Danayeli sɛ́wɔ 6:10 - LAWA A BOO SONBORE 2011

¹⁰ A bɛ́ á n pɛ miɛ̃, kii Dariyusu nə́ n gɔn bǎã da bɛa landa sɛ́wɔ lɛ nɛ.

Danayeli sɛ́wɔ 6:10 ပူးပေါင်းရင်းမြစ်များ

Kiin1 8:30

N too kɔ, bɛ̀ n dí-nyali laanka, n din a zaman Izirayeli minin lɛn nə́ n yɔrɔ dia kion lɛ la wɔ n nyankɔ, n toa n giã ǹ bǎã-n lon n nə n too kɔ wɔsɛn lon, n wɔ zɛ̀rɛn toa wɔ nɛ.

Kiin1 8:38

ta n zaman Izirayeli minin kɛn goon mɛn a nyankɔ lɛ din nə lɔn, bɛ̀ ǹ gogoonmaa ná a din a fuu dɔ̃, yǎa ǹ nə́ ǹ gɔnɔn lɛ bɔ ǹ nə́ ǹ dia kion kɛ lɛ la,

Kiin1 8:44

Ta man nə́ n zaman lɛ yɔrɔ dia zii mɛn li, ǹ nə́ woo zia da ǹ zɔ́ɔn ganaa, bɛ̀ ǹ nə́ Dɛnaa Lawa nyankɔ, ǹ nə́ n yɔrɔ dia n kiwi yii gɔgoɛ̃ wole kɛ la, ka kion kɛ nɛ ma dɔ n tɔ la,

Kiin1 8:54

Salomɔn bɛ́ á bɛa siin kɛn lɛn tumaa nyankɔ Dɛnaa Lawa lon, á gòã-kũ da a ganaa á nya ǹ mɛn waáraa, á yoo á n bɔ tán Dɛnaa Lawa a wúlu bɔ ǹ bǎã lɛ yɔrɔ-a. A na á goã a musi lɛn la tán wúlu bɔ ǹ bǎã lɛ nɛ, a gɔnɔn nə́ dia-n lon.

KZS2 6:13

Kii lɛ zan banbaran dɔ sumu lɛ bii. A gùrù sii tumaa kɔnpɛ. A gogoonmaa a sasabaa n mɛtərə paa ka talɛɛ, a mìi la a wo lon nə mɛtərə goon ka talɛɛ. Salomɔn dii a lalan; a n musin koa tán Izirayeli zaman tumaa yɔrɔ-a, á n nyàan dia lon á Lawa nyankɔ kɛnɛn:

KZS2 6:38

ǹ wo ǹ ne bɛ̀rɛbaa nɛ gána mɛn nɛ, bɛ̀ ǹ nə́ n toa walan, ǹ nə́ wusoo ǹ nə́ daa n ganaa ka ǹ foo din tumaa laanka ǹ telenboeen din tumaa nɛ, ǹ gána mɛn lɛ bɛ́ ń kɔ ǹ digolon la, kiwi mɛn dɔ bɛ́, ń na a yii gɔgɔɔ̃, kion mɛn bɛ́ masɛ dɔ n tɔ la, bɛ̀ ǹ nə́ n nyankɔ, ǹ yɔrɔ n dia-n bɛ la,

Ɛsidrasi 9:5

Wasamiɛ̃n a wúlu bɔ biikoo lɛ bɛ́ á dɔ, má soo má n bɔ maa foo-ziziɛ̃ lɛ gɔ́ɔ̃ nɛ, maa mɔnaan nə́ tɔtoɛ̃ nɛ, má bɔ má mɛ ma musin la tán, má n gɔnɔn lɛ bɔ má ǹ dia Dɛnaa Lawa la,

Nehemii 6:11

Má tɔ́n na a lɛ si: «Ma din giĩ kɛ miã yoo ma baa si? Masɛ kɛ miã mɛn nə boe la a wɔ Lawa a kion, a la? Ma a we a-n wa.»

Loen 34:1

Davida gàãnaabaa ǹ sii mɛn zɛnaa kii Abimelɛki yɔrɔ-a, á n din tìĩ bɔ a nyin ni. Abimelɛki bɛ́ á loo, a bɛ́ woe a na á loe kɛ lɔ.

Loen 5:7

Soɛ-bɔlen kɛn, n din nə bɛn nyin nyɛɛ. Min mɛn bɛ́ sii-durii zɛnɛɛ, á n gɛ̀ dii, bɛ sii goon ba Dɛnaa Lawa-a wa.

Loen 55:17

Masɛ n lɛ diɛ Lawa la, a da n dɔ ma lɛ. Dɛnaa Lawa á re ma kirisibiɛ.

Loen 86:3

Dɛnaa, makara bɔ ma ganaa. Man lɛ diɛ n din la baraabaraa.

Loen 95:6

Ka daa wɔ wɔ, wɔ kaa tán, wɔ a guguru kɔ, wɔ n musin koa tán Dɛnaa Lawa lɛ yɔrɔ-a. A din na á wɔ zɛnaa.

