Danayeli sɛ́wɔ 6:7 - LAWA A BOO SONBORE 2011

⁷ Bɛa goledɛnaa dadaran laanka gánadɛnaa dadaran lɛn nə́ woo dɔ kii li ka baa nɛ, ǹ nə́ pɛ nɛ kɛnɛn: – Kii Dariyusu, Lawa die a n nyin toa yǎa duduu!

Danayeli sɛ́wɔ 6:7 ပူးပေါင်းရင်းမြစ်များ

Loen 10:9

a nə n duri á kuu koe, ka yàra bɛ́ kuu koe daã-n lɔn. A n kuu koe doobaa ganaa á n kuĩ, a na a biɛ koɛ á n doobaa kuĩ ni.

Loen 2:2

Kanaa lɛ a kiin nə́ n lɛ kaa kun, a min dadaran lɛn nə́ yoo Dɛnaa Lawa gialaa, kun ka a kii kɛ nɛ, á bɔ á koa.

Loen 59:3

Ma si sii baraa-zɛnaalin kɛn la, n ma kirisibaa mà-kaali bɔbɔnɛɛn kɛn-a.

Loen 59:5

Ma sii kɔkɔrɔ kɔn zɛnaa wa. Sɛnɛ, maǹ baa sii n naɛ, ǹ nə́ kuu koe ma ganaa. Yoo n nə n dɔ ma lɛ, n da ma lɛ n ga dɛ!

Loen 62:4

Ka tumaa n die n lɛ kiɛ kun yǎa biĩ, mà ka n yui min goon gialaa, ka n die, ka ǹ bɛ́ kungɔn talaa wole, hinlaa bìn dii wole die ǹ kaa lɔn?

Loen 83:5

Maǹ pii kɛnɛn: Ka daa, wɔ ǹ gána tuturu, min din baran Izirayeli tɔ pɛ doo wa.

Loen 94:20

Ma á doɛ̃. Min babaraan kɛn bɛ́ kiri kɔkɔrɔn mɛnɛn we, ǹ nə́ ǹ ba kɔnpii n boo-n wa, ǹ nə́ nɔmaa kiɛ wɔlɔ la, n ba lɛ koe bɛ-a wa.

Danayeli sɛ́wɔ 2:4

Doɛ̃-wɔlen lɛn nə́ tɔ́n pɛ kii ni ka Aramu bɔlɔ nɛ: «Lawa kii nyin toa yǎa duduu. N narɛɛ lɛ pɛ wɔsɛn manɛ, wɔ á re a binyəə koe n la.»

Danayeli sɛ́wɔ 3:11

Bɛ̀ min woo min nə́ n piã mà a ba kiɛ tán a na a guguru kɔ wa, wɔ bɛa dɛnaa kũ wɔ zũ nyankɔrɔ tɛ girigiri kɛ bii.

Danayeli sɛ́wɔ 3:2

Bɛ kio, Nebukadenezɔɔrɔ minin dia, mà ǹ wo lɛ dia gánadɛnaa dadaran la, wɔrɔ sii yɔrɔ bɔlen ne, gánadɛnaa bisinin ni, yiri kɔ minin la wolen ne, wɔrɔ-tamaalin ni, landa a sii yɔrɔ bɔlen ne, kiri-kurulin ni ka pàã dí-nyalin tumaa nɛ, màn mɛn bɛ́ toɛ, a din nə màn nyín mɛn lɛ doa, ǹ da bɛa zɔ́n ganaa. Ǹ tumaa daa n sɔkɔn bɛa zɔ́n lɛ taman yii, ǹ nə́ golee màn nyín lɛ yɔrɔ-a.

Danayeli sɛ́wɔ 3:27

Bɛ kio, kii lɛ a gánadɛnaa dadaran nɛ, a wɔrɔ sii yɔrɔ-bɔlen ne, a gánadɛnaa bisinin laanka a yiri kɔmala wolen ne, bɛn nə́ paã ǹ nə́ ga minin lɛn ganaa. Ǹ nə́ yɛ mà tɛ lɛ màn kɔn zɛnaa ǹ gɔ̀nɔn nɛ wa, a ǹ mìi ka dodolo wa, ǹ mɔnaan manə ǹ dinin yii lɛa, tɛ gìĩ din ba ǹ ganaa wa.

Danayeli sɛ́wɔ 3:6

Bɛ̀ min woo min nə́ n piã mà a ba kiɛ tán a na a guguru kɔ wa, ǹ die ǹ bɛa dɛnaa kũ a din bǎã nɛ, ǹ zũ nyankɔrɔ tɛ girigiri kɛ bii.»

Danayeli sɛ́wɔ 6:16

Sɛnɛ, minin lɛn nə́ wusoo ǹ nə́ yiɛ ǹ nə́ woo kii li, ǹ nə́ pɛ nɛ: «Kii, táa n din tá doɛ̃ mà a kɔnpɛ ka Mɛdi minin laanka Pɛrɛsi minin landa nɛ, bɛ̀ kii din pɛ mà sii mɛn ba n zɛnɛɛ wa, bɛ̀ á landa mɛn koa, bɛ ba n bɔyɛɛ wa.»

Danayeli sɛ́wɔ 6:22

Danayeli tɔ́n pɛ kii ni: «Kii, Lawa die a n nyin toa yǎa duduu!

Misee 6:5

Moabun kii Balaaki bɛ́ á goã mà a n die sii mɛn zɛnɛɛ ka nɛ, Pewɔɔrɔ a nɛgiĩ Balaamu na a lɛ si ka boo mɛn nɛ, kaa toa Sitimu a da Gilgaali ke, maa minin, ka toa ka n taasɛ ka bɛn nɛ. Ka á re doɛ̃ kəni, mà Dɛnaa Lawa sii sonboren zɛnaa ka nɛ.»

Nahumu 2:12

Lɛlɛ, Ninivu na á goã ka yàran bǎã bɛ́ lɔn. A na á goã yàra sa laanka yàra dan a woo ǹ bǎã lɛa, Maǹ nə ǹ nɛn toe ǹ nə́ ǹ tamɛɛ a nɛ, ǹ ba nyɛ́ɛ biɛ màn kɔn nɛ wa.

Matiə 12:14

Fariziɛ̃n nə́ soo ǹ nə́ woo n lɛ sɔkɔn, ǹ nə́ ga Yezu dɛ ǹ gɔn li.

Matiə 26:4

ǹ nə́ n lɛ kaa kun boo goon ganaa, mà maǹ die Yezu kuĩ ka durii ni ǹ dɛ.

Marki 15:1

Baayɛlɛ yiisoon ne, kiri-kurulin tumaa, Lawa a wúlu-bɔlen goledɛnan laanka landa sii-daraalin nə́ kɔn yɛ fufuu, ǹ nə́ n lɛ kaa kun boo goon ganaa. Ǹ nə́ Yezu yii ǹ nə́ woo kɔ gánadɛnaa Pilati la mà a kiri wɔ a ganaa.

Zaã a sɛ́wɔ 12:10

A kũ bɛ lɛ ganaa, wúlu-bɔlen goledɛnan nə́ golee la, mà yǎa ǹsɛn nə Lazaarɛ dɔ dii a giɛ̃,