Danayeli sɛ́wɔ 5:23 - LAWA A BOO SONBORE 2011

²³ N nə́ n gòãn dii lon a Lawa ganaa: A giala, ń minin dia ǹ nə́ woo Lawa a kion mànan goa ǹ nə́ daa ǹ kɔ n la, n din laanka n kiodɛnaa dadaran nə́ duvɛ̃ kaa ǹ nɛ ka mi, kun ka ka gòã li ǹ lɔn laanka kaa lɔ kɔsɔn nɛ. Ka bɛ dɔ nɛ, dìn mɛnɛn nə́ ke ǹ nə́ ǹ zɛnaa ka wɔrɔ nɛ, ka sana nɛ, ka zan nɛ, ka fɔlɔ nɛ, ka gɔn nɛ, ka kɔlɔ nɛ, ǹ yii ná a wɔlɔ yii wa, ǹ too ná a boo miɛ wa, ǹ nə ǹ ba màn kɔn doɛ̃ wa, ń loe lɔ, ń bɛn tɔ bɔ nɛ. Sɛnɛ, Lawa mɛn lɛ á ke n fɔfoã ná a gɔn, n sii tumaa ná a gɔn, n nə́ n piã n bɛ guguru kɔ wa.

Danayeli sɛ́wɔ 5:23 ပူးပေါင်းရင်းမြစ်များ

Siin Giala 14:19

Á lɛn bǐɛ̃ bíi Abramu li, bɛ̀ á n pii kɛnɛn: «Lon a Lawa mɛn bɛ́ á lon laanka tán zɛnaa, bɛ die a barka wɔ n nɛ, Abramu.

Siin Giala 2:7

Dɛnaa Lawa tán tii saa, á zɛnaa minbuiin nɛ lɛa. Á yiikoonaabaa ǹ piɛ̃ dɔ a nyin ni, á n baa màn yiikoonaa lɛa.

Kiin2 14:10

Ń boo Edɔmu minin la, bɛ lɛ a din koa nɛ n tá we, bɛ n taãn lɛa. N gùrùn dii, sɛnɛ, giã n bǎã nɛ! Wàa na á baa n tá ǹ gòãn kiɛ zia nɛ, zia mɛn nə́ ke die bɔ̀n diɛ n ganaa, n din ni kɔnlɛ ka Zudaa minin lɛn nɛ.

Zɔbu 12:10

Màn tumaa a yiikoonaabaa na a din gɔn. Minbuiin tumaa nyin biɛ na a din gɔn.

Zɔbu 31:4

Sɛnɛ, Lawa lɛ din yii ba masɛ a tɔ wɔ ǹ gɔn ganaa wa? A yii ba maa gòã saa ǹ gɔn tumaa ganaa wa?

Loen 104:29

Sɛnɛ, bɛ̀ ń nə́ ǹ nu, koe na á bɔ ǹ ganaa. Bɛ̀ ń fɔfoaã si ǹ la, maǹ giɛ̃, maǹ wusii ǹ nə n baa tii lɛa.

Loen 115:16

Lon nə Dɛnaa Lawa wɔ lɛa. Sɛnɛ, tán ke, a na á bɛ kɔ minbuiin nɛn la.

Loen 139:3

Ta man kanaa, ta man waa-n tán kion, n din yii n ma ganaa. N tá maa nya ǹ dín tumaa doɛ̃.

Loen 146:4

Ǹ fɔfoaã á re nyɛɛ, ǹ tá re wusii ǹ wo tii li. Bɛa pinaa, ǹ sii mɛn tumaa koa ǹ yiri ni, bɛ tumaa na á sàabaa.

Suusun 20:24

Minbuiin nyin nə Dɛnaa Lawa gɔn. A n siɛ lɔn a na a woo ǹ bǎã dɔ̃.

Izayii 13:11

Dɛnaa Lawa pɛ: «Man die dɔlɔ boe kanaa ganaa a baraabaa kɛa lɛa, ma dɔlɔ bɔ min baraan ganaa ǹ gɛ̀ dɛ a lɛa. Din koa wolen dankarabaa ke, ma á re bɛ papaɛ̃, ma pàã-zɛnaalin din gole kɔ kɛ nya.

Izayii 14:13

Ma nə n goã pii n din gɔ́ɔ̃ nɛ: «Ma á re dii lon, ma maa kii dankan kɛ koa Lawa a leeren kɛn lalan. Kele mɛn bɛ́ gɔsɛ a lɛ̀gɔn la, lawan lɛsɔkɔn bǎã lɛa, man die giɛ̃ bɛ la.

Izayii 2:12

A giala, a din lɛawaa mɛn bɔ á koa, Dɛnaa Lawa Pàãyiidɛnaa á re din gole-kɔlen kɛn laanka din koa wolen kɛn mìi diɛ ǹ giulun.

Izayii 33:10

Dɛnaa Lawa pɛ: «Kanna, man die sii zɛnɛɛ. Kanna, man die yui, ma maa golebaa nyaa.

Izayii 37:19

Ǹ nə́ ǹ dìn zũ tɛ-n, a gialaa, ǹ bie Lawa lɛa wa. Màn nyínin manɛ, gɔn hinlaa kɔlɔ lɛa, minbuiin nɛ a màn zɛnaa lɛa, ǹ nə́ ǹ ziziɛ̃.

Izayii 37:23

Ma nə ń sɔ kɔ die ganaa? Ma nə ń die piɛ̃ bɔ? N yii na á wɔ n boo da die ganaa? Ma nə n ga die ganaa ka din koa nɛ? Masɛ din Izirayeli a Lawa sonbore kɛ nɛ!

Izayii 42:5

Lawa, Dɛnaa Lawa n kɛ pii asɛ mɛn lon zɛnaa, a ná a lɛ bɔ. Á tán lɛ bɔ ka a gɔ́ɔ̃gɔ́ɔ̃ ǹ màn tumaa nɛ. Tɔrɔn mɛnɛn tumaa bɛ́ tán la, a n yiikoonaabaa koe ǹ la, a piɛ̃ kɔ a giã man wolen la.

Zeremii 10:23

Dɛnaa Lawa, máa doɛ̃, máa minbuiin nɛ nyin ba a din gɔn, a boo la a sii yɔrɔ bɔ a din ni wa.

Zeremii 48:26

Moabu na á taasɛ, mà asɛ a golebaa la Dɛnaa Lawa nɛ. Ka duvɛ̃ kɔ la a mi, yǎa a pisii. Bɛa biikoo li kəni, min tumaa á re yaa we a ganaa.

Zeremii 50:28

Ka n too kɔ! Min mɛnɛn bɛ́ baa sii soe Baabilonii, ka min mɛnɛn yii bɛ́ tɔn koo, bɛn man pii Siɔn nɛ: Dɛnaa Lawa, wɔa Lawa ná a gɛ̀ dòo bɔ. A ná a kion sonbore kɛa gɛ̀ dòo bɔ.

Zeremii 50:29

Ka sa-zũlin tumaa sɔkɔn, ka ǹ kaa Baabilonii kiwi ganaa. Ka a lɛnpɛnɛ a paǹ tumaa li! Ka nyan toa min kɔn la wa! Ka a saraa kɔ la a kɔnpɛ ka a zɛnaa ǹ siin ni. A siin mɛnɛn zɛnaa ǹ miãn manɛ, ka zɛnaa a dɔ-n miɛ̃. A giala, á n din koa Dɛnaa Lawa, Izirayeli a Lawa sonbore kɛ ganaa.

Ezekieli 28:17

Ma n nə́ n din gole kɔ n siĩnbaa kɛ taman yii, Ń toa n siĩnbaa lɛ nə́ n sii-doɛ̃ kɛ ziziɛ̃, man die n lui ma n dia tán, man die sìi diɛ n ganaa, n miã kiin yɔrɔ-a.

Ezekieli 28:2

Minbuiin a nɛ, a pɛ Tiiri kiwi kɛ a kii ni mà masɛ Dɛnaa Lawa a da ǹ boo á ke: A giala, n nə́ n din gole kɔ, ń pɛ mà nsɛ n lawa lɛa, giã-n lawabaa ǹ kii dankan la, yìsi mun kɛn bii. A da yaa n nə n minbuiin nɛ lɛa, n bie Lawa lɛa wa. Sɛnɛ, n dɔ á ke, ń nə́ n din baa ka Lawa bɛ́ lɔn...

Ezekieli 28:5

N sii-doɛ̃ gole lɛ taman yii, n pii-kɔ lɛ taman yii, n naforo lɛ mɔnaa. N naforo lɛ nɛ, ń nə́ n saa li, ń nə́ n din gole kɔ.

Ezekieli 31:10

Bɛ́ lɛ na á toa masɛ Dɛnaa Lawa á kɛ pii kii wɔ paǹ li: «Da kaka lɛ bɛ́ á gole kɔ, a mìi la woo n doa labaran ganaa bɛ lɛ na á toa din gole kɔ wɔ a foo ne.

Danayeli sɛ́wɔ 11:12

Bɛ̀ ǹ nə́ bɛa zia-baali damata kɛ lɛ dɛ ǹ nə́ bɔ bii-a, gusin a lɛ̀gɔn la a kii lɛ á re n din gole koe. Á re zia-baali damata dii sɛn, sɛnɛ, a na a re gɔ̀lɔ̀baa yii wa.

Danayeli sɛ́wɔ 8:11

Á n yɔrɔ da lon mànan lɛn goledɛnaa dɔ din la. Ǹ bɛ́ wúlu mànan mɛnɛn koe bɛ la babaraa, á minin kurəə bɛa kɔ ganaa. Á ná a kion sonbore kɛ ziziɛ̃ ka lenlen.

Abakuku 2:4

Á ke: Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.

Nya ǹ dín 17:25

Minbuiin gɔn bie a sii kɔ́n dɔ yɔrɔ boe, ka n pɛ mà a laadoo n màn kɔ́n ganaa wa, a giala a din nə yiikoonaabaa koe min din tumaa la, ka fɔfoã nɛ ka màn tumaa nɛ.

Korɛnti1 8:4

Bɛ lɛ nɛ, nɔ̀n-diɛ bɛ́ màn mɛn ganaa, á ke: Wɔ á boe la wɔ dì wúlu bɔ ǹ siĩ sɔ̃? Wɔ á doɛ̃, wáa dì a màn kɔ́n bǎã siɛ kanaa kɛ-n wa. Wɔ n doɛ̃ dɔn, wáa Lawa goon toto na a tan.

Timote1 3:6

A baran goã Lawa-nyankɔle tii lɛa, a yaa n siɛ din gole kɔ li wa. Bɛ bie wa dɔlɔ mɛn nə n bɔ *Sɛtaan ganaa, din gole kɔ taman yii, bɛ lɛ nə n boe a dɔ ganaa.

Ebrəə 4:13

Màn kɔ́n din ba durii-n Lawa la wa. Màn din tumaa na a yɔrɔ-a panparaanɛ, a yii nə́ ǹ ganaa. Wɔ tumaa n die n bɔlɔ pii a din yɔrɔ-a.

Sii-nyaan 9:20

Sɛnɛ, minbuiin gialakun mɛn goã, ǹ nə́ ǹ gã koen kɛn lɛn gɔ́ɔ̃-n wa, bɛa minin kɛn lɛn nə wusoo ǹ nya ǹ dín kio wa. Ǹ nɔ̀ɔnɔn guguru koe laanka dì wúlu boe lɛ da wa. Ǹ dinin man nə́ bɛa dìn lɛn zɛnaa ka sana nɛ, ka wɔrɔ nɛ, ka zan nɛ, ka kɔlɔ nɛ, ka gɔn nɛ. Ǹ yii a wɔlɔ yii wa, ǹ too a boo miɛ wa, ǹ ba tɔ we doɛ̃ wa.

Sii yɔrɔ-bɔlen 16:23

Ǹ kɔn pinaa, Filisiti minin kiin lɛn nə́ n lɛ sɔkɔn. Ǹ dì Dagɔn kɛ lɛ ǹ lawa lɛa, ǹ nə́ *wúlu màn gole kɔ bɛ la, ǹ nə́ n nyɛnyɛɛ. N nə́ goã loe loe kɛnɛn: wɔa lawa na á wɔa zɔ́ɔ Sansɔn lɛ wɔ wɔ gɔn.

Samayeli1 17:26

Min mɛnɛn nə goã Davida genli, á nɔ̀n da ǹ la. «Min mɛn bɛ́ re Filisiti min kɛ dii, a sìi saa a bɔ Izirayeli minin la, maǹ die wàa zɛnɛɛ bɛa dɛnaa nɛ? Asɛ n die lɛa, bɛa Filisiti min *soroma kɛ lɛ, a tɔn yoo a sɔ kɔ Lawa yiikoonaa a sɔraasin ganaa?»

Samayeli1 17:36

Ma bin yàra dɛ, ká don màn babaraa kɔn nɛ. Kɛa Filisiti min soroma lɛ dɔ n die n biɛ ka bɛn goon bɛ́ lɔn, a giala, a na á sɔ kɔ Lawa Yiikoonaa a sɔraasin ganaa.»