Danayeli sɛ́wɔ 7:18 - LAWA A BOO SONBORE 2011

¹⁸ Bɛ kio, kiibaa lɛ á re doe lon a Lawa gole a zaman ganaa, á re goɛ̃ ǹ gɔn miɛ̃ yǎa duduu.»

Danayeli sɛ́wɔ 7:18 ပူးပေါင်းရင်းမြစ်များ

Loen 45:16

maǹ we ǹ ne ka nyɛnyɛɛ nɛ, ka foo kɔɔ̃nbaa nɛ, maǹ we kii a kion.

Loen 49:14

Min mɛnɛn bɛ́ n foo doɛ ǹ dinin ganaa ka kaka, boo-diɛ n kɔɔ̃nɛ ǹ ganaa ka wàa baa, bɛn sii bɛ́ re n biɛ lɔn biɛ̃, á ke. *Doa

Izayii 14:2

Tɔrɔ kɔsɔn tá re Izirayeli minin kuĩ ǹ wo ǹ koa ǹ gána nɛ. Dɛnaa Lawa a tán la walan, Izirayeli minin lɛn tá re n bɔyɛɛ ǹ bɛa minin lɛn baa bɛ̀rɛn lɛa, giĩn laanka lɔn nɛ. Min mɛnɛn nə ǹ baa bɛ̀rɛn lɛa lɛlɛ, ǹ dɔn tá re bɛn biɛ bɛ̀rɛn lɛa. Min mɛnɛn nə nɔmaa da ǹ mii-n lɛlɛ, ǹ dɔn tá re bɛn kiãn biɛ sisia.

Danayeli sɛ́wɔ 7:14

Goledɛnaabaa nə́ n kɔ la, gugurubaa nɛ, ka kiibaa nɛ. Tɔrɔ tumaa a minin ni, gána tumaa wɔn nɛ, ka bɔlɔ woo bɔlɔ a pɛlen ne, bɛn man nə́ goã dí nyɛɛ nɛ. A goledɛnaabaa ke, bɛ na a tan yǎa duduu, a re nyɛɛ wa, a kiibaa kɛ a re ziziɛ̃ duduu wa.

Danayeli sɛ́wɔ 7:17

«Tɔɔ dadaran kɛn lɛn màn sii, bɛ n nyɛɛ, mà kii màn sii á re yui tán.

Danayeli sɛ́wɔ 7:22

Sɛnɛ, giĩ gole zizi lɛ bɛ́ á daa, á sonbore kɔ lon a Lawa gole a minin lɛn la. Biikoo bɛ́ á dɔ, Lawa a minin lɛn nə́ kiibaa lɛ si ǹ nə́ giã la.

Danayeli sɛ́wɔ 7:25

Á re boo diɛ lon a Lawa gole kɛ ganaa, a bɔ a minin kɛn yii ni. Á re giɛ li dinin a dí-pɛn laanka zɔ́nɔn biikoon bɔyaa. Lawa a minin lɛn tá re goɛ̃ a gɔn yǎa lɛ̀ sɔɔ ka talɛɛ.

Danayeli sɛ́wɔ 7:27

Bɛa biikoo li, kiibaa mɛn tumaa á ke bǎã woo bǎã nɛ kanaa kɛ gɔ́ɔ̃ nɛ, bɛn tá re n koe lon a Lawa gole a minin lɛn la. Ǹsɛn kiibaa lɛ na a tan yǎa duduu, goledɛnan tumaa á re dí nyɛɛ ǹ nɛ, ǹ nə ǹ bɔlɔ si.»

Abdiasi 1:17

Sɛnɛ, min mɛnɛn bɛ́ re baa sii ǹ la, bɛn tá re n duri *Siɔn kele kɛ la, á re wusii a kele sonbore baa. Zakɔba tɔrɔn tá re wusii, ǹ nə ǹ bǎã si ǹ zɔ́ɔn la.

Luku 1:33

A n die giɛ̃ Izirayeli tɔrɔ minin mìi la yǎa duduu, a kiibaa a re nyɛɛ wa.»

Korɛnti1 6:2

Ka á doɛ̃ mà Lawa a zaman minin lɛn man die kiri we kanaa minin ganaa wa? Bɛ̀ ka dinin man die kiri we kanaa minin ganaa, a n siɛ lɔn, sii bɔnboɛɛnɛn mɛnɛn bɛ́ ǹ ba màn kɔ́n lɛa wa, ka a boe la ka á bɛn kiri kuri wa?

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Efɛɛzi minin 6:12

A giala, wɔ bie yɔ boe kɔn ka minbuiinin ni wa. Sɛnɛ, màn pàãdɛnan laanka ǹ goledɛnan mɛnɛn bɛ́ yii ná a ba ǹ ganaa wa, wɔ n yɔ boe kɔn ka bɛn laanka nɔ̀ɔn babaraan nɛ. Ǹsɛn lɛn man lon laanka tán biin ni, ǹ nə́ pàã la wɔlɔ tì kanaa kɛ-n kanna.

Sii-nyaan 20:4

Má tɔ́n kii dankanan yɛ. Min mɛnɛn bɛ́ giã nɛ ǹ la, ǹ nə́ lɛ kɔ ǹ la, mà ǹ dinin nə kiri kuru. Min mɛnɛn bɛ́ ǹ nə́ gɛ̀ wɔ lɛlɛ, Yezu a boo taãn laanka Lawa a boo a lɛa, ka ǹ mɛnɛn bɛ́ ǹ goã Tɔɔ kɛ laanka a nyín guguru koe wa, ǹ lɛ dɔ kɔ ǹ ná a nyaǹ kiɛ̃ ǹ nyanlɛ-a ka ǹ gɔn nɛ wa, má wusoo má bɛn telenboenən yɛ. Bɛn tumaa wusoo ǹ nə́ yiikoonaabaa yɛ, ǹ nə́ giã pàã la kun ka Krita nɛ, yǎa lɛ̀ duu goon.

Sii-nyaan 22:5

Tèlò a re koe wa, min kɔ́n laadoo a re goɛ̃ bolon fúlu ganaa, ka wasa a yoo lon ne wa, a giala mà Dɛnaa din tá re a fúlu kiɛ ǹ ganaa. Ǹ tá re goɛ̃ pàã la baraabaraa yǎa duduu.

Sii-nyaan 3:21

Min mɛn bɛ́ re gɔ̀lɔ̀ biɛ, ma á re lɛ koe la, a giã kun ma nɛ maa kii dankan nɛ, ka ma dɔ bɛ́ má gɔ̀lɔ̀baa yɛ, má woo giã maa Díi li a kii dankan nɛ lɔn.

Sii-nyaan 5:10

Kanna, ka bɛ nɛ, n nə́ ǹ tumaa bɔyaa duduu n nə́ ǹ baa wɔa Lawa a dí-nyalin lɛa, n nə́ ǹ baa a wúlu-bɔlen lɛa, n nə́ ǹ baa kii dadaran lɛa, ka boo taãnɛ, n nə ǹ baa kanaa tumaa a dɛnan lɛa.»