Danayeli sɛ́wɔ 6:28 - LAWA A BOO SONBORE 2011

²⁸ A din nə min boe sii ni, a din nə min kirisibiɛ. Sii nyaa ǹ siin laanka kaãbaa ǹ sii dadaran kɛn, a din nə bɛn zɛnɛɛ lon laanka tán nɛ. Sonbore, a din na á Danayeli si yàran la á da.»

Danayeli sɛ́wɔ 6:28 ပူးပေါင်းရင်းမြစ်များ

KZS2 36:22

Pɛrsin kii Siirusu a kiibaa lɛ̀ bibinaa li, Dɛnaa Lawa goã á boo mɛn wɔ Zeremii lɛ-n, a n li bɛ nə n zɛnaa. Á tɔn Siirusu yiri bũ mà a sɛ́wɔn kɛn nyaa gána lɛ tumaa nɛ. Siirusu bɛa boon lɛn pɛ gána lɛ tumaa nɛ, á baa sɛ́wɔ-kiɛ̃ lɛa dɔn dinin á dia:

KZS2 36:23

– Pɛrsin kii Siirusu a da ǹ boo á ke: «Dɛnaa Lawa, lon a Lawa kanaa gánan tumaa kaa ma pàã giulun, á pɛ ma nɛ mà ma kion dɔ asɛ wɔ lɛa Zeruzalɛmu, Zudaa gána nɛ. Min mɛn tumaa bɛ́ kun ka nɛ, Lawa a zaman lɛa, a Lawa, Dɛnaa Lawa die a goã kun ni, a n bɔyaa a da Zeruzalɛmu!»

Loen 77:15

N dinsɔɔ̃ n kaãbaa ǹ sii sonboren zɛnɛɛ, ń nə́ n boo sii la kɛ nyaa tɔrɔ kɔsɔn manɛ.

Izayii 44:28

Man kɛ pii kii Siirusu a paǹ li: «Maa zaman-lɛduə̃li ni.» Sii mɛn tumaa bɛ́ kɔɔ̃n ma ganaa, a n bɛ zɛnɛɛ. Á re pii mà ǹ wusoo ǹ Zeruzalɛmu kiwi dɔ, ǹ wusoo ǹ Lawa a kion lɛ dɔ.

Zeremii 32:20

Lɛlɛ, Ezipti gána nɛ, ń kaãbaa siin zɛnaa. Haalɛ tɔn pelo, Izirayeli nɛnyaanan bii ka tɔrɔn tumaa nɛ, n bɛ́ màn mɛn lɛa, n nə ǹ tɔn bɛ nyɛɛ, ka wɔ yii bɛa ganaa sisia lɔn.

Danayeli sɛ́wɔ 1:21

Bɛ lɛ nɛ Danayeli goã walan, yǎa kii Siirusu a pàã saa lɛ̀ bibinaa li.

Danayeli sɛ́wɔ 10:1

Pɛrɛsin kii Siirusu a kiibaa lɛ̀ sɔɔbaa ǹ wɔ li, Danayeli mɛn bɛ́ ǹ tá bíi Bɛlsazaara, sii kɔn nə́ n nyaa bɛ nɛ. Bɛa sii lɛ n taãn lɛa a n boo diɛ nɔmaa dadaran wɔ paǹ li. Danayeli nə́ n taasɛ bɛa sii lɛ ganaa, a ná a giala ma sii-nya barka nɛ.

Danayeli sɛ́wɔ 3:29

Bɛ lɛ nɛ, masɛ á kɛ pii koɛ tán: «Tɔrɔn tumaa bii, gána woo gána nɛ, bɔlɔ woo bɔlɔ a pɛlen bii, bɛ̀ min mɛn boo baraa da Sadraki laanka Mesaki ka Abɛdi-Negoo a Lawa ganaa, ǹ die ǹ bɛa dɛnaa kakã, ǹ na a kion bɔyaa, ǹ baa kɛbɔlɔ lɛa. A giala, lawa kɔsɔ banban, a boo la a min bɔ sii-n kɛnɛn wa.»

Danayeli sɛ́wɔ 5:28

Uparsini, bɛ giala mà "Gii": Bɛ n nyɛɛ mà Lawa nə́ n kiibaa lɛ gii Mɛdi minin laanka Pɛrsi minin bii.»