Danayeli sɛ́wɔ 7:24 - LAWA A BOO SONBORE 2011

²⁴ Tɔɔ bɛn fù kɛ n nyɛɛ mà kii fù n die yui bɛa pàã lɛ gɔ́ɔ̃ nɛ. Bɛn kio, goon kɔsɔ á re yui, á n tɔtɔ ka gialakunun kɛn lɛn nɛ. Bɛ á re kii sɔɔ dii.

Danayeli sɛ́wɔ 7:24 ပူးပေါင်းရင်းမြစ်များ

Danayeli sɛ́wɔ 11:36

Sii mɛn bɛ́ kɔɔ̃n kii lɛ ganaa, a n die bɛ zɛnɛɛ. A n die n din gole koe, a n din soɛ kɔ lawan tumaa nɛ. Boo mɛn din doamaa bie ka diɛ-n wa, á re bɛ diɛ lawan Lawa kɛ ganaa. Á re giala yii a gɔn. Sɛnɛ, Lawa foo bɛ́ re yui ǹ mɛn pinaa, a boo mɛn da, a n die bɛa sii zɛnɛɛ.

Danayeli sɛ́wɔ 2:41

N bɛ́ ń ná a gòãn laanka a tán a gòonən lɛn yɛ gì laanka fɔlɔ lɛa, bɛ n nyɛɛ, mà bɛa kiibaa lɛ á re n talɛɛ. Kakabaa mɛn bɛ́ fɔlɔ nɛ, bɛ á re yii a nɛ, ka a bɛ́ ke á fɔlɔ lɛ yɛ lɔloɛ-n kɔn ka gì lɛ-n lɔn.

Danayeli sɛ́wɔ 7:20

Bɛn fù ke á goã tɔɔ lɛ mìi ni, má nɔ̀n da ka bɛ dɔ a sii ni. Bɛn kɔsɔ mɛn dɔ na a giala kɔ á bɔ, á kɛn lɛn màn sɔɔ nyanaa á kaa, má nɔ̀n da la ka bɛ dɔ a sii ni. Bɛa bɛn lɛ yii nànan man nə́ goã ǹ tan, ka a lɛ nɛ, á goã din gole kɔ ǹ boon didiɛ nɛ. A n ka asɛ na á goã gole, á la ǹ miãn kɛn manɛ.

Danayeli sɛ́wɔ 7:23

Ma nɔ̀n da min mɛn la, á wusoo á pɛ ma-n kɛnɛn: «Tɔɔ lɛ a siibaa ǹ wɔ kɛ n boo diɛ kiibaa siibaa ǹ wɔ paǹ li, die die kanaa, tɔtɔ ka kiibaa gialakunun kɛn tumaa nɛ. Bɛ n die kanaa tumaa wɔ̃woɛ̃ kɔn, a pɔpɔsɛ, a tɔtɔrɔ la.

Sii-nyaan 12:3

Kaãbaa ǹ sii gole kɔsɔ dɔ nə́ n din nyaa lon doo: Tɔɔ babaraa piɛ̃ wole tã ganganbiɛ goon ne. A mìi n sɔbaa, a bɛn nə fù. Kiibaa ǹ bafolo n we-n a mìi sɔbaa lɛ gogoonmaa ganaa.

Sii-nyaan 13:1

Bɛ lɛ ganaa, má tɔ́n Tɔɔ goon yɛ soe yìsi mu gole lɛ li. A bɛn nə fù, a mìi n sɔbaa. Kiibaa ǹ bafolo n we ne a bɛn gogoonmaa tumaa ganaa, sɔ kɔ Lawa ganaa ǹ boo n kiɛ̃ nɛ a mìi gogoonmaa tumaa ganaa.

Sii-nyaan 17:3

Lawa a Yiri Fu taasiɛ da ma ganaa, má yɛ, lon a dia dí-a wole ma saa á woo ma nɛ don bii. Má lɔ goon yɛ á giã Tɔɔ goon la, Tɔɔ lɛ n tã, a gɔ̀nɔn tumaa kiɛ̃maa-n ka sɔ kɔ Lawa ganaa ǹ boo ne. A mìi n sɔbaa, a bɛn nə fù.