Danayeli sɛ́wɔ 6:13

Ǹ nə́ wusoo ǹ nə́ woo dɔ kii li, ǹ nə́ pɛ nɛ landa lɛ wɔ paǹ li: «Kii, táa n din ni nə gɔn bǎã da landa sɛ́wɔ lɛ nɛ, ǹ mɛn lɛ á ke pii kɛnɛn: A saa pelo ganaa, a wo dɔ lɛawaa pɔsɔɔ, bɛ̀ min mɛn kii din toa walan á lawa kɔsɔ hinlaa minbuiin nɛ nyankɔ, ǹ die ǹ bɛa dɛnaa kũ ǹ zũ yàran yala kɛ nɛ. N din bie ń pɛ miɛ̃ wa?» Kii tɔ́n nə ǹ lɛ si á pɛ: «Sii lɛ n miɛ̃, a kɔnpɛ ka Mɛdi minin laanka Pɛrsi minin landa nɛ, sàabaa ná a ba la wa.»

Danayeli sɛ́wɔ 9:4

Má tɔ́n maa Lawa, Dɛnaa Lawa nyankɔ, má n mɛ bɔ maa zaman a sii baraan lɛa má pɛ kɛnɛn: «E, Dɛnaa Lawa, man gòã-kũ diɛ n ganaa! N din nə Lawa gole lɛa, n sii n nyɛ́ɛ diɛ. Min mɛnɛn bɛ́ n narɛ, ǹ nə́ n gɔn waa ǹ boon kɛn sii, n lɛ kɔ mɛn wɔ ka bɛn nɛ, n nə n bɔlɔgoondɛnaa lɛa bɛ gɔ́ɔ̃ nɛ, n tá bǐɛ̃ zɛnɛɛ ǹ nɛ.

Zonaasi 2:4

Ń ma zũ kɔ̀ mu zuzulu kɛ bii, mu ma da bii walan, n mu koreen lɛn tumaa bɔ ma la.

Marki 3:3

Yezu tɔ́n pɛ giĩ gɔn gere-a lɛ nɛ: «Yoo n da kànaa min din tumaa yɔrɔ-a.»

Luku 14:26

«Bɛ̀ min mɛn daa kɔ masɛ lɛ, bɛ̀ a masɛ soɛ kɔ ǹ di-n wa, ka ǹ dan nɛ, ka a lɔ nɛ, ka a nɛnyaanan nɛ, ka ǹ dɔɔ̃ngiĩn ni ka ǹ dɔɔ̃nlɔn nɛ wa, haalɛ a dinmaa, ǹ dɛnaa ba boe la a masɛ a kialandɛnaa baa wa.

Luku 22:41

A din nə́ tɔ́n nə n zɔ̃ á n bɔ ǹ ganaa, á woo tiãlɛa sɔsɔɔ ka kɔlɔ zũ a mɛ tán-a ǹ bǎã bɛ́ lɔn. A bɛ́ á kaa tán, á Lawa nyankɔ á pɛ:

Nya ǹ dín 10:9

Bɛa sii lɛ a lɛawaa, Kɔrnɛyi a dia dí-a wolen lɛn bɛ́ zii tɔ we, ǹ nə́ diri kiwi la. Piɛrɛ na á goã kala-n, a n Lawa nyankoe. Penleen tiɛɛ̃n kɛ miã nɛ.

Nya ǹ dín 2:15

Ka bɛ́ màn mɛn taasɛ, bɛ bie wa. Minin kɛn lɛn nə duvɛ̃ mi wa. Táa wɔ n baayɛlɛ a wasa kaa biikoo dinsɔɔ̃ gɔ́ɔ̃ nɛ.

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Nya ǹ dín 20:36

Bɛa boon kɛn kio, á n musin koa tán kunun ǹ tumaa nɛ, á Lawa nyankɔ.

Nya ǹ dín 21:5

Wɔ bɛ́ wɔ́ piizii lɛ lɛ pã ǹ li, wɔ́ wusoo wɔ́ wɔa zii kũ wɔ́ woo. Ǹ dinin tumaa, ǹ lɔn nɛ ka ǹ nɛnyaanan nɛ, ǹ nə́ wɔ da zii yǎa lalaa lɛ-a. Wɔ́ n musin koa tán kun mu lɛ-a walan, wɔ́ Lawa nyankɔ.

Nya ǹ dín 3:1

Ǹ kɔ́n pinaa, Piɛrɛ laanka Zaã n woe Lawa a kion. Maǹ nə́ goã woe Lawa nyankoe, wasa lɛ kanaa nɛ, biikoo sɔɔbaa ǹ wɔ li.

Nya ǹ dín 4:29

Dɛnaa Lawa, n din ga minin kɛn sisia a taasiɛ baraan kɛn ganaa. N dɔ wɔsɛn lɛ, wɔsɛn mɛnɛn bɛ́ n din a dí-nyalin lɛa, wɔsɛn nə n din a boo kɛ pɛ ka foo-doa gole ne.

