Danayeli sɛ́wɔ 5:25 - LAWA A BOO SONBORE 2011

²⁵ Sɛ́wɔ mɛn nə n kiɛ̃, bɛ n ka kɛ nɛ: "Məne, Məne, Tekɛli, Uparsini".

Danayeli sɛ́wɔ 5:25 ပူးပေါင်းရင်းမြစ်များ

KZS2 21:12

Ǹ kɔn pinaa, Lawa a boo gii-dali Yilii sɛ́wɔ dia Zoraamu la, kɛ n kiɛ̃ nɛ a nɛ: «Dɛnaa Lawa a boo á ke, n digolo Davida a Lawa lɛ. N ba koe n díi Zozafati a sii zɛnaa a kɔnboe lɛ wa, n ba koe n díi gole Zudaan kii Azaa dɔ wɔ lɛ wa.

Izayii 14:11

N kiibaa lɛ gisĩ tán geren piɛ, kɔnkoɛɛ̃nɛn wuu li, Bǎã bɔnɛɛ nə n waa ǹ wɔlɔ lɛa, nyuunun manə n kɔmalɛ lɛa.

Izayii 47:11

Á ke, koe n die boe n ganaa. N ba re boe la n na a lɛ goa wa. Koe gole n die miɛ n la. N ba re kanbiɛ a ganaa wa. Basaã gole mɛn bɛ́ n yiri ba a ganaa wa, bɛ n die n tɔwɛɛ bǎã goon ne.

Zeremii 27:7

Tɔrɔ tumaa á re dí nyɛɛ nɛ, a nɛgiĩn ni ka a nɔ̀ɔnɔn nɛ. Bɛ n die n zɛnɛɛ miɛ̃ yǎa biikoo mɛn li bɛ̀ tɔrɔ gigiã laanka kii pàãdɛnan ná a dɔ a gána da ǹ dɔn pàã giulun.

Danayeli sɛ́wɔ 5:24

Bɛ lɛ na á toa, Lawa gɔn kɛ lɛ dia, á daa sɛ́wɔ kɛ lɛ kiɛ̃.

Danayeli sɛ́wɔ 5:26

A bɛ́ màn mɛn giala pii, bɛ á ke: Məne, bɛ giala mà "Nimii": Bɛ n nyɛɛ mà Lawa nə́ n kiibaa lɛ a lɛawaan nimi, á dan koa la.

Abakuku 2:7

Kaa giɔ̀mɔdɛnan tá re yui bǎã goon ne, ǹ da ka kio. Ǹ tá re n yii dɔrɛɛ, ǹ ka gɔ̀nɔn da bìn diɛ ganaa. Ǹ dɔn tá re ka kokoe.

Luku 1:51

Sɛnɛ, min mɛnɛn bɛ́ n dinin gole koe, Lawa n die a din a pàãdɛnaabaa ǹ gɔn kɛ siɛ lon, a da ǹ bii a ǹ sasawaa.

Luku 12:20

Sɛnɛ, Lawa pɛ nɛ: «Nsɛ baãnaa ke! Pelo tèlò kɛ lɛ din ni, Lawa á die n nyin sii n la. N bɛ́ n màn mɛn lɛ sɔkɔn bɛ n die die wɔ biɛ?»

Samayeli1 28:19

Dɛnaa Lawa tá re Izirayeli minin lɛn dɔn we Filisiti minin gɔn, kun ka n din ni. Biɛ̃ dinin n din laanka n nɛnyaanan tá re goɛ̃ kun ka masɛ nɛ. Izirayeli a sɔraasin lɛn dɔn dinin, Dɛnaa Lawa tá re ǹ we Filisiti minin gɔn.»