Danayeli sɛ́wɔ 6:22 - LAWA A BOO SONBORE 2011

²² Danayeli tɔ́n pɛ kii ni: «Kii, Lawa die a n nyin toa yǎa duduu!

Danayeli sɛ́wɔ 6:22 ပူးပေါင်းရင်းမြစ်များ

Siin Giala 40:15

Maǹ nə́ masɛ koã *Ebrəə gána nɛ, ǹ nə́ daa ka ma-n kànaa. Haalɛ kànaa lɛ dɔ din ni, ma sii kɔ́n zɛnaa, da kòso ne ǹ sii lɛa wa.»

Samayeli2 22:7

Maa fuu gɔ́ɔ̃ nɛ, má lɛ dia Dɛnaa Lawa la, má lɛ dia maa Lawa la. Á n toa a bǎã sonbore kɛ nɛ, á ma lɛ ma, maa lɛ-dɛ kaa a too ne.

Kiin1 13:28

á woo. Á woo gere lɛ yǎa nyɔmaa-n tán zii lɛ la, dundun lɛ laanka yàra lɛ n tɔn golee ne a genli. Yàra lɛ nə n lɛ da gere lɛ-a wa, a dundun lɛ dɔ kũ wa.

KZS2 32:21

Dɛnaa Lawa tɔn lona dia dí-a wole goon dia Siirii minin giã ǹ bǎã lɛ nɛ. Á sɔraasi kakan tumaa dɛ, sɔraasin nyɛɛnaandɛnan nɛ ka gána nyɛɛnaandɛnan nɛ. Sìi nə́ n kɔ Asiiriin kii lɛ, á n bɔyaa á woo a gána nɛ. Ǹ kɔn pinaa á wɔ a dì kion, a nɛgiĩn nə́ dɛ walan.

Loen 118:28

N din nə maa Lawa lɛa. Man barka diɛ n din ni. N din nə maa Lawa lɛa. Ma nə n din guguru koe.

Loen 26:6

Ma bɛ́ ma sii la wa, ma á re n gɔn pii ma nyaa. Dɛnaa Lawa, ma á re woe n din a *wúlu bɔ ǹ bǎã kɛ lɛnpɛnɛ,

Loen 31:14

Min mɛnɛn bɛ́ soɛ kɛ diɛ masɛ la, bɛn nə́ mɔnaa. Nyɛ́ɛ n ma ganaa paǹ yii li. Ǹ nə́ kɔn yɛ maa sii-a, maǹ giɛ li ǹ ma nyin bɔ.

Loen 34:7

Masɛ n koe-yɛle goon lɛa. Ma bɛ́ má Dɛnaa Lawa bíi, á ma lɛ ma, á ma kirisibaa maa fuu-yɛ tumaa gɔ́ɔ̃ nɛ.

Loen 38:21

Min mɛnɛn bɛ́ maa bǐɛ̃ sarɛɛ ka baraa nɛ bɛn man ma zɛ̀rɛ biɛ, a giala, man bǐɛ̃ kio.

Loen 84:11

Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.

Izayii 3:10

Ka pɛ kɛnɛn: «Min pepere n yii-nyɛɛ la, a giala, á re a nya ǹ dí sonboren kɛn là yii.»

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Zeremii 37:18

Á tɔn pɛ kii lɛ nɛ: «Ma n má wàa la n la, n gána nyɛɛnaandɛnan nɛ ka Zeruzalɛmu minin ni ka n ma diɛ kòso ne?

Danayeli sɛ́wɔ 3:28

Nebukadenezɔɔrɔ tɔ́n pɛ: – Ma á barka diɛ Sadraki laanka Mesaki ka Abɛdi-Negoo a Lawa nɛ. A din na á ná a lon a dia dí-a wole dia, á daa a dí-nyalin kirisibaa. A giala, ǹ nə́ n foo doa n ganaa, ǹ nə́ n piã ka masɛ a boo ne, ǹ nə́ n dinin nyin kɔ, mà ǹsɛn ba re lawa kɔsɔ guguru koe wa, bɛ̀ á n bɔ ǹ dinin Lawa kɛ nɛ.

Danayeli sɛ́wɔ 6:20

Lɛ̀ din waa lɔn, kii yoo baayɛlɛ yiisoone, á woo yàran yala lɛ lɛ-a ka baa nɛ.

Danayeli sɛ́wɔ 6:23

Masɛ a Lawa ná a lon a dia dí-a wole dia, á daa yàran lɛn lɛ tã. Bɛ lɛ nɛ, ǹ boo la ǹ nə́ sii kɔn zɛnaa ma-n wa. A giala, Lawa lɛ zɛ̀rɛ yɛ ma ganaa wa, n din kii dɔ wɔ paǹ li, ma sii kɔn la wa.»

Danayeli sɛ́wɔ 6:4

Sɛnɛ, Danayeli sɛ la min paa kɛ lɛ laanka gánadɛnaa dadaran lɛn manɛ. A giala, yiri goã a lon á la yii ni. Bɛ lɛ nɛ, a n kii lɛ din gɔ́ɔ̃ nɛ, mà asɛ koa gána lɛ tumaa mìi la.

Danayeli sɛ́wɔ 6:7

Bɛa goledɛnaa dadaran laanka gánadɛnaa dadaran lɛn nə́ woo dɔ kii li ka baa nɛ, ǹ nə́ pɛ nɛ kɛnɛn: – Kii Dariyusu, Lawa die a n nyin toa yǎa duduu!

Misee 7:7

Sɛnɛ, masɛ, ma nə n yii diɛ Dɛnaa Lawa la. Man Lawa din duĩ, maa kirisibaali, maa Lawa á die maa lɛ-dia miɛ.

Minin nimi 20:16

Wɔ tɔ́n nə n lɛ dɛ Dɛnaa Lawa ganaa, á wɔa lɛ-dɛ lɛ ma, á lon a dia dí-a wole goon dia á daa wɔ waa á soo wɔ nɛ Ezipti gána lɛ nɛ. Á ke, wɔ n kaa gána gèlè la Kadɛsi kiwi, wɔ n walan sisia.

Matiə 27:46

Wasa lɛ bɛ́ á kanaa, Yezu nə́ n lɛ dɛ kɔsɛkɔsɛ á pɛ: «Maa Lawa, maa Lawa, wàa na á baa n tá masɛ toɛ walan?» (ǹ dinin bɔlɔ nɛ, mà "Yilii, Yilii, lema sabakatanii?")

Nya ǹ dín 12:11

A yiri daa a din li yǎa á tɔ́n pɛ: «Má a giala ma sisia kəni. Dɛnaa din na á ná a lon a dia dí-a wole dia taãn-taãnɛ, á daa masɛ si Erɔdi laanka Zuifun la, Zuifun mɛnɛn bɛ́ n yii diɛ masɛ a kiri-kurii la.»

Nya ǹ dín 24:16

Bɛ lɛ nɛ ma tá n doɛ ma á dí nyɛɛ, màn mɛn bɛ́ toɛ, ma foo baran ma zɛ̀rɛ baa Lawa laanka minbuiinin yɔrɔ-a wa.

Nya ǹ dín 27:23

Sonbore, tèlò-n, masɛ bɛ́ Lawa mɛn wɔ lɛa, man dí nyɛɛ nɛ, bɛa lon a dia dí-a wole goon ná a n din nyaa ma nɛ.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Timote2 4:17

Sɛnɛ, Dɛnaa din nə́ n dɔ ma lɛ. Á pàã kɔ ma la, màn mɛn bɛ́ toɛ, ma boo lɛ tumaa laakalaa, tɔrɔ kɔsɔn tumaa ma. Dɛnaa ma si gɛ̀ la!

Ebrəə 1:14

Lon a dia dí-a wolen kɛn tumaa n yirin dininsɔɔ̃nɔn lɛa, dí nyɛɛ Lawa nɛ, ǹ nə́ n doe kirisibaa-yɛlen kɛn lɛ.

Ebrəə 11:33

Ǹsɛn mɛnɛn bɛ́, ǹ nə́ yɔ bɔ kɔn ka gána tumun ni, golee Lawa li a lɛa, ǹ nə́ gɔ̀lɔ̀baa yɛ. Ǹ nə́ peperebaa ǹ dín nya, ǹ nə́ Lawa a lɛ-kɔ ǹ siin yɛ n zɛnɛɛ. Ǹ nə́ yàran lɛ tã,

Samayeli1 17:37

Davida nə́ n toa doo: «Dɛnaa Lawa mɛn nə ma si yàra laanka kuruu la, a din ni die ma sii Filisiti min kɛ lɛ la.» Sayulu pɛ Davida nɛ: «Woo, Dɛnaa Lawa die a goã kunun n ni.»

Samayeli1 26:18

Davida tɔ́n nɔ̀n da kɛnɛn: «Wàa na á baa maa dɛnaagiĩ tá a bɛ̀rɛgiĩ kio lui? Man má wàa sii la kəni? Wàa sii baraa-n ma gòɛ̃ nɛ?