Danayeli sɛ́wɔ 5:17 - LAWA A BOO SONBORE 2011

¹⁷ Danayeli tɔ́n pɛ kii ni kɛnɛn: «N bɛ́ li n masɛ gɔ ka mànan mɛnɛn nɛ, n din nɔmɔ ǹ ganaa. N bɛ́ li n ma guguru kɔ ka mànan mɛnɛn nɛ, ǹ kɔ min kɔsɔn la. Sɛnɛ, masɛ á re sɛ́wɔ-kiɛ̃ lɛ pii, ma a giala dɔ pɛ n nɛ.

Danayeli sɛ́wɔ 5:17 ပူးပေါင်းရင်းမြစ်များ

Siin Giala 14:23

Ma nə n liɛ, ma ba re màn kɔ́n sii n la wa, haalɛ a gɛ̀sɛ, haalɛ a kɔsɔ biɛ! Bɛ n toɛ n ba re boe la n pɛ biɛ̃ mà nsɛ nə ń toa Abramu màndɛnaa baa wa.

Kiin2 3:13

Yiliizee pɛ Izirayeli gána a kii lɛ nɛ: «Wàa dɔ n wɔsɛn bii ni? N di laanka ǹ dan goã woe Lawa a boo gii-dalin soɛ-bɔlin mɛnɛn lɛn li, wo bɛn lɛn li.» Izirayeli gána a kii lɛ ná a lɛ si: «Haayii! A giala Dɛnaa Lawa na á lɛ dia kii sɔɔ kɛ la, á n die ǹ we Moabu gána a kii gɔn.»

Kiin2 5:16

Sɛnɛ, Yiliizee ná a lɛ si: «Dɛnaa Lawa Yiikoonaa mɛn lɛ bɛ́ má n dí nyɛɛ nɛ, bɛ lɛ tɔ taman yii, ma ba re lɛ koe ma màn kɔn si wa.» Naaman nə́ n laa a ganaa mà a lɛ kɔ sɛnɛ á n piã.

Kiin2 5:26

Sɛnɛ Yiliizee nə́ n toa a ganaa: «Giĩ goon bɛ́ gisĩ fufuu n boe a wotoro la, die n diɛ n lɛ, masɛ n ma bɛ yɛ sii nyaa-n wa? Wɔrɔ yɛ n biikoo n ka kɛ nɛ ń nə́ boe la ń nə́ mɔnaan pii ni, *olivie dan nɛ, *rezɛ̃ dan nɛ, sèren laanka diin ni, bɛ̀rɛgiĩn laanka bɛ̀rɛlɔn nɛ?

Loen 119:46

Ma á re n gɔn waa ma-n boon kɛn diɛ kiin yɔrɔ-a. Ma a re bɛa sìi koe wa.

Danayeli sɛ́wɔ 2:6

Sɛnɛ, bɛ̀ ka narɛɛ lɛ laanka a binyəə pɛ, ma á re bǐɛ̃ biɛ ka la ka mànan nɛ, ma gugurubaa gole kɔ ka la. Ka narɛɛ lɛ laanka a binyəə pɛ ma-n kəni.»

Danayeli sɛ́wɔ 5:29

A din bǎã-n gɔrɔ, Bɛltazaara pɛ mà ǹ kii dɔnkɛ wɔ Danayeli ganaa, ǹ sana da a bɔlɔ-a nyaǹ lɛa. Á pɛ mà ǹ lɛ dia ǹ pɛ minin manɛ, mà goledɛnaa paa mɛn bɛ́ gána lɛ a sii mìi la, mà Danayeli nə ǹ sɔɔbaa ǹ wɔ lɛa.

Nya ǹ dín 8:20

Sɛnɛ, Piɛrɛ ná a lɛ si: «N bɛ́ ń taasɛ mà n tá boe la, n Lawa a bǐɛ̃ sonbore kɛ pii ka wɔrɔ nɛ, n laanka n wɔrɔ tumaa bɔ̀n baa kun.