Danayeli sɛ́wɔ 6:4 - LAWA A BOO SONBORE 2011

⁴ Sɛnɛ, Danayeli sɛ la min paa kɛ lɛ laanka gánadɛnaa dadaran lɛn manɛ. A giala, yiri goã a lon á la yii ni. Bɛ lɛ nɛ, a n kii lɛ din gɔ́ɔ̃ nɛ, mà asɛ koa gána lɛ tumaa mìi la.

Danayeli sɛ́wɔ 6:4 ပူးပေါင်းရင်းမြစ်များ

Siin Giala 41:38

Faarahɔn tɔ́n pɛ ǹ nɛ: «Wɔ á re min kɔsɔ yii ka giĩ kɛ bɛ́ lɔn Lawa Yiri ná a lon?»

Siin Giala 43:18

Ǹ bɛ́ ǹ nə́ wɔ ǹ nɛ Zozɛfu a kion, nyɛ́ɛ nə́ ǹ kũ. Maǹ nə́ goã pii: «Ǹ wɔrɔ mɛn kaa wɔa belee boroon ne, wɔa da lɛlɛ lɛ li, bɛ lɛ a boo ne. Maǹ nə́ daa ka wɔ nɛ, màn mɛn bɛ́ toɛ, ǹ fuu nyaa wɔ nɛ, ǹ yoo wɔ gialaa, ǹ wɔ dɛ ka bɛ̀rɛn bɛ́ lɔn, ǹ wɔa dundunun kɛn si.»

Suusun 29:27

Sii kɔkɔrɔ zɛnaalin tìĩ boe maa-n min peperen nyin ni. Min peperen tìĩ boe maa-n min baraan nyin ni.

Boo-laakalaali 4:4

Má yɛ dɔn, máa dí din tumaa, sii a bǐɛ̃-kɔ din tumaa, foo a wuu pɛ kɔn li ni. Bɛ dɔ giala banban, a n piɛ̃ loo lɛa.

Zeremii 18:18

Minin man pii: «Ka daa wɔ boo wɔ kɔn Zeremii ganaa! Wɔa foɛ̃ Lawa a wúlu-bɔle li a wɔ daraa dí-pɛn ganaa wa, hinlaa sii-dɔ̃li li a yiri kɔ wɔ la wa. Wɔa foɛ̃ Lawa a boo gii-dali li a Lawa a boo da wɔ-n wa. Ka wɔ n tan, wɔ yoo a gialaa, wɔ boo baraa da a ganaa. Wɔ nyan nə n too kɔ a da ǹ boon li wa!»

Zeremii 18:23

Nsɛ Dɛnaa Lawa, ǹ bɛ́ sii mɛn yɔrɔ boe màn mɛn bɛ́ toɛ ǹ ma nyin bɔ, ń tá bɛ doɛ̃ taãn nɛ. N nyan nə ǹ sii baraan toa ǹ nɛ wa! N nyan nə ǹ siɛ̃n tuturu wa! Toa ǹ mɛnaa n yɔrɔ-a! N foo-yoo pinaa, yoo ǹ gialaa!

Zeremii 20:10

Má boo baraa gigiã ma minin lɛ-n. Maǹ pii: «Nyɛ́ɛ n bǎã tumaa nɛ.» Ǹ tɛnɛn dɔn man pii: «Ka a giala da kanaa.» Maa giaáran dinin man giɛ maa mɛnaa li. Maǹ pii: «Kɔntan, wɔ á re tɔwɛɛ, wɔ pàã la nɛ, wɔ wɔa gɛ̀ dòo bɔ a ganaa!»

Zeremii 29:7

Ka dí nya kaa gùli kɔ ǹ kiwi lɛ nɛ màn mɛn bɛ́ toɛ a wo nyɛɛnɛ. Ka Dɛnaa Lawa nyankɔ a lɛa a giala kaa yii-nyɛɛ n boe bɛa kiwi kɛ lɛ a là nyantoro li.»

Danayeli sɛ́wɔ 3:8

Bɛ gɔ́ɔ̃ nɛ, Baabilonii minin kɔnɔn nə́ kiɛ̃ a din bǎã-n gɔrɔ, ǹ nə́ daa Zuifun lɛn biɛ kɔ kii ni.

Danayeli sɛ́wɔ 5:12

A giala, ǹ nə́ yɛ mà yiri tá bɛa Danayeli lɛ lon á la yii ni. Màn-doɛ̃ laanka sii giala ma tá a lon, á boe la a narɛɛn giala pɛ, a sii-duriin nyaa, a sii kakan yɔrɔ bɔ. Bɛa Danayeli kɛ lɛ, kii Bɛlsazaarabaa wɔ a ganaa, ka bɛ lɛ bíi a da sisia. Sɛ́wɔ-kiɛ̃ lɛ bɛ́ sii mɛn giala pii, á re bɛ nyɛɛ ka nɛ.»

Danayeli sɛ́wɔ 6:22

Danayeli tɔ́n pɛ kii ni: «Kii, Lawa die a n nyin toa yǎa duduu!

Matiə 26:4

ǹ nə́ n lɛ kaa kun boo goon ganaa, mà maǹ die Yezu kuĩ ka durii ni ǹ dɛ.

Matiə 27:18

A giala Pilati dɔ̃ parsiini, mà foo a wuu pɛ na á toa ǹ nə́ Yezu wɔ asɛ gɔn.

