Danayeli sɛ́wɔ 6:24 - LAWA A BOO SONBORE 2011

²⁴ Bɛa biikoo li, kii foo kɔɔ̃n kɔ parsiini, á tɔ́n pɛ mà ǹ Danayeli bɔ ǹ bɔ yala lɛ nɛ. Ǹ nə́ Danayeli bɔ ǹ nə́ bɔ yala lɛ nɛ. Ǹ màn lɛ pɔrɛɛ din yɛ a gɔ̀nɔn ganaa wa, a giala, a na á goã á n foo doa Lawa ganaa.

Danayeli sɛ́wɔ 6:24 ပူးပေါင်းရင်းမြစ်များ

Kiin2 14:6

Sɛnɛ Amasiya gɛ̀-dɛlen lɛn nɛnyaanan dɛ wa. Màn mɛn bɛ́ kiɛ̃ nɛ Muizu a dí-pɛn sɛ́wɔ kɛ nɛ, a na á zɛnaa á kɔnpɛ ka bɛ nɛ. Dɛnaa Lawa na á goã á n gɔn waa ǹ nɛ walan: «Ǹ ba re díin nyin boe ǹ nɛnyaanan lɛa wa, ǹ ba re nɛnyaanan nyin boe ǹ díin lɛa wa. Didie din a sii baraa a lɛa nɛ, ǹ tá re a nyin boe.»

Ɛsit 7:10

Haman goã á gɔn mɛn yɔrɔ bɔ Mardoose wɔ lɛa, ǹ nə́ tɔ́n Haman dinmaa bɔlɔ yu bɛ ganaa lon. Bɛa biikoo li, kii lɛ foo tɔ́n waa.

Ɛsit 9:25

Sɛnɛ Ɛsitɛɛrɛ bɛ́ á woo kii lɛ li, kii lɛ sɛ́wɔ kiɛ̃, á zii kɔ, mà Haman sii baraa mɛn yɔrɔ bɔ Zuifun taman yii, mà bɛ die a kũ a din mìi ni, mà ǹ die ǹ na a bɔlɔ yu gɔn ganaa, ka a nɛgiĩn ni.

Loen 54:5

Tiin man nə́ yoo ma gialaa, min kakarɛn man giɛ maa gɛ̀ li. Bɛa minin kɛn lɛn ba n taasɛ ka Lawa-n wa. *Doa

Suusun 11:8

Min sonbore n kanbiɛ fuu ganaa. Sɛnɛ, min baraa n fuu yii a dòo.

Suusun 19:9

Dɔlɔ á re n boe siére baraa-pɛli ganaa ǹ kɔn pinaa. Soɛ-bɔli sɛ́ wɔ n ka bɔ̀n nɛ.

Izayii 38:13

Lɛ̀ laan bɛ̀ a waa, bɛ̀ maa màn kɔn lɛa doo wa. Dɛnaa Lawa ma we tumaa yɔyɔrɛ, ka yàra bɛ́ lɔn. Kànaa ka boɛɛn, Dɛnaa Lawa, bɛ̀ ń nya kɔn ka ma nɛ.

Zeremii 34:17

Bɛ lɛ nɛ Dɛnaa Lawa á kɛ pii: – Ka ma lɛ si wa, min kɔn nə ǹ dɔɔ̃n da á bɔ bɛ̀rɛbaa-n wa. Masɛ Dɛnaa Lawa n kɛ pii: «Man die yui zia-n ka ganaa, piɛ̃ busu ni ka bòo ne. Bɛa waáraa kəni, tán a tɔrɔn tumaa gɔ̀nɔn tá re bìn diɛ ka nyɛɛnɛ.

Danayeli sɛ́wɔ 3:22

Kii bɛ́ á goã á boo lɛ da á laa, maǹ nə́ goã ǹ nə́ màn kaa tɛ lɛ nɛ, á kũ á la yii ni. Bɛ lɛ nɛ, sɔraasin mɛnɛn nə Sadraki zũ tɛ lɛ nɛ, ka Mesaki laanka Abɛdi-Negoo ne, tɛ lɛ a gusuũ nə́ ǹ dininmaan dɛ.

Timəə dí-pɛn 24:16

Ka baran díi dɛ a nɛ a sii baraa zɛnaa taman yii wa, ka baran nɛ dɛ ǹ di a sii baraa zɛnaa taman yii wa. Ka doamaa-n ka didie dɛ a din a sii baraa zɛnaa taman yii.