Danayeli sɛ́wɔ 5:20 - LAWA A BOO SONBORE 2011

²⁰ Sɛnɛ, n di lɛ bɛ́ á piɛ̃ dɔ a din ni, á n too kaka kɔ yǎa á woo kaa din-koa lɛ, ǹ nə́ bɔ ǹ nə́ bɔ a kiibaa la, ǹ ná a gugurubaa kɛ si la.

Danayeli sɛ́wɔ 5:20 ပူးပေါင်းရင်းမြစ်များ

Kiin2 17:14

Sɛnɛ, ǹ nə n too kɔ wa. Ǹ nə́ n too laa ka ǹ digolon wɔ bɛ́ lɔn, ǹ digolon mɛnɛn lɛn bɛ́ ǹ goã ǹ nə́ golee ǹ Lawa, Dɛnaa Lawa lɛ li wa.

KZS2 32:25

Sɛnɛ bǐɛ̃ mɛn nə n zɛnaa Ezekiasi ni, a bɛ dɔ̃ wa. Ka bɛ dɔ nɛ, á n piɛ̃ gole kɔ, yǎa Dɛnaa Lawa foo yoo li kɔnlɛ ka Zeruzalɛmu ni, ka Zudaa gána tumaa nɛ.

KZS2 36:13

Kii Nebukadenezɔɔrɔ da liɛ wɔ ganaa ka Lawa tɔ nɛ. Sɛnɛ, Sedekiasi nə́ n gòãn dii a ganaa. A n too kɔ a lon wa, á n gɔ́ɔ̃ tii, a n bɔyaa á daa Dɛnaa Lawa, Izirayeli a Lawa li wa.

Bɔ bɛ̀rɛbaa nɛ 18:11

Masɛ á doɛ̃ kanna, má Dɛnaa lɛ n gole á la lawan tumaa nɛ. Á bɛ nyaa Ezipti minin kɛn manɛ, bɛ̀ ǹ bɛ́ Izirayeli nɛnyaanan nɔmɛɛ.»

Bɔ bɛ̀rɛbaa nɛ 9:17

N nə n tɔn nə n laɛ, n piɛ̃ ka maa zaman lɛ a soo a woo ne.

Bɔ bɛ̀rɛbaa nɛ 9:7

Faarahɔn minin dia ǹ nə́ woo ga, Izirayeli nɛnyanan tɔɔ goon din gã wa. Sɛnɛ, Faarahɔn too goã a kakabaa gɔ́ɔ̃ nɛ, a toa zaman lɛ soo á woo wa.

Suusun 16:18

Din gole kɔ n die mɛnaa nɛ. Din koa n die ka bɔ̀n nɛ.

Suusun 16:5

Din gole-kɔlin tìĩ n boe-n Dɛnaa Lawa nyin ni, ǹ dɔlɔ bɔ ma-a a sàabiɛ wa.

Izayii 47:1

Dɛnaa Lawa pɛ: *Baabilonii kiwi, gisĩ n giã tán gusuũ li, *Kaldee minin kiwi, kii dankan bɛ́ a bǎã mɛn nɛ wa, giã tán furu-n walan. Baabilonii kiwi, giã tán furu-n sonbore! Kanna, ǹ ba re n bíi: "Baabilonii sonbore" doo wa, "Baabilonii siĩn" wa.

Zeremii 13:18

A pɛ kii laanka kii ǹ dan nɛ kɛnɛn: Ka giã tán furu-n a giala, kaa kii bafolo sonbore kɛ bɔ ka mìi ganaa á mɛnaa.

Zeremii 19:15

– Dɛnaa Lawa Pàãyiidɛnaa, Izirayeli a Lawa a da ǹ boo á ke: «Ma dɔlɔn mɛnɛn boo da kiwi kɛ wɔ paǹ li ka a lɛkoro-a kiwin ni, man die yui ǹ gialaa ka bɛn nɛ. A giala, kiwi minin lɛn mìi n laa nɛ. Maǹ nə n piɛ̃ ǹ ba n too koe maa da ǹ boon li wa.»