Luku 20:20

Ǹ nə́ nɔmaa ǹ nə́ giɛ Yezu gɔn li. Ǹ nə́ minin bɔ, bɛn nə́ n dinin baa ka maǹ min peperen lɛa, ǹ nə́ ǹ dia Yezu li. Bɛn man nə́ goã giɛ li ǹ Yezu kũ a din lɛ gɔ́ɔ̃ ǹ boo-a, a n baa a gòãn kuru pàãdɛnan li ǹ gɔn lɛa.

Luku 20:26

Ǹ boo la ǹ nə́ sã ǹ boo kɔn kũ Yezu lɛ-n zaman lɛ yɔrɔ-a wa. Ǹ nə́ n kaãbaa Yezu a boo lɛ si ǹ gɔn lɛ ganaa, yǎa ǹ nɔmaa ǹ nə́ n lɛ tã.

Luku 22:2

Wúlu-bɔlen goledɛnan nɛ ka landa sii-daraalin man nə́ goã giɛ li ǹ Yezu kũ ka durii ni ǹ dɛ, a giala, maǹ nə́ goã nyɛ́ɛ biɛ zaman lɛ nɛ.

Zaã a sɛ́wɔ 19:4

Pilati nə́ n bɔyaa á daa kanaa doo á pɛ zaman lɛ nɛ: «Á ke, man die soe-n kanaa ma kɔ ka la, màn mɛn bɛ́ toɛ, ka dɔ̃ mà ma zɛ̀rɛbaa ǹ sii kɔ́n yɛ a ganaa wa.»

Korɛnti2 11:12

Doo, ma bɛ́ maa sii zɛnɛɛ lɔn, man tɔn die zɛnɛɛ miɛ̃, ń giɛ min mɛnɛn bɛ́ giɛ gɔn kũ ǹ bǎã li, mà ǹ nə n dinin laakalaa, ǹ pɛ mà ǹsɛn dɔn man dí tɔrɔ goon nyɛɛ ka masɛ nɛ, bɛ nyan yɔrɔ yɛ ǹ li wa.

Filipi minin 2:15

Ka zɛnaa miɛ̃, ń giɛ ka á goɛ̃ *yoreen ne, zɛ̀rɛ baãnaan lɛa, ka goã Lawa a nɛnyaanan lɛa, sɔ̀n ná a ba ka ganaa, kanaa min kɔkɔrɔ babaraan kɛn bii wa. Ka doamaa nɛ ka wɔlɔ fúlu bɔ ǹ bii, ka bólonən bɛ́ lɔn,

Timote1 5:14

Bɛ lɛ-n ma á giɛ li, máa lɔ giɔɔrɔ tenən nə wusoo ǹ wɔ giĩ li, ǹ nɛnyaanan yɛ, ǹ ga ǹ dinin kion walan, màn mɛn bɛ́ toɛ, wɔa zɔ́ɔn baran wɔ tɔ ziziɛ̃ wa.

Tiitii 2:8

Boo peperen da, ǹ nə́ ǹ ba boe la ǹ lɛ pɔrɔ ǹ ganaa wa. Ń giɛ n zɔ́ɔn tá goɛ̃ ka sìi ni, ǹ yii ná a ba baraa kɔ́n ganaa, ǹ tá diɛ wɔa wɔ paǹ li wa.

Piɛrɛ1 2:12

Ka toa kaa tɔ wɔ ǹ gɔn siĩn kɔ Lawa-nyankɔle baãnaan bii, màn mɛn bɛ́ toɛ, tà maǹ ka tɔ ziziɛ̃, mà ka n baraa-zɛnaalin lɛa ka sii mɛn nɛ, kaa nya ǹ dí sonboren kɛn doɛ̃ nə n baa pàã lɛa ǹ ganaa, ǹ boo la ǹ Lawa guguru kɔ a din nyaa ǹ nɛ pinaa.

Piɛrɛ1 3:16

Sɛnɛ, ka bɛ zɛnaa ka foo-basiɛ̃ nɛ, ka min kɔsɔ guguru kɔ nɛ. Ka baran toa ka foo ka zɛ̀rɛ baa ka sii kɔ́n nɛ wa, màn mɛn bɛ́ toɛ, ta maǹ ka tɔ ziziɛ̃ ka sii kɔ́n nɛ, min mɛnɛn dinin bɛ́ boo baraa diɛ ka ganaa, kaa tɔ wɔ ǹ gɔn sonbore kɛ a lɛa kun ka Krita nɛ, sìi wusoo a bɛn kũ.

Sii yɔrɔ-bɔlen 14:4

Ǹ di laanka ǹ dan goã doɛ̃, mà bɛa sii lɛ n boe Dɛnaa Lawa li wa. A giala, Dɛnaa Lawa na á goã giɛ gɔn kũ ǹ bǎã li, a yoo Filisiti minin lɛn gialaa. Bɛa biikoo li, Filisiti minin lɛn man nə́ goã Izirayeli minin lɛn mìi la.

Samayeli1 12:4

Izirayeli minin lɛn ná a lɛ si: «N mɛnaa wɔ la wa. N bɔ wɔ yii-n wa. N màn si min la wa.»

Samayeli1 18:14

A soon lɛn tumaa gɔ́ɔ̃ nɛ, á goã gɔ̀lɔ̀baa yii, a giala Dɛnaa Lawa goã kun ni.

Samayeli1 22:14

Akiimelɛki kii lɛ lɛ si á pɛ-n kɛnɛn: «N dí-nyalin lɛn tumaa bii, die na a tan ka Davida bɛ́ lɔn foo n doa nɛ a ganaa? A n kii lɛ daãgiĩ lɛa, min mɛnɛn bɛ́ kii lɛ lɛduĩ, a n bɛn goledɛnaa lɛa. Á guguru kii lɛ a kion.