Danayeli sɛ́wɔ 6:8 - LAWA A BOO SONBORE 2011

⁸ Gána lɛ a goledɛnaa dadaran nɛ, a wɔrɔ sii-yɔrɔ bɔle ne, a gánadɛnaa dadaran nɛ, yiri kɔmala wolen laanka gánadɛnaa bisinin ni, ǹ tumaa kɔn yɛ, ǹ nə́ landa goon koa ka kii tɔ nɛ, ǹ nə́ kɛ pɛ ǹ nə́ laa: «A saa pelo ganaa a wo dɔ lɛawaa pɔsɔɔ, bɛ̀ min mɛn kii din toa walan, á lawa kɔsɔ hinlaa minbuiin nɛ nyankɔ, ǹ die ǹ bɛa dɛnaa kũ ǹ zũ yàran yala kɛ nɛ.»

Danayeli sɛ́wɔ 6:8 ပူးပေါင်းရင်းမြစ်များ

Ɛsit 1:19

Bɛ̀ kii lɛ din dùũ ni, a boo da, kii a boo lɛa, bɛa boo lɛ nə n kiɛ̃ Pɛrsi gána laanka Mɛdi gána a sii zɛnaa ǹ landan sɛ́wɔ nɛ, bɔlɔ bɔyaa ná a ba a-n wa. A kɔnpɛ ka bɛa boo lɛ nɛ, Vastii ba die kii yɔrɔ-a doo wa, kii lɛ tá re Vastii a kii a lɔbaa lɛ sii a kɔ lɔ kɔsɔ la, ǹ mɛn nə́ ke soɛ nɛ.

Ɛsit 3:12

Min mɛnɛn bɛ́ kii a sɛ́wɔ-kiɛ̃lin lɛa, ǹ nə́ tɔ́n lɛ dia bɛn la, lɛ̀ a mui bibinaa a lɛawaa fulusɔɔbaa ǹ wɔ li. Ǹ nə́ sɛ́wɔ lɛ kiɛ̃ á kɔnpɛ ka Haman a da ǹ boo ne ka te. Ǹ nə́ dia kii a kiodɛnan la, ka gána lɛ a bǎã gogoonmaa a pàãdɛnan nɛ, ka tɔrɔ gogoonmaa a nyɛɛnaandɛnan nɛ. A ná n kiɛ̃ ka bǎã gogoonmaa a sɛ́wɔ kiɛ̃ ǹ gɔn nɛ, ka tɔrɔ gogoonmaa a bɔlɔ nɛ. Man nə́ sɛ́wɔ lɛ kiɛ̃ ka kii Zɛrzɛsi tɔ nɛ, ǹ ná a gòon ganaa ǹ kaaran lɛ bǎã da la, kii gɔn bǎã lɛa.

Ɛsit 8:10

Maǹ nə́ sɛ́wɔ lɛ kiɛ̃ ka kii Zɛrzɛsi tɔ nɛ, ǹ nə́ kii gòon ganaa ǹ kaaran bǎã da la, bɛ kio, ǹ nə́ ǹ kɔ dia dí-a wolen la ǹ nə́ woo ǹ koa. Bɛa dia dí-a wolen lɛn man nə́ dii pàã sùin la. Maǹ nə́ bɛa sùin lɛn tɔrɔ bɔ a tɔ-a.

Ɛsit 8:3

Ɛsitɛɛrɛ wusoo doo á boo da kii lɛ yɔrɔ-a. A na á kaa tán kii lɛ giulun, á wuu pɛ, a ná a nyankɔ, mà Agaagi tɔrɔ Haman lɛ bɛ́ giɛ li a da ka koe mɛn nɛ, mà kii lɛ bɛ lɛ goa. Mà Haman sii mɛn yɔrɔ bɔ á die ne Zuifun lɛn gialaa nɛ, mà kii lɛ bɛ lɛ goa.

Ɛsit 8:8

Sisia, ka dɔn nə sɛ́wɔ kiɛ̃ ka dinin foo yii li, ka dia Zuifun lɛn la ka kii tɔ nɛ, ǹ kii a gòon ganaa ǹ kaaran lɛ bǎã da la. A giala, bɛ̀ sɛ́wɔ nə́ n kiɛ̃ ka kii tɔ nɛ, kii a gòon ganaa ǹ kaaran kɛ bǎã nə́ n da la, bɛa boo ba boe la a n bɔyaa doɛ̃ doo wa.»

Loen 94:21

Maǹ yɔ boe min peperen ganaa, maǹ zɛ̀rɛ koɛ zɛ̀rɛbaãnan ganaa.

Izayii 10:1

Min mɛnɛn bɛ́ dí-pɛ kɔkɔrɔn koɛ, landa sɛ́wɔn kiɛ̃, koe boe ǹ miãn ganaa nɛ, bɛn wɔ n ka bɔ̀n nɛ.

Danayeli sɛ́wɔ 5:28

Uparsini, bɛ giala mà "Gii": Bɛ n nyɛɛ mà Lawa nə́ n kiibaa lɛ gii Mɛdi minin laanka Pɛrsi minin bii.»

Danayeli sɛ́wɔ 6:12

Min mɛnɛn lɛn bɛ́ kɔn ka Danayeli ni, bɛn nə́ yiɛ ǹ nə́ daa a piɛ, ǹ nə́ daa yaa Lawa nyankoe, a n gòã-kũ diɛ a ganaa.

Danayeli sɛ́wɔ 6:15

Kii din bɛa boon lɛn ma lɔn, a foo ziziɛ̃ parsiini. A na á goã giɛ Danayeli walan, màn mɛn bɛ́ toɛ asɛ si a da. Wasa na á woo mɛ, bɛ̀ á n tɔn nə n doɛ, mà asɛ si a da.

Matiə 24:35

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa, maǹ goɛ̃ yǎa duduu.