Danayeli sɛ́wɔ 5:8 - LAWA A BOO SONBORE 2011

⁸ Kii a sii-dɔ̃lin lɛn tumaa daa ǹ nə́ kaa kion. Sɛnɛ, ǹ kɔn boo la á sɛ́wɔ-kiɛ̃ lɛ pɛ doɛ̃ wa, ǹ kɔn na a giala yɛ á pɛ kii-n wa.

Danayeli sɛ́wɔ 5:8 ပူးပေါင်းရင်းမြစ်များ

Siin Giala 41:8

A lɛawaa baayɛlɛ, a yiri bɛ́ lɔloɛkɔn, á minin dia, mà ǹ wo Eziptin kɔ́lɔnbaalin tumaa bíi, ka ǹ sii-dɔ̃lin tumaa nɛ, mà ǹ daa. Ǹ bɛ́ ǹ nə́ daa, a ná a narɛɛn lɛn pɛ ǹ nɛ, sɛnɛ, min kɔ́n boo la, á ǹ giala pɛ-n wa.

Izayii 47:9

A bɛ́ miɛ̃, koe màn paa kɛ n die n yii bǎã goon ne. Lɛawaa goon gɔ́ɔ̃ nɛ, n nɛnyaanan tá re bɔ̀n biɛ n nə n bɔyaa n giɔɔrɔ baa. Bɛa koen lɛn tá re die n la ka pàã nɛ, n wɔ-kũ kɛn tumaa ka n gɔn nɔɔn kɛn tumaa a re boe la ǹ nə ǹ sàabaa wa.

Zeremii 50:35

Dɛnaa Lawa a da ǹ boo á ke: Ka zia baa Baabilonii minin ganaa, Baabilonii a zaman nɛ, a kiãn nɛ ka a sii-dɔ̃len ne!

Danayeli sɛ́wɔ 2:27

Danayeli tɔ́n kii lɛ si á pɛ kɛnɛn: «Kii, n bɛ́ nɔ̀n diɛ ka sii-durii mɛn nɛ, sii-dɔ̃lin ni, bòon ne, wɔ-kũlin ni ka doɛ̃-wɔlen ne, ǹ kɔn ba boe la a kɛ yɛ apɛ n nɛ wa.

Danayeli sɛ́wɔ 4:18

A luu na á goã siĩni, a nɛ n gigiã, min tumaa goã màn-bii yii la. Don mànan man nə́ goã n susui a wúlu li, bàanan nə́ goã ǹ kii doe a gùrùn la.

Danayeli sɛ́wɔ 4:4

Kɔ́lɔnbaalin nə́ daa, wɔ-kũlin ni, doɛ̃-wɔlen ne ka bòon ne. Ǹ bɛ́ ǹ nə́ wɔ kion, má maa narɛɛ lɛ pɛ ǹ nɛ. Sɛnɛ, ǹ boo la ǹ ná a giala pɛ ma-n wa.

Danayeli sɛ́wɔ 4:7

Ma bɛ́ waa nɛ, ma màn mɛn yɛ, bɛ n ka kɛ nɛ: Máa man giɛ bɛ̀ da goon nə́ ke kanaa lɛ bii, da lɛ a sasabaa miã banban.

Danayeli sɛ́wɔ 5:15

Á ke, ǹ nə́ ke ǹ nə́ daa ka sii-dɔ̃lin laanka wɔ-kũlin ni masɛ li sisia, màn mɛn bɛ́ toɛ, ǹ sɛ́wɔ-kiɛ̃ kɛ pɛ, ǹ na a giala dɔ pɛ ma nɛ. Sɛnɛ, á ke, ǹ boo la wa.