Danayeli sɛ́wɔ 5:16 - LAWA A BOO SONBORE 2011

¹⁶ Má ma, mà n tá boe la n sii-duriin giala pɛ, n sii kakan yɔrɔ bɔ. Bɛ lɛ nɛ, bɛ̀ ń boo la ń sɛ́wɔ-kiɛ̃ kɛ pɛ, ń ná a giala dɔ pɛ masɛ nɛ, kii dɔnkɛ á re n we n ganaa, sana nə n da n bɔlɔ-a nyaǹ lɛa. Goledɛnaa paa mɛn bɛ́ gána lɛ a sii mìi la, n tá re bɛn sɔɔbaa ǹ wɔ biɛ.»

Danayeli sɛ́wɔ 5:16 ပူးပေါင်းရင်းမြစ်များ

Siin Giala 40:8

Ǹ nə́ tɔ́n pɛ-n kɛnɛn: «Wɔ ǹ wɔ́ n narɛ, min kɔ́n dɔ banban, a n boe la, a tá wɔa narɛɛn lɛn giala pii wɔ-n wa.» Zozɛfu tɔ́n pɛ ǹ nɛ: «Lawa á boe la, a na a giala pɛ ka nɛ. Ka n narɛ ka sii mɛn nɛ, ka pɛ ma nɛ.»

Siin Giala 41:15

Faarahɔn tɔ́n pɛ Zozɛfu ni: «Má narɛɛ kɔ́n wɔ, min kɔ́n boo la, a ná a binyəə pɛ ma-n wa. Sɛnɛ, má ma, mà bɛ̀ ń min a narɛɛ boon ma, mà ń tá boe la, n ná a binyəə pɛ.»

Siin Giala 41:42

Bɛ kio, a ná a gòon ganaa ǹ kaaran bɔ, á wɔ Zozɛfu goon ganaa, á mɔnaa guguru sonboren wɔ a ganaa, á sana gii da a bɔlɔ-a.

Danayeli sɛ́wɔ 2:48

Bɛ kio, kii lɛ golebaa kɔ Danayeli la, á gɔ ka màn sonbore gigiã nɛ. Á koa Baabilonii bǎã tumaa a gánadɛnaa lɛa, á koa doɛ̃-wɔlen kɛn tumaa dɔ a nyɛɛnaandɛnaa gole lɛa.

Danayeli sɛ́wɔ 2:6

Sɛnɛ, bɛ̀ ka narɛɛ lɛ laanka a binyəə pɛ, ma á re bǐɛ̃ biɛ ka la ka mànan nɛ, ma gugurubaa gole kɔ ka la. Ka narɛɛ lɛ laanka a binyəə pɛ ma-n kəni.»

Danayeli sɛ́wɔ 5:29

A din bǎã-n gɔrɔ, Bɛltazaara pɛ mà ǹ kii dɔnkɛ wɔ Danayeli ganaa, ǹ sana da a bɔlɔ-a nyaǹ lɛa. Á pɛ mà ǹ lɛ dia ǹ pɛ minin manɛ, mà goledɛnaa paa mɛn bɛ́ gána lɛ a sii mìi la, mà Danayeli nə ǹ sɔɔbaa ǹ wɔ lɛa.

Danayeli sɛ́wɔ 5:7

Á tɔ́n nə n lɛ dɛ kɔsɛkɔsɛ, mà ǹ lɛ dia sii-dɔ̃lin la ǹ daa, ka kɔ́lɔnbaalin ni, doɛ̃-wɔlen laanka wɔ-kũlin ni. *Baabilonii gána a sii-dɔ̃lin lɛn bɛ́ ǹ nə́ daa, kii lɛ pɛ ǹ nɛ kɛnɛn: «Bɛ̀ min mɛn boo la á sɛ́wɔ-kiɛ̃ kɛ lɛ pɛ, a ná a giala dɔ pɛ masɛ nɛ, masɛ á re kii dɔnkɛ we a ganaa, ma sana gii da a bɔlɔ-a nyaǹ lɛa. Goledɛnaa paa mɛn bɛ́ gána lɛ a sii mìi la, bɛa dɛnaa n die goɛ̃ a sɔɔbaa ǹ wɔ lɛa.»

Danayeli sɛ́wɔ 6:2

Dariyusu ga a ganaa, mà á siĩni asɛ gánadɛnaa dadara paabiɛ ka fuə koa gána lɛ mìi la, màn mɛn bɛ́ toɛ, minin nə yɛ asɛ a pàã lɛ la, gána lɛ paǹ tumaa nɛ.

Nya ǹ dín 8:18

Sɛnɛ, Simɔn bɛ́ á yɛ mà bɛ̀ dia dí-a wolen lɛn nə́ n gɔn da min la, mà Yiri Fu n gisĩ la, á pɛ ǹ nɛ: «Masɛ n die wɔrɔ koe ka la.