Danayeli sɛ́wɔ 5:29 - LAWA A BOO SONBORE 2011

²⁹ A din bǎã-n gɔrɔ, Bɛltazaara pɛ mà ǹ kii dɔnkɛ wɔ Danayeli ganaa, ǹ sana da a bɔlɔ-a nyaǹ lɛa. Á pɛ mà ǹ lɛ dia ǹ pɛ minin manɛ, mà goledɛnaa paa mɛn bɛ́ gána lɛ a sii mìi la, mà Danayeli nə ǹ sɔɔbaa ǹ wɔ lɛa.

Danayeli sɛ́wɔ 5:29 ပူးပေါင်းရင်းမြစ်များ

Siin Giala 41:42

Bɛ kio, a ná a gòon ganaa ǹ kaaran bɔ, á wɔ Zozɛfu goon ganaa, á mɔnaa guguru sonboren wɔ a ganaa, á sana gii da a bɔlɔ-a.

Ɛsit 10:3

A giala, bɛ̀ gána lɛ a goledɛnaabaa yoo Zɛrzɛsi la, a n doe Zuifun giĩ Mardoose din ganaa. Mardoose na á goã *min gole lɛa Zuifun lɛn gɔn. Mardoose lɛ dɔɔ̃nɔn tumaa goã narɛ, a giala a na á goã giɛ a minin lɛn bǐɛ̃ kɔ li, a ń dí nyɛɛ a tɔrɔn lɛn tumaa a là nyantoro yɛ taman yii.

Suusun 1:9

Maǹ ka kii bafolo siĩn bɛ́ lɔn n mìi ganaa, ka bɔlɔ-a ǹ gii bɛ́ lɔn n bɔlɔ-a.

Danayeli sɛ́wɔ 2:48

Bɛ kio, kii lɛ golebaa kɔ Danayeli la, á gɔ ka màn sonbore gigiã nɛ. Á koa Baabilonii bǎã tumaa a gánadɛnaa lɛa, á koa doɛ̃-wɔlen kɛn tumaa dɔ a nyɛɛnaandɛnaa gole lɛa.

Danayeli sɛ́wɔ 5:16

Má ma, mà n tá boe la n sii-duriin giala pɛ, n sii kakan yɔrɔ bɔ. Bɛ lɛ nɛ, bɛ̀ ń boo la ń sɛ́wɔ-kiɛ̃ kɛ pɛ, ń ná a giala dɔ pɛ masɛ nɛ, kii dɔnkɛ á re n we n ganaa, sana nə n da n bɔlɔ-a nyaǹ lɛa. Goledɛnaa paa mɛn bɛ́ gána lɛ a sii mìi la, n tá re bɛn sɔɔbaa ǹ wɔ biɛ.»

Danayeli sɛ́wɔ 5:7

Á tɔ́n nə n lɛ dɛ kɔsɛkɔsɛ, mà ǹ lɛ dia sii-dɔ̃lin la ǹ daa, ka kɔ́lɔnbaalin ni, doɛ̃-wɔlen laanka wɔ-kũlin ni. *Baabilonii gána a sii-dɔ̃lin lɛn bɛ́ ǹ nə́ daa, kii lɛ pɛ ǹ nɛ kɛnɛn: «Bɛ̀ min mɛn boo la á sɛ́wɔ-kiɛ̃ kɛ lɛ pɛ, a ná a giala dɔ pɛ masɛ nɛ, masɛ á re kii dɔnkɛ we a ganaa, ma sana gii da a bɔlɔ-a nyaǹ lɛa. Goledɛnaa paa mɛn bɛ́ gána lɛ a sii mìi la, bɛa dɛnaa n die goɛ̃ a sɔɔbaa ǹ wɔ lɛa.»

Danayeli sɛ́wɔ 6:2

Dariyusu ga a ganaa, mà á siĩni asɛ gánadɛnaa dadara paabiɛ ka fuə koa gána lɛ mìi la, màn mɛn bɛ́ toɛ, minin nə yɛ asɛ a pàã lɛ la, gána lɛ paǹ tumaa nɛ.