabaa nɛ. Maǹ die soɛn dininsɔɔ̃nɔn boboe kɔn nɛ kɔn-yɛ ǹ bǎã nɛ. Sɛnɛ bɛa re yɔrɔ yii wa. A giala, biikoo mɛn nə n koa sii lɛ a nya ǹ wɔ lɛa, bɛ tɔn dɔ wa.

Danayeli sɛ́wɔ 12:13

Nsɛ Danayeli, goã la kɛnɛn, yǎa a woe kiɛ a giala-nyɔmiɛ̃ lɛ. N tá re n susui, n tɔn yoo n nə n saraa si biikoo giala-nyɔmiɛ̃ waáraa.»

Danayeli sɛ́wɔ 12:9

Á tɔ́n pɛ ma nɛ: «Nsɛ Danayeli, wo kiĩni! A giala, boo kɛ lɛ doamaa nɛ a goã durii ni, a lɛ n tiɛ-n, yǎa biikoo giala-nyɔmiɛ̃ waáraa.

Danayeli sɛ́wɔ 4:16

Danayeli lɛ ǹ nə́ bíi Bɛlsazaara, kii a boo lɛ nyɛ́ɛ da a ganaa, a ná a yiri din lɔlɔkɔn. Á golee, boo din ba n diɛ la wa. Kii lɛ din tɔ́n pɛ nɛ: «Bɛlsazaara, narɛɛ kɛ laanka a giala baran n yiri lɔlɔkɔn wa.» Bɛlsazaara tɔ́n na a lɛ si á pɛ: – Maa dɛnaagiĩ, toa bɛ̀ narɛɛ lɛ yɔrɔ n dianɛ n zɔ́ɔn la. A bɛ́ sii mɛn giala pii, toa bɛ̀ a yɔrɔ n dianɛ n ziadɛnan la.

Danayeli sɛ́wɔ 4:19

Kii, bɛa da kɛ lɛ, n din ni! A giala, n dɔ nə n gole kɔ, ń pàã yɛ ka da kɛ lɛ bɛ́ lɔn. N golebaa lɛ nə́ n da wɔlɔ la, á woo yǎa lon, n goledɛnaabaa lɛ woo yǎa kanaa paǹ tumaa ganaa.

Danayeli sɛ́wɔ 5:6

A din bǎã-n gɔrɔ, kii yɔrɔ ziziɛ̃, a yiri nə́ n lɔlɔkɔn. A gù yii gã a din-a, a gɔ̀nɔn nə́ bìn diɛ.

Danayeli sɛ́wɔ 7:15

Masɛ Danayeli, ma yiri nə́ n lɔlɔkɔn, ma siin mɛnɛn yɛ, ǹ nə́ nyɛ́ɛ da ma-a.

Danayeli sɛ́wɔ 8:1

Bɛltazaara a kiibaa lɛ̀ sɔɔbaa ǹ wɔ, masɛ Danayeli sii kɔsɔ yɛ doo, bibinaa wɔ kɛ lɛ a yɛ kio.

Danayeli sɛ́wɔ 8:17

Ma din goã golee-n bǎã mɛn nɛ, Gabarayeli nə́ n zɔ̃ á dɔ walan. A bɛ́ á dɔ ma li, nyɛ́ɛ ma kũ, má bɔ má mɛnaa tán ma lɛ la. Á tɔ́n pɛ ma nɛ: «Minbuiin a nɛ, toa n narɛɛ kɛ lɛ giala ma koe! N sii mɛn lɛ yɛ, a n boo diɛ biikoo giala nyɔmiɛ̃ wɔ paǹ li.»

Danayeli sɛ́wɔ 8:19

Bɛ kio, á tɔ́n pɛ ma nɛ: «Sii mɛn bɛ́ re n zɛnɛɛ Lawa a foo-yoo kɛ taman yii, masɛ n die bɛ pii n ni. A giala, biikoo nə́ n koa giala-nyɔmiɛ̃ biikoo lɛa.

Danayeli sɛ́wɔ 8:27

Bɛa biikoo li, masɛ Danayeli gù gã ma din-a, má busu kɔ lɛawaa paa. Ma bɛ́ má yoo, má wusoo má woo kii a dí nya. Bɛa sii-yɛ kɛ lɛ masɛ yiri lɔlɔkɔn parsiini. Sɛnɛ, min kɔ́n goã maa yiri lɔlɔkɔn lɛ mìi doɛ̃ wa.

Marki 9:15

Yezu a daa zaman lɛ tɔwaa parsiini; ǹ bɛ́ ǹ nə́ Yezu yɛ lɔn gɔrɔ, ǹ nə́ baa si ǹ nə́ woo fòo da nɛ.

Luku 2:19

Sɛnɛ, Mariya sɛ na á goã bɛ tumaa tamaɛ a din yiri ni, bɛ̀ á n taasɛ a ganaa.

Luku 2:51

Bɛ kio, Yezu yoo á woo kunun ǹ ni Nazarɛti kiwi, á goã ǹ di laanka n dan bɔlɔ sii. N dan Mariya na á goã bɛa siin kɛn lɛn tumaa tamaɛ a gɔ́ɔ̃ nɛ.

Luku 9:44

«Ma bɛ́ die màn mɛn pii ka nɛ, ka n too kɔ bɛ ganaa sɔnbɔraanɛ: Minin tá re Min a Nɛgiĩ we min baraan gɔn.»