Nya ǹ dín 5:20

«Ka wo Lawa a kion, Yezu da ka yiikoonaabaa mɛn nɛ, ka bɛ boo da zaman nɛ.»

Nya ǹ dín 5:29

Sɛnɛ, Piɛrɛ laanka dia dí-a wole gialakunun lɛn nə́ ǹ lɛ si: «Wɔsɛn doamaa nɛ, wɔ Lawa bɔlɔ si a la minbuiinin wɔ nɛ.

Nya ǹ dín 7:60

Bɛ kio, á n musin kurumaa tán, á n lɛn gole bɔ á pɛ: «Dɛnaa, sii baraa kɛ toa ǹ nɛ.» A bɛ́ á bɛ da á nya, á gã.

Nya ǹ dín 9:40

Piɛrɛ pɛ mà min tumaa soo. A din nə́ mɛ a musin la, á Lawa nyankɔ. Bɛ kio á n yɔrɔ dia gere lɛ la, á pɛ: «Tabita, yoo lon.» Lɔ lɛ nə́ n yii bũ, á bɛ́ á Piɛrɛ yɛ lɔn gɔrɔ, á yoo á giã a giala la.

Efɛɛzi minin 3:14

Bɛ lɛ n toɛ, ma á miɛ ma musi la Díi Lawa yɔrɔ-a.

Filipi minin 1:14

Wɔ dɔɔ̃nɔn mɛnɛn nə goã ma yii kòso-n, ǹ gigiã foo tãbaa yɛ Dɛnaa pàã ganaa, bɛ́ toa ǹ yii wɔ n nə́ n gù we yii Lawa a boo laakalaa li, nyɛ́ɛ ná a ba ǹ ganaa wa.

Filipi minin 1:20

Sonbore, masɛ gɔ́ɔ̃ nɛ, ma yiri na a ganaa, máa ma nyan sii kɔ́n zɛnaa a n sìi diɛ ma din ganaa ka duduu wa. Man giɛ li, máa ma goã piɛ̃-n ka foo tãbaa-n baraanɛ, sanparɛ sisia kɛ nɛ, ta man liɛ, ta man giɛ̃, Krita a gugurubaa yɛ maa minbuiinbaa tumu gɔ́ɔ̃ nɛ.

Filipi minin 4:6

Ka baran n gɔ́ɔ̃ bii ka sii kɔ́n nɛ wa. Sɛnɛ, ka laadoo bɛ́ màn mɛn ganaa, ka a nyankɔ Lawa la, ka a gòã kũ, ka barka da nɛ.

Kolɔɔsi minin 3:17

Ka bɛ́ boe la ka á boo woo boo diɛ, ka á sii woo sii zɛnɛɛ, ka bɛ tumaa zɛnaa ka wɔa Dɛnaa Yezu tɔ nɛ, bɛ̀ ka n barka diɛ Díi Lawa nɛ, a din lɛ pàã ganaa.

Ebrəə 13:15

Ka daa, Yezu din barka nɛ, wɔ Lawa guguru kɔ, bɛ goã wɔa wúlu mànan lɛa, bɛ giala, mà wɔ a tɔ bɔ ka wɔ lɛ nɛ.

Ebrəə 4:16

Bɛ lɛ taman yii, ka daa wɔ n tá nyɛɛnɛ ka foo-doa nɛ, wɔ n mɔrɔ Lawa a kii dankan lɛ ganaa, màn mɛn bɛ́ toɛ, Bǐɛ̃dɛnaa lɛ makara bɔ wɔ ganaa, a bǐɛ̃ zɛnaa wɔ nɛ, bǐɛ̃ mɛn bɛ́ re n doe wɔ lɛ wɔ laadoo biikoo li.

Sii-nyaan 2:10

Boɛɛnɛ, Sɛtaan lɛ á re n diɛ ka gɔ́ɔ̃ li. A n die kaa min tɛnɛn kuĩ a ǹ zũ kòso-n. Ka á re fuu yii lɛawaa fù gɔ́ɔ̃ nɛ. Bɛa fuu kɛ lɛ nyan nyɛ́ɛ da n ganaa wa. Goã bɔlɔgoondɛnaa lɛa haalɛ ta a n doe n gɛ̀ ganaa. Ma á re nyin nyabaã koe n la, ka a gɔ̀lɔ̀baa ǹ kii bafolo lɛa.

Sii-nyaan 2:13

Ma á doɛ̃, n bɛ́ giã-n bǎã mɛn nɛ, Sɛtaan dɔ a kii dankan nə doa-n walan. Sɛnɛ, n tá doa-n kɔn ka masɛ tɔ nɛ, n golee masɛ li daa wa, haalɛ ǹ bɛ́ ǹ nə́ maa siére bɔlɔgoondɛnaa Antipaasi dɛ á gã biikoo mɛn li ka li, Sɛtaan a giã ǹ bǎã kɛ lɛ nɛ.