Danayeli sɛ́wɔ 6:25 - LAWA A BOO SONBORE 2011

²⁵ Kii tɔ́n pɛ, mà min mɛnɛn lɛn nə goã ǹ nə́ Danayeli biɛ kɔ, mà ǹ bɛn kũ ǹ da ǹ nɛ. Ǹ nə́ ǹ kũ ǹ nə́ daa ǹ zũ yàran yala lɛ nɛ, ǹ lɔn laanka ǹ nɛnyaanan nɛ. Yàran lɛn nə́ ǹ kũ, ǹ nə́ ǹ pɔpɔsɛ kɔn, bɛ̀ ǹ tɔn dɔ tán yala lɛ din gɔ́ɔ̃-n wa.

Danayeli sɛ́wɔ 6:25 ပူးပေါင်းရင်းမြစ်များ

Ɛsidrasi 4:17

Kii lɛ tɔ́n sɛ́wɔ kɛ dia a binyəə lɛa: «Kii kiodɛnaa Rewumu, sɛ́wɔ-kiɛ̃li Simusayii, ka ǹ miã gialakunun mɛnɛn bɛ́ giã-n Samarii kiwi, ka Efrati tà a lɛ̀nyɛɛn gɔn la a bǎã gialakun ni, ka fòo.

Ɛsit 3:12

Min mɛnɛn bɛ́ kii a sɛ́wɔ-kiɛ̃lin lɛa, ǹ nə́ tɔ́n lɛ dia bɛn la, lɛ̀ a mui bibinaa a lɛawaa fulusɔɔbaa ǹ wɔ li. Ǹ nə́ sɛ́wɔ lɛ kiɛ̃ á kɔnpɛ ka Haman a da ǹ boo ne ka te. Ǹ nə́ dia kii a kiodɛnan la, ka gána lɛ a bǎã gogoonmaa a pàãdɛnan nɛ, ka tɔrɔ gogoonmaa a nyɛɛnaandɛnan nɛ. A ná n kiɛ̃ ka bǎã gogoonmaa a sɛ́wɔ kiɛ̃ ǹ gɔn nɛ, ka tɔrɔ gogoonmaa a bɔlɔ nɛ. Man nə́ sɛ́wɔ lɛ kiɛ̃ ka kii Zɛrzɛsi tɔ nɛ, ǹ ná a gòon ganaa ǹ kaaran lɛ bǎã da la, kii gɔn bǎã lɛa.

Ɛsit 7:10

Haman goã á gɔn mɛn yɔrɔ bɔ Mardoose wɔ lɛa, ǹ nə́ tɔ́n Haman dinmaa bɔlɔ yu bɛ ganaa lon. Bɛa biikoo li, kii lɛ foo tɔ́n waa.

Ɛsit 8:9

Ǹ nə́ lɛ dia kii a sɛ́wɔ-kiɛ̃lin la a din bǎã nɛ. *Sivan mui ke lɛ̀ a mui sɔɔbaa ǹ wɔ lɛa, bɛa lɛawaa fuəwensɔɔbaa ǹ wɔ nɛ, ǹ nə́ sɛ́wɔ lɛ kiɛ̃, á kɔnpɛ ka Mardoose a da ǹ boon ne. Ǹ nə́ dia Zuifun lɛn la, ka pàãdɛnan nɛ, ka kiwin sii yɔrɔ-bɔlen ne. Ǹ nə́ dia kii a kiodɛnan kɛn la gána lɛ a bǎãn mìi la, bǎã paabiɛ ka fuəwensɔbaa, a saa Ɛndi gána ganaa a wo Etiopii gána yaa. Bǎã gogoonmaa a sɛ́wɔ na á n kiɛ̃, ka a sɛ́wɔ kiɛ̃ ǹ gɔn nɛ, tɔrɔ gogoonmaa a sɛ́wɔ na á n kiɛ̃ a bɔlɔ nɛ. Zuifun dɔn wɔ naá n kiɛ̃ ǹ bɔlɔ nɛ, ka ǹ sɛ́wɔ kiɛ̃ ǹ gɔn nɛ.

Loen 7:15

Á ke, taasiɛ baraa bɛ́ min mɛn yiri ni, á n giɛ mà a sii baraa zɛnaa, soɛ nɛ ǹ dɛnaa bɔ.

Loen 9:16

Tɔrɔ kɔsɔn nə nyankɔrɔ mɛn fɔ̃, ǹ dinin nə́ bɔ ǹ nə́ kaa a nɛ. Ǹ biɛ mɛn koa, á ǹ dinin kũ.

Suusun 11:8

Min sonbore n kanbiɛ fuu ganaa. Sɛnɛ, min baraa n fuu yii a dòo.

Danayeli sɛ́wɔ 3:4

Bɛa biikoo li, lɛ-diali tɔ́n nə n lɛ dɛ kɔsɛkɔsɛ á pɛ kɛnɛn: – Hee, tɔrɔ woo tɔrɔ, gána woo gána, bɔlɔ woo bɔlɔ a pɛlen, kii mà ma kɛ pɛ ka nɛ:

Danayeli sɛ́wɔ 4:1

Kii lɛ wusoo á pɛ kɛnɛn: – Masɛ Nebukadenezɔɔrɔ-n má goã maa kion, yii-nyɛɛ la, ma foo yii n kɔɔ̃nɛ maa kii kion kɛ nɛ.

Timəə dí-pɛn 19:19

Bɛ gɔ́ɔ̃ nɛ, a bɛ́ á goã giɛ li, mà ǹ sii mɛn zɛnaa ǹ miã lɛ nɛ, ka bɛ lɛ zɛnaa a din ni. Bɛ lɛ n die toɛ ka sii baraa bɔ ka bɔ ka bii.

Piɛrɛ1 1:2

Díi Lawa din na á ka bɔ, á kɔnpɛ ka a din a saa lɛlɛ a sii yɔrɔ bɔ nɛ, á ka bɔ á ka koa ka gɔrɔn, a Yiri barka nɛ, màn mɛn bɛ́ toɛ, ka Yezu Krita bɔlɔ si, a mà lɛ *gɔ̀ bɔ ka ganaa. Lawa die a bǐɛ̃ gigiã zɛnaa ka nɛ, a là nyantoro gigiã dɔ kɔ ka la.

Piɛrɛ2 1:2

Lawa á re bǐɛ̃ gigiã zɛnɛɛ ka nɛ, a là nyantoro gigiã kɔ ka la. Bɛ á re n zɛnɛɛ, bɛ̀ ka á Lawa laanka wɔa Dɛnaa Yezu kɛ doɛ̃, ka á woe nyɛɛnɛ.

Zude 1:2

Lawa die a ka makara dɔ̃ parsiini, a là nyantoro laanka kɔn-narɛɛ gigiã kɔ ka la!