Zeremii 48:18

Dibɔn a zaman, gisĩ n nə n tɔ golebaa kɛ toa walan. Giã tán bǎã gere ne. A giala, Moabu a basaã-kɔle kɛ n die n gialaa, màn mɛn bɛ́ toɛ n kungɔnɔn kɛn tamaa nɛ a bɛn ziziɛ̃.

Ezekieli 30:6

Masɛ Dɛnaa Lawa a da ǹ boo á ke: Ezipti a dɔmalɛ wolen kɛn tá re mɛnɛɛ zia la, a saa Migdɔli ganaa, a wo Siyɛni yaa. A bɛ́ n din koɛ a pàã mɛn taman yii, bɛ á re nyɛɛ. Ma din Dɛnaa Lawa a da ǹ boo ne.

Ezekieli 31:10

Bɛ́ lɛ na á toa masɛ Dɛnaa Lawa á kɛ pii kii wɔ paǹ li: «Da kaka lɛ bɛ́ á gole kɔ, a mìi la woo n doa labaran ganaa bɛ lɛ na á toa din gole kɔ wɔ a foo ne.

Danayeli sɛ́wɔ 11:36

Sii mɛn bɛ́ kɔɔ̃n kii lɛ ganaa, a n die bɛ zɛnɛɛ. A n die n din gole koe, a n din soɛ kɔ lawan tumaa nɛ. Boo mɛn din doamaa bie ka diɛ-n wa, á re bɛ diɛ lawan Lawa kɛ ganaa. Á re giala yii a gɔn. Sɛnɛ, Lawa foo bɛ́ re yui ǹ mɛn pinaa, a boo mɛn da, a n die bɛa sii zɛnɛɛ.

Danayeli sɛ́wɔ 4:26

Lɛ̀ goon, boo lɛ a diɛ kio, ǹ kɔn pinaa, a na á goã n gòãn boboe kɔn a kii kion kɛ a kala la Baabilonii gána nɛ.

Danayeli sɛ́wɔ 4:28

Bɛa boo lɛ din nya a lɛ-n wa, bɛ̀ lɛn goon bɛ́ á bɔ lon á pɛ nɛ: «Kii Nebukadenezɔɔrɔ, man pii n ni, máa kiibaa lɛ nə́ n si n la.

Danayeli sɛ́wɔ 8:8

Butuu lɛ pàã daa á gole kɔ taãn-taãnɛ. Sɛnɛ, pàã bɛ́ a lon ǹ mɛn waáraa taãn-taãnɛ, bɛn gole lɛ yiɛ. Bɛn sɔsɔrɔ gegere màn sii bɔ a bǎã nɛ, ǹ gogoonmaa yɔrɔ n dia-n kanaa a lɛ̀ gùrù sii kɛ gogoon la.

Luku 18:14

Yezu pɛ: «Man pii ka nɛ, bɛa wusuru-sili lɛ wusoo á woo piɛ ka peperebaa nɛ Lawa yɔrɔ-a, sɛnɛ, goon kɛ lɛ bɛ yɛ wa. A giala bɛ̀ min mɛn nə́ n din saa lon, ǹ tá re bɛa dɛnaa gisĩ, bɛ̀ min mɛn nə́ n din boɛɛn kɔ ǹ tá re bɛ siɛ lon.»

Ebrəə 3:13

Sɛnɛ, Lawa bɛ́ tɔn boo diɛ ka-n "pelo" ke, a n mà ka kɔ́n baran toa sii baraa sã, a na a too kaka kɔ wa. Ka n gɔn waa kɔn nɛ baraabaraa.

Samayeli1 6:6

Wàa na á baa ka tá li ka n foo laa, ka *Faarahɔn laanka Ezipti minin nə́ ǹ wɔ laa lɔn? Lawa bɛ́ á bɔ ka yii ni biikoo mɛn li, ka Izirayeli minin lɛn toa walan, ǹ nə́ woo wa?