Danayeli sɛ́wɔ 7:2 - LAWA A BOO SONBORE 2011

² á pɛ: – Ma siin mɛnɛn yɛ maa narɛɛ lɛ gɔ́ɔ̃-n tèlò-n, bɛn man ka kɛn nɛ: piɛ̃ gole na á yoo kanaa a lɛ̀ gùrù sii kɛ tumaa ganaa, á n yìsi mu panapana kɛ gialaa.

Danayeli sɛ́wɔ 7:2 ပူးပေါင်းရင်းမြစ်များ

Izayii 17:12

Wàa koe n ka kɛ nɛ! Tɔrɔ damata gòã wuu á ke boe die. Ǹ gòã wuu n ka yìsi mu gole a ginii bɛ́ lɔn. Maǹ gini ka pàã nɛ ka yìsi mu gole bɛ́ gini lɔn.

Zeremii 49:36

Man die piɛ̃ sii diɛ Elamu la, boe kanaa gùrù sii tumaa ganaa. Man die Elamu minin lui bǎã tumaa nɛ, ǹ gùli-kɔlin tá re yii gána tumaa nɛ.

Zeremii 51:42

Yìsi mu na á yoo Baabilonii gialaa, A gùrù lɛ-a mu ke bɛ̀ á yoo lon, a n gini, bɛ́ daa n kɔ lɛ.

Danayeli sɛ́wɔ 11:4

Sɛnɛ, bɛ̀ a pàã lɛ gòãn nə́ wɔ tán taãn-taãnɛ ǹ mɛn waáraa, a gána lɛ á re ziziɛ̃, a n talakɔn kanaa a lɛ̀ gùrù sii kɛ bii. A gána lɛ a re doe a tɔrɔn ganaa wa, a goã pàã mɛn dɔ zɛnɛɛ, ǹ ba re bɛ dɔ yii wa. Kiibaa lɛ n die n sii la, a n kɔ min kɔsɔn la, sɛnɛ, bɛn pàã na a re doe a wɔ kɛ li wa.

Danayeli sɛ́wɔ 2:19

Lawa tɔ́n sii-durii lɛ nyaa Danayeli-n tèlò-n. Bɛ kio, Danayeli barka da lon a Lawa nɛ,

Danayeli sɛ́wɔ 7:13

Ma bɛ́ tɔn giɛ, ma màn mɛn yɛ maa tèlò a narɛɛ lɛ gɔ́ɔ̃-n doo, bɛ á ke: Má min yɛ ka min a nɛgiĩ bɛ́ lɔn, a n lon a labaran la die. Á daa yǎa giĩ zizi lɛ li, ǹ nə́ kũ ǹ nə́ daa nɛ a yɔrɔ-a.

Danayeli sɛ́wɔ 7:7

Bɛ kio doo, maa tèlò a sii-yɛn lɛn gɔ́ɔ̃ nɛ, ma bɛ́ giɛ, bɛ̀ tɔɔ lɛ a siibaa ǹ wɔ á ke. Bɛa tɔɔ lɛ na á goã nyɛ́ɛ diɛ taãn-taãnɛ, pàã ná a lon á kiɛ̃ a bǎã la. A sɔn man nə́ goã dadara, fɔlɔ lɛa. A na á goã màn soɛ̃ ka bɛn lɛn nɛ, bɛ̀ a tɔtoɛ̃, a tɔtɔrɔ a gialakun la ká a gòãn nɛ. Tɔɔn mɛnɛn tumaa goã ǹ nə́ daa a nyɛɛnɛ, a na á goã tɔtɔ ka bɛn nɛ. Bɛn fù na á goã a ganaa.

Danayeli sɛ́wɔ 8:2

Narɛɛ lɛ gɔ́ɔ̃ nɛ, ma bɛ́ giɛ, bɛ̀ ma dinmaa á ke Suuzu kiwi gole kɛ nɛ, Elamu gána nɛ. Ma yii na á goã ma din ganaa Ulayi tà kɛ lɛ-a.

Danayeli sɛ́wɔ 8:8

Butuu lɛ pàã daa á gole kɔ taãn-taãnɛ. Sɛnɛ, pàã bɛ́ a lon ǹ mɛn waáraa taãn-taãnɛ, bɛn gole lɛ yiɛ. Bɛn sɔsɔrɔ gegere màn sii bɔ a bǎã nɛ, ǹ gogoonmaa yɔrɔ n dia-n kanaa a lɛ̀ gùrù sii kɛ gogoon la.

Zakarii 6:5

Á ma lɛ si kɛnɛn: «Lon a piɛ̃ sii kɛ nɛ. Maǹ nə́ goã kunu tán tumaa a Dɛnaa li, kanna, maǹ woe.»

Matiə 24:31

Masɛ á die maa lon a dia dí-a wolen diɛ, bɛn gole wuu li, kanaa gùrù sii din tumaa ganaa, ǹ maa yii gɔgɔɔ̃ wolen lɛn lɛ sɔkɔn a saa kanaa lɛkoro goon ganaa, a wo a lɛkoro kɔsɔ yaa.

Sii-nyaan 17:15

Lon a dia dí-a wole lɛ tɔ́n pɛ ma-n doo: «N mun mɛnɛn tumaa yɛ naarɛbaali kɛ a giã ǹ bǎã nɛ, bɛn man gánan minin lɛa, ka zaman nɛ, ka tɔrɔn nɛ, ka bɔlɔ totoro pɛlen ne.

Sii-nyaan 7:1

Bɛ kio, má lon a dia dí-a wole màn sii yɛ golee-n tán gùrù sii kɛ ganaa. Ǹ nə́ tán a piɛ̃ màn sii kɛ kũ ǹ nə́ golee ne, ń giɛ piɛ̃ nyan bɔ tán la wa, a nyan bɔ yìsi mu gole la wa, a nyan kaa da kɔ́n ganaa